སྤྱིའི་ཨང་། ༠༨
ཁྲིད་གཞུང་། སློབ་དཔོན་ཐོན་མི་སམ་བྷོ་ཊས་མཛད་པའི་སུམ་ཅུ་པའི་རྩ་བ་དང་། དབྱངས་ཅན་གྲུབ་པའི་རྡོ་རྗེས་མཛད་པའི་ལེགས་བཤད་ལྗོན་དབང་།
འགྲེམ་སྤེལ་སྒྲིག་སྦྱོར། ནགས་ལྷ་རྩོམ་སྒྲིག་ཁང་།
༢༠༡༦ ལོར་སྒྲིག་སྦྱོར་བྱས།
ངོ་སྤྲོད་མདོར་བསྡུས།
རིག་གནས་རྒྱ་མཚོའི་དཔལ་ལ་མཁྱེན་པ་རྒྱས་པའི་སེར་བྱེས་ལྷོ་པ་དགེ་བཤེས་སྐལ་བཟང་ཨེ་ལགས་སམ་སྐལ་བཟང་ལྷུན་གྲུབ་མཆོག་ནི། སྤྱི་ལོ་༡༩༧༢ ལོར་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་གནང་། སྤྱི་ལོ་ ༡༩༨༥ ལོར་སེར་བྱེས་སློབ་གྲྭའི་དགེ་ལས་གནང་སྟེ་སྤྱི་ལོ་ ༢༠༠༩ བར་ལོ་ངོ་ཉི་ཤུ་རྩ་ལྔའི་རིང་བོད་ཀྱི་རིག་གནས་དང་། རྒྱལ་རབས་ཆོས་འབྱུང་། དབུ་མེད་ཡིག་གཟུགས་ཁག་བདུན། དག་ཡིག་སོགས་སློབ་ཁྲིད་གནང་། མཐའ་མའི་ལོ་ལྔའི་རིང་གྲྭ་ཚང་ཚོགས་འདུ་བས་བསྐོ་བཞག་གནང་དོན་ལྟར་སེར་བྱེས་སློབ་གྲྭའི་དགེ་རྒན་ཆེན་མོའི་མཚན་གནས་ཐོག་ཤེས་ཡོན་གྱི་འགན་ཁུར་གནང་། སྤྱི་ལོ་ ༡༩༩༤ ལོར་སེར་བྱེས་མཁས་སྙན་གྲྭ་ཚང་དུ་དགེ་བཤེས་དམ་འཇོག་གནང་། སྤྱི་ལོ་༢༠༡༣ ལོར་སུམ་རྟགས་ལ་འཇུག་པའི་དྲིས་ལན་གསེར་གྱི་ལྡེ་མིག་ཅེས་པ་ཞིག་རྩོམ་གནང་མཛད། སྤྱི་ལོ་༢༠༡༤ ནས་༧ཏཱ་ལའི་བླ་མ་མཐོ་རིམ་སློབ་གཉེར་ཁང་གི་རིག་གནས་སློབ་དཔོན་གྱི་ཕྱག་ལས་གནང་བཞིན་པ་ཡིན།
