ནགས་ཀྱི་ཤིང་ལོ་ནས།
ཕྱི་རུ་ཆར་པ་ཟིམ་ཟིམ་ཟིམ།།
ལོ་མ་ལྗང་ཁུ་ཆར་གྱིས་བཀྲུས།།
ནང་ན་ཚོར་བ་སྙི་མོ་ཞིག །
རྣམ་ཤེས་དམར་པོ་དྲན་པས་བཟི།།
ཕྱི་རུ་རླུང་བུ་འུར་འུར་འུར།།
ལྗོན་ཤིང་ཡལ་ག་རླུང་གིས་བསྒུལ།།
ནང་ན་ཐབ་ཀྱི་རླངས་པ་ཐུལ།།
ཇ་ཐང་སྨུག་ནག་བྲོ་བ་ཞིམ།།
ཕྱི་རུ་བྱིའུ་སྐད་འགྱར་འགྱུར་འགྱུར།།
དགོང་མོའི་ཁུ་སིམ་ཧད་ཀྱིས་དཀྲོགས།།
ནང་ན་རྣམ་རྟོག་རི་མོ་འགའ།།
གཟུགས་མེད་རླུང་བུས་རྒྱང་དུ་སྤུར།།
ཕྱི་རུ་ཁྱི་ཚོགས་འབ་བཞིན་འབ།།
མཚན་མོ་འགྲུལ་པའི་ཉྭ་ཁུག་འདར།།
ནང་ན་ཚེ་སྲོག་ཁེར་རྐྱང་ཞིག །
གཉིད་ལམ་ཁྲ་ཁྲའི་གྲོང་དུ་ཆས།།
༢༠༡༧—༧—༡༡
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།