Subscribe to this RSS feed

ལུང་ཚན་བྱེ་བྲག

Sat 14 Apr 2018

ནགས་ཤོད་ནི་ཚོ་པ་དགུ་ལས་གྲུབ་པ་ཞིག་ཡིན།

ནགས་ཤོད་ནི་ཚོ་པ་དགུ་ལས་གྲུབ་པ་ཞིག་ཡིན། ནགས་ཤོད་ཚོ་དགུ་ནི། འབྲི་རུ།སྟག་དྲུག །བོམ་ཕན། ཁྲ་རིང༌། འགོམ། རཀྵི། ན་རོག །བུ་རྫུམ། སེན་ཚ་བཅས་ལ་ནགས་ཤོད་ཚོ་དགུ་ཞེས་འབོད། ཚོ་པ་སོ་སོའི་སྡེ་ཤོག་མང་ཉུང་ཅི་རིགས་ཡོད། འབྲི་རུ་ཚོ་པ་ལ་འབྲི་རུ་ཤོག་བཞི་ཡོད་པ་ནི། བསྐྱར་རྒྱུད་〔ཅང་རྒྱུད་〕ཤོག་ཁ། ཆུང་རྒྱུད་ཤོག་ཁ། ཉི་མ་ཤོག་ཁ། ལུང་རྒྱུད་ཤོག་ཁ་བཅས་ལ་ཤོག་བཞི། སྟག་དྲུག་ཚོ་པ་ཤོག་གསུམ་ཡོད་པ་ནི། ཁྱུང་ཁྲའི་ཤོག །རྩེ་ མགོ་ཤོག གིལ་པ་ཤོག་དང་གསུམ། བོམ་ཕན་ཚོ་པ་ལ་ཤོག་གསུམ་ཡོད་པ་ནི། ནགས་རོང༌། ལ་གོང༌། ལྕི་བ་ཤོག་བཅས་གསུམ། ཁྲ་རིང་ཚོ་པ་ལ་ཤོག་བཞི་ཡོད་པ་ནི། སྒུར་སྟོད། སྒུར་སྨད། ཀ་རོང༌། ཁ་རེ་ཤོག་བཅས་བཞི། འགོམ་ཚོ་པ་ལ་འགོམ་སྡེ་ལེང་དྲུག་ཡོད་པ་ནི། སྨྲི་ཐི་ཉུང་དཀར། ཆུ་སྲིབ། དཀར་གཞུང༌། ཉང་ཁུ་གཞུང༌། འོམ་མཐའ། ཡུལ་གྲོང་སྡེ་བཅས་ལེང་དྲུག།རཀྵི་ཚོ་པ་ལ་སྟོད་ཤོག་དང་སྨད་ཤོག་བཅས་ཁག་གཉིས་ཡོད། ན་རོག་ཚོ་པ། འདིའི་སྐོར་ནགས་ཤོད་འབྲི་རུའི་ལོ་རྒྱུས་ལས། ན་རོག་ཚོ་པ་ཞེས་པ་ནི་ཚོ་དཔོན་འགོ་དཔོན་སྒེར་འཐོབ་སྦེ་ཅང་ཞེས་པ་ལས། སྦེ་ཧུ་ཞེས་མེད་པ་རེད་གང་ཡིན་ཟེར་ན༌། ན་རོག །བུ་རྫུམ། སེན་ཚ་བཅས་ཚོ་ཤོག་དེ་རྣམས་སྐབས་དེར་ཚོ་གནས་ཆུང་ཆུང་དང་མི་གྲངས་ཉུང་ཉུང་ཞིག་ཡིན་ པར་བརྟེན་ཚོ་ཤོག་འགོ་དཔོན་རྣམས་ལ་སྒེ་ཐོབ་སྦེ་ཅང་ཟེར། ན་རོག་ཚོ་སྡེ་བརྒྱ་མགོ་བརྒྱད་ ཅེས་པ་དང༌། ཞེས་གསལ། བུ་རྫུམ་ཚོ་པ་ལ་མཐའ་ལྔ་དབུས་བཅུ་ཞེས་སྡེ་གང་སར་གྲམ་ནས་ཡོད་པ་སྟེ། ལྷ་རི་དང༌། རྒྱ་སྟོང་ལྡིང་དགུའི་ཁོངས། སྔོད་ཨ་ལ་ཅ་གོང་བརྒྱུད་དུ་ཡོད་པ་མ་ཟད། སྒེར་སྡེ་མགོ་བཏགས་ཀྱི་སྡེ་ཀོང་པོ་བྲག་གསུམ་དང༌། ཉི་ཁྲིའི་བརྒྱུད་བཅས་ཡོད།

སྡེ་ཚན། ལུང་ཚན་བྱེ་བྲག
6 བསམ་ཚུལ།
བཀླགས་འཕྲོ...
Sat 14 Apr 2018

ནགས་ཤོད་པའི་རིག་གནས་སྒྱུ་རྩལ།

གནའ་དུས་ནས་དམངས་ཁྲོད་དུ་དར་རྒྱས་ཡོད་པའི་རོལ་དབྱངས། གླུ། སྒྲུང་གཏམ། གཏམ་དཔེ། གཞས། ཞབས་བྲོ། སྒོར་གཞས། གཞས་ཤགས། འབྲས་དཀར། དགོད་བྲོའི་གཏམ་གླེང་སོགས་ནགས་ཤོད་སྟོད་སྨད་བར་གསུམ་དུ་གྲ་རྒྱས་ཕུན་སུམ་ཚོགས་པ་ཡོད། ལྷག་པར་དུ་གཡུ་གོང་དང་སྦྱིན་ཆེན། མོ་བ་གསུམ་གྱི་གཞས་ཞེས་སྔ་དུས་སུ་གྲགས་པ་ཆེ། ལུང་པ་འདིའི་ནང་རས་པའི་སྒྱུ་རྩལ་དུས་གང་གི་ཚེ་དར་བ་བཤད་ཚོད་དཀའ་ཡང༌། ཆ་ལག་ཡོངས་སུ་ཚང་བ་གྲ་རྒྱས་ཕུན་སུམ་ཚོགས་པ་བོད་ཡོངས་སུ་སྐད་གྲགས་ཡོད་པའི་སྟེང་དཀར་རས་པ་དང༌། སྦྱིན་ཆེན་རས་པ། མོ་བ་རས་པ་གསུམ་ཁྱབ་བདག་སྟག་ཕུ་པ་སྐུ་ཕྲེང་ལྔ་པ་གར་དབང་བློ་བཟང་ཆོས་ཀྱི་དབང་ཕྱུག་གིས་སྲོལ་གཏོད་གནང་བ་ལས་བྱུང༌། གོང་གི་རས་པ་གྲོང་ཁག་གསུམ་ལས་ད་སྐབས་སྟེང་དཀར་རས་པ་དངོས་སུ་མཐོང་རྒྱུ་ཡོད། རས་པའི་སྒྱུ་རྩལ་ནང༌། ནང་པའི་ཆོས་དང་འབྲེལ་བའི་རིག་གཞུང་དང་དམངས་ཁྲོད་ཀྱི་སྒྱུ་རྩལ་ཕུན་སུམ་ཚོགས་པའི་ཉིང་ཁུ་བསྡུས་ཡོད། རས་པའི་འཁྲབ་ཚན་གྲངས་སུམ་ཅུ་སོ་གྲངས་ལྷག་ཡོད་པ་ནི་འདི་ལྟར་སྟེ། ༡ རྔ་འུར་རྡུང༌། ༢ མ་ཎིའི་སྐུལ་འདོན། ༣ ས་འདུལ་གོང་འོག ༤ ས་འདུལ་ཕྱོགས་བཞིའི་འདུལ་རྡུང༌། ༥ཇ་མཆོད། ༦ཆོས་རྒྱལ་ནོར་བཟང༌། ༧བྲམ་ཟེ། ༨རྐང་མགྱོགས། ༩ཀླུ་རྒྱལ།༡༠སྔགས་པ། ༡༡སྲིད་པའི་ཕ་མ་རྒན་ཁོག ༡༢དྲང་སྲོང་ལྷ་མོ། ༡༣དྲང་སྲོང་ཧ་རི་ནག་པོ། ༡༤ཆོས་རྒྱལ་ནོར་བཟང་གིས་བྱང་གི་མི་རྒོད་འདུལ་བ།

སྡེ་ཚན། ལུང་ཚན་བྱེ་བྲག
བསམ་ཚུལ།....
བཀླགས་འཕྲོ...
Sat 14 Apr 2018

འགྲིམ་འགྲུལ་སྐྱེལ་འདྲེན།

བོད་སྤྱི་མཚུངས་བཞིན་རྟ་དྲེལ་མཛོ་གཡག་ལ་བརྟེན་ནས་ཡུལ་འབྲོག་བར་དང༌། ཚོང་འགྲུལ། ཚྭ་ལེན། དབྱར་དགུན་གྱི་མཚེར་ས་སྤོ་འཇོག །ཁྲལ་རྒྱུག་འུ་ལག་སོགས་ཅི་དང་གང་དགོས་ཀྱི་སྐྱེལ་འདྲེན་རྣམས་སྐམ་སར་སྟབས་བདེའི་ངང་སྒྲུབ་ཐུབ་པ་དང༌། དེ་མིན་ཆུ་ཆུང་ལ་ཟམ་པ་དང་ཆུ་ཆེན་ལ་དབྱར་དུས་སུ་འདྲེང་དང༌། ཀོ་གྲུ །དགུན་ཁར་དར་ཐོག་བཅས་ནས་སྐྱེལ་འདྲེན་བྱེད་ཀྱི་ཡོད། སྡོད་གནས།ས་ཁུལ་འདིར་མཐོ་སར་འབྲོག་ཁུལ་དང༌། དམའ་སར་ཞིང་ཁུལ་ཡིན་པས་དེ་གཉིས་ལ་ཡུལ་འབྲོག་གཉིས་ཞེས་འབོད། ཞིང་གྲོང་ཁུལ་དུ་གྲོང་དང་གྲོང་གསེབ་ཏུ་སྡོད་གནས་ཁང་པ་ཡིན་པ་དང་འབྲོག་ཁུལ་གྱི་སྡོད་གནས་དགུན་དུས་སུ་ཕལ་ཆེར་ཁང་པ་དང༌། དབྱར་དཔྱིད་སྟོན་གྱི་དུས་ཚིགས་སོ་སོར་འཁོས་འབྱོར་ཆེ་ཆུང་བཞིན་སྦྲ་གུར་ཆེ་ཆུང་སྤྱི་རིགས་པ་ཡོད།

 

རྩོམ་ཡིག་འདི་ཐེངས་ 9196 བཀླགས་འདུག

སྡེ་ཚན། ལུང་ཚན་བྱེ་བྲག
བསམ་ཚུལ།....
བཀླགས་འཕྲོ...
Sat 14 Apr 2018

ནགས་ཤོད་ཅེས་པ་ནི།

མིང་ལ་འདོད་རྒྱལ་དང་རྗེས་གྲུབ་གཉིས་ཡོད་པ་ལས་རྒྱུ་མཚན་ལ་ལྟོས་པའི་རྗེས་གྲུབ་ཏུ་བརྡ་བྱས་པ་ཞིག་ཡིན་ཏེ།   ཁོ་ར་འཁོར་ཡུག་ནགས་ཚལ་སྟུག་པོའི་ཚང་ཚིང་ཀུན་ཏུ་འཁྲིགས་ཤིང་རྩི་ཤིང་སྨན་རིགས་ཀྱི་དྲི་བསུང་རྣམ་པར་འཐུལ་བའི་ནགས་ཡིན་པས་ནགས་ཞེས་དང༌། རོང་གཞི་ས་བབས་དམའ་བའི་གཤོངས་སམ་ཤོད་ཡིན་པས་ཤོད་ཅེས་འབོད།

དཔེར་ན་ཐོག་རིམ་གསུམ་གྱི་ཁང་པ་ལ་སྟེང་ཤོད་བར་གསུམ་ཞེས་དང༌། དེ་བཞིན་རྩེ་ཤོད་ཅེས་རི་ཡི་གཤམ་ལ་ཤོད་ཅེས་འབོད། གོང་གི་ནགས་དང་ཤོད་གཉིས་བསྡོམས་ནས་བར་གྱི་ཚིག་སྣ་བསྡུས་པས་ནགས་ཤོད་ཅེས་པའི་ཐ་སྙད་འདི་གྲུབ། སྤྱིར་ནགས་ཤོད་འདི་ལ་མིང་གི་རྣམ་གྲངས་ལྟ་བུའི་ཐ་སྙད་སྣ་ཚོགས་པ་ཞིག་ཡོད་པ་ནི། བར་གྱི་དཔའ་སྡེ་ནགས་ཤོད་ཅེས་དང༌། ནགས་ཤོད་སྟོང་བུ་ཆུང་ཞེས་དང༌། སྦས་ཡུལ་ ནགས་ཤོད་སྨན་ལྗོངས་ཞེས་དང༌། བཀྲ་ཤིས་ནཌ་ཀླུང་འབབ་པའི་ཡུལ་གྱི་ཤོད་ཅེས་དང༌། ནགས་ཤོད་སྨན་ལྗོངས་ཕྱུག་མོ་ཞེས་དང༌། ནགས་ཤོད་སྦས་ཡུལ་ལྗོངས་ཞེས་དང༌། བཀྲ་ཤིས་ ནགས་ཀླུང་སྟུག་པོ་བཀོད་པའི་ཡུལ་གྱི་ཤོད་ཅེས་དང༌། ནགས་ཤོད་འབྲི་ལྗོངས་ཕྱུག་མོ་ཞེས་ སོགས་ཟུར་རྒྱན་གྱི་མཛེས་ཆོས་དུ་མ་དང་ལྡན་པའི་ནགས་ཤོད་ཅེས་པ་འདི། ཆབ་སྲིད་ གྱི་འཕོ་འགྱུར་དང༌། དུས་རབས་ཀྱི་འགྱུར་འགྲོས་གང་གིས་དབང་བསྒྱུར་འོག་མ་ཚུད་པར་ ནགས་ཤོད་ཅེས་པའི་ཐ་སྙད་འདི། གྲ་མ་ཉམས་གྲུ་མ་ཞིག་པར་བོད་བཙན་པོའི་དུས་རབས་ ཀྱི་སྔོན་ནས་དུས་ད་ལྟའང་གསོན་པོར་གནས་ཐུབ་པ་ནི་ནགས་ཤོད་པས་ངོམས་ཆོག་པའི་རིན་ཐང་དང་གཟི་བརྗིད་ཀྱང་ཡིན་ནོ། །

སྡེ་ཚན། ལུང་ཚན་བྱེ་བྲག
བསམ་ཚུལ།....
བཀླགས་འཕྲོ...

ལོ་རྒྱུས་གསར་ཤོས།

ནགས་ཤོད་ནི་ཚོ་པ་དགུ་ལས་གྲུབ་པ་…

སྡེ་ཚན ལུང་ཚན་བྱེ་བྲག | ཟླ་ཚེས་ 14-04-2018 | ཀློག་གྲངས། 8571

ནགས་ཤོད་ནི་ཚོ་པ་དགུ་ལས་གྲུབ་པ་ཞིག་ཡིན། ནགས་ཤོད་ཚོ་དགུ་ནི། འབྲི་རུ།སྟག་དྲུག །བོམ་ཕན། ཁྲ་རིང... བཀླགས་འཕྲོ...

ནགས་ཤོད་པའི་རིག་གནས་སྒྱུ་རྩལ།

སྡེ་ཚན ལུང་ཚན་བྱེ་བྲག | ཟླ་ཚེས་ 14-04-2018 | ཀློག་གྲངས། 3101

གནའ་དུས་ནས་དམངས་ཁྲོད་དུ་དར་རྒྱས་ཡོད་པའི་རོལ་དབྱངས། གླུ། སྒྲུང་གཏམ། གཏམ་དཔེ། གཞས། ཞབས་བྲོ། ... བཀླགས་འཕྲོ...

འགྲིམ་འགྲུལ་སྐྱེལ་འདྲེན།

སྡེ་ཚན ལུང་ཚན་བྱེ་བྲག | ཟླ་ཚེས་ 14-04-2018 | ཀློག་གྲངས། 3049

བོད་སྤྱི་མཚུངས་བཞིན་རྟ་དྲེལ་མཛོ་གཡག་ལ་བརྟེན་ནས་ཡུལ་འབྲོག་བར་དང༌། ཚོང་འགྲུལ། ཚྭ་ལེན། དབྱར་ད... བཀླགས་འཕྲོ...

  • ནགས་ཤོད་ཅེས་པ་ནི།

    མིང་ལ་འདོད་རྒྱལ་དང་རྗེས་གྲུབ་གཉིས་ཡོད་པ་ལས་རྒྱུ་མཚན་ལ་ལྟོས་པའི་རྗེས་གྲུབ་ཏུ་བརྡ་…

གྲངས་དང་ཚད།

མཆན་གསར་ཤོས།

མཆན་མང་ཤོས།