དགག་བྱ་ངོས་འཛིན་ཚུལ་ལ་དབུ་སེམས་སོ་སོས་ཁུངས་གང་ལ་བཅོལ་བའི་གཞུང་དང་དེའི་སྒྲུབ་བྱེད་སོགས་ལ་དཔྱད་པ།

 སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

འགྲོ་བ་ཀུན་གྱི་མ་འདྲིས་མཛའ་བཤེས་ཆེ། །
སྟོན་མཆོག་དོན་ཀུན་གྲུབ་དང་འཕགས་མཆོག་ཀླུ། ། 
འཇམ་མགོན་རྒྱལ་བ་གཉིས་པ་ཡབ་སྲས་སོགས། ། 
རྟེན་འབྱུང་གསལ་མཛད་རྣམས་ལ་གུས་པའི་འདུད། །

སྤྱིར་དགག་བྱ་ཞེས་པ་ནི།  འདོད་བྱའི་དོན་ཞིག་བསྒྲུབ་པ་ལ་བར་དུ་གཅོད་བྱེད་དངོས་སམ།  བར་དུ་གཅོད་བྱེད་ཀྱི་བློ་དེའི་འཛིན་སྟངས་ཡུལ་ལ་གོ་དགོས་པ་ཡིན།  དེ་ཡང་ནང་ཆོས་ནས་བཤད་པའི་དགག་བྱ་ལ་ཐར་བ་དང་ཐམས་ཅད་མཁྱེན་པ་ཐོབ་པ་ལ་བར་དུ་གཅོད་བྱེད་དངོས་སྒྲིབ་པ་གཉིས་དང་།   སྒྲིབ་པའི་གཉེན་པོ་ངོ་ཤེས་ནས་རང་རྒྱུད་ལ་བསྐྱེད་པ་ལ་ངེས་པར་ངོས་ཟིན་དགོས་པའི་གང་ཟག་གི་བདག་འཛིན་དང་།   ཆོས་ཀྱི་བདག་འཛིན་གཉིས་ཀྱི་ཞེན་ཡུལ་ཡང་དགག་བྱ་ཡིན།  དང་པོ་སྒྲིབ་གཉིས་དགག་བྱར་བཞག་པའི་དགག་བྱ་ནི་ངེས་པར་ཡོད་དགོས་ཏེ།  གཞན་དུ་ན་སེམས་ཅན་རྣམས་འབད་མེད་དུ་གྲོལ་བའི་སྐྱོན་ཡོད་ལ།  གང་ཟག་གི་བདག་དང་།  ཆོས་ཀྱི་བདག་དགག་བྱར་བཞག་པའི་དགག་བྱ་དེ་ལ་མེད་པ་ཞིག་དགོས་ཏེ།  འདི་འགོག་ཚུལ་ནི་མེད་པ་དེ་ཉིད་མེད་པ་ཡིན་པ་ངོ་འཕྲོད་པའམ་ཚད་མས་ངེས་པ་སྙེད་པ་ལ་བྱེད་པས་ཡོད་ན་དགག་མི་ནུས་པའི་ཕྱིར།

སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

ལྟ་བ་རྟེན་འབྱུང་ཞེས་པ་ནི། གཟུགས་སྒྲ་སོགས་བསྐྱེད་མཆེད་བཅུ་གཉིས་ཀྱི་ཆོས་ཐམས་ཅད་ཡོད་པར་འདོད་པ་ཕྱི་ནང་ཀུན་མཚུངས་ཀྱང་། ཡོད་ཚུལ་ལམ་ཡོད་པའི་རྒྱུ་མཚན་མི་འདྲ་བས། ནང་པའི་གྲུབ་མཐའ་སྨྲ་བ་རྣམས་ཀྱིས་འབྲས་བུའི་ཆོས་རྣམས་རང་གི་རྒྱུ་རྐྱེན་གཞན་ལ་ལྟོས་ནས་གྲུབ་པའི་རྟེན་འབྱུང་དང་། རང་གི་ཆ་ཤས་ལ་ལྟོས་ནས་གྲུབ་པའི་རྟེན་འབྱུང་དང་། མིང་དང་རྟོག་པས་བཏགས་པའི་རྟེན་འབྱུང་སྟེ། རྟེན་འབྱུང་ལ་ཕྲ་རག་མི་འདྲ་བ་གསུམ་རང་སྡེ་དངོས་སྨྲ་བ་དང་། དབུ་མ་པ་དག་གིས་འདོད། རྟེན་འབྱུང་ཕྲ་རག་ཙམ་ལས་འབྲས་བུའི་ཆོས་རྣམས་རང་གི་རྒྱུ་རྐྱེན་ལ་ལྟོས་པའི་ལྟོས་གྲུབ་ཀྱི་རིགས་པ་སོགས་ཀྱིས་ལྟོས་གྲུབ་མ་ཡིན་པའི་འདུས་བྱས་ཅུང་ཟད་ཀྱང་མི་འདོད་པ་ནི་ནང་པ་སྤྱིའི་ལྟ་གྲུབ་དང་། སྤྱོད་པ་འཚེ་མེད་ནི། མཆོག་གསུམ་ལ་སྐྱབས་སུ་སོང་བས། སྐྱབས་འགྲོའི་བསླབ་བྱ་ལས། དམ་པའི་ཆོས་ལ་སྐྱབས་སོང་བས། །འཚེ་ཤིང་གསོད་པའི་སེམས་དང་བྲལ། །ཞེས་དང་། རང་གི་ལུས་ལ་དཔེ་ལོང་ལ། །གཞན་ལ་གནོད་པ་མ་བྱེད་གཅིག །ཅེས་གསུངས་པ་ལྟར། རང་གཞན་བདེ་སྡུག་འདོད་མི་འདོད་མཚུངས་པས། གཞན་ལ་ཕན་མ་ཐོགས་ནའང་གནོད་པའི་འཚེ་བ་སྤོང་བ་ནི་ནང་པ་བ་རྣམས་ཀྱི་སྤྱིའི་སྤྱོད་པ་ཡིན་ནོ།། 

རྩོམ་ཡིག་འདི་ཐེངས་ 10366 བཀླགས་འདུག

འབྲི་ལྷ་རམས་དགེ་བཤེས་ངག་དབང་ཐོགས་མེད།

ཐེག་གསུམ་བྱང་ཆུབ་བགྲོད་ལ་ལྟ་བའི་མིག །
ཡང་དག་ཇི་བཞིན་གསལ་བར་སྟོན་མཛད་པའི།།
སྟོན་མཆོག་ཤིང་རྟ་ཆེན་པོ་ཡབ་སྲས་དང་།།
འཇམ་མགོན་བླ་མ་སྲས་དང་བཅས་ལ་འདུད།།

རྗེའི་དངོས་སློབ་འཇམ་དབྱངས་ཆོས་རྗེ་བཀྲ་ཤིས་དཔལ་ལྡན་པས་ཆོས་ཀྱི་སྡེ་ཆེན་པོ་དཔལ་ལྡན་འབྲས་དཀར་སྤུངས་པ་ཕྱག་བཏབ་ནས་ལོ་ངོ་དྲུག་བརྒྱ་འཁོར་བའི་བཀའ་དྲིན་རྗེས་དྲན་དུ།  མཁས་པའི་བགྲོ་གླེང་གི་སྐབས་སུ།  གུས་ལ་བརྗོད་གཞི་རྩ་ཤེས་རབ་བྱེད་བཅོ་བརྒྱད་པའི་དཀའ་གནད་ཞིག་ལ་དཔྱད་རྩོམ་དགོས་ཞེས་བཀའ་གནང་བ་ལྟར། འདིར་རབ་བྱེད་བཅོ་བརྒྱད་པའི་དོན་ལ་ཅུང་ཟད་དཔྱད་ན།།

རབ་བྱེད་བཅོ་བརྒྱད་པའི་བརྗོད་བྱ་བསྟན་ཚུལ་ནི།  དབུ་མའི་གཞུང་ཆེ་མོ་རྣམས་སུ་ཆོས་ཅན་སོ་སོ་བ་དཔག་དུ་མེད་པ་ལ་རང་བཞིན་འགོག་པའི་རིགས་པ་ཡང་ཚུལ་དུ་མ་གསུངས་ཀྱང་། འདིར་རྣལ་འབྱོར་པས་ཐོག་མར་འཇུག་པའི་ཚེ། འཇིག་ལྟས་བཟུང་བའི་བདག་དེ་ཕུང་པོ་དང་གཅིག་ཐ་དད་གང་དུ་ཡོད་བརྟགས་ཏེ།  དེའི་ཡུལ་སུན་ཕྱུང་བའི་སྒོ་ནས་བདག་དང་བདག་གི་བ་ལ་རང་བཞིན་མེད་པ་གཏན་ལ་ཕབ་ནས་བསྒོམ་པ་ནི། རབ་བྱེད་འདིའི་དོན་ཡིན་པར་སློབ་དཔོན་སངས་རྒྱས་བསྐྱངས་ཀྱིས་གསུངས་པའི་རྗེས་སུ་འབྲངས་ནས་དཔལ་ལྡན་ཟླ་བའི་འཇུག་པར་གང་ཟག་གི་བདག་མེད་སྟོན་པ་རྣམས་ཀྱང་རབ་བྱེད་བཅོ་བརྒྱད་པ་འདི་ཉིད་རྒྱས་པར་འཆད་པ་ཡིན་ནོ།  འོ་ན་རབ་བྱེད་བཅོ་བརྒྱད་པ་འདིས་བདག་དང་བདག་གི་བ་མེད་པ་གཏན་ལ་འབེབས་པའི་ཚུལ་ཇི་ལྟ་བུ་ཞིག་གོ་སྙམ་ན།  འདི་ལ་ཚིགས་སུ་བཅད་པ་བཅུ་གཉིས་ལས། དང་པོས་ནི་གནད་བཞིའི་སྒོ་ནས་འཇིག་ལྟའི་ཞེན་ཡུལ་འགོག་ཚུལ་བསྟན། འདི་གལ་ཆེ་བ་མཐོང་སྟེ་ཅུང་ཟད་སྤྲོས་ནས་འོག་ཏུ་འཆད་པར་འདོད་དོ།  དེ་ནས་ཚིག་རྐང་གཉིས་ཀྱིས་བདག་གི་བ་ལ་རང་བཞིན་མེད་པ་བསྟན། དེ་ནས་རྐང་པ་གཉིས་ཀྱིས་དེ་འདྲའི་བདག་མེད་རྒྱུན་ལྡན་དུ་བསྒོམས་པས་འཇིག་ལྟ་ལྡོག་པའི་ཚུལ་བསྟན། དེ་ནས་ཚིགས་སུ་བཅད་པ་གཅིག་གིས་བདག་མེད་བསྒོམས་པ་དང་བདག་འཛིན་སྤོང་བའི་རྣལ་འབྱོར་པ་ཡོད་པས་བདག་ཡོད་དོ་ཞེས་རྩོད་པའི་ལན་བསྟན། དེ་ནས་གཅིག་གིས་ཕྱི་ནང་གི་ཆོས་ལ་བདག་དང་བདག་གི་བ་ཟད་པས་ལེན་པ་ཟད་པ་དང་། དེ་ཟད་པས་སྐྱེ་བ་ཟད་པ་བསྟན། དེ་ནས་གཅིག་གིས་རྒྱུ་གང་ཞིག་ཟད་པས་ལས་ཉོན་ཟད་པ་དང་།    དེ་ཟད་པས་ཐར་པ་ཐོབ་པར་བསྟན་ཏོ།   །ཤེས་རབ་སྒྲོན་མར།  སྔ་མ་འདི་ཡན་ཆད་ཀྱིས་ཉན་རང་གི་ཐར་པ་དང་། ཕྱི་མ་འདིས་ཐེག་ཆེན་གྱི་ཐར་པ་བསྟན་པར་འཆད་ལ། བུདྡྷ་པཱ་ལི་ཏ་དང་ཚིག་གསལ་ལས། དེ་གཉིས་ཀས་འཁོར་བ་ལས་གྲོལ་བའི་ཐར་པ་ཐེག་པ་ཆེ་ཆུང་ཐུན་མོང་བ་བསྟན་པར་བཞེད་དོ། །དེ་ནས་གཅིག་གིས་ལུང་དང་མི་འགལ་བ་བསྟན་པ་སྟེ། མདོ་སྡེ་འགའ་ཞིག་ཏུ་བདག་ཡོད་པར་གསུངས་པ་དང་།  ཁ་ཅིག་ཏུ་མེད་པ་བསྟན་པ་དང།   ཁ་ཅིག་ལས་བདག་དང་བདག་མེད་པ་འགའ་ཡང་ངོ་བོ་ཉིད་ཀྱིས་གྲུབ་པ་མེད་དོ་ཞེས་ཀྱང་བསྟན་པ་ནི། གདུལ་བྱ་དམན་པ་རྣམས་ལ་སྐུར་འདེབས་སོགས་སྡིག་པ་ལས་བཟློག་པའི་ཕྱིར་དང་། བར་མའི་གདུལ་བྱ་རྣམས་འཇིག་ལྟ་ལྷོད་པ་དང་མྱང་འདས་ལ་འདུན་པ་བསྐྱེད་པའི་ཕྱིར་དང་། བློ་མཆོག་གི་གདུལ་བྱ་རྣམས་ལ་ཟབ་མོའི་དོན་བསྟན་པར་མཛད་དོ། ཞེས་བདག་ཡོད་པར་གསུངས་པའི་དགོངས་པ་བསྟན་ནས་ལུང་དང་མི་འགལ་བ་བསྟན་ཏོ། དེ་ནས་གཅིག་གིས་དོན་དམ་པར་བརྗོད་མི་ནུས་པའི་རྒྱུ་མཚན་དཔེ་དང་བཅས་པ་གསུངས་སོ།

དགའ་ལྡན་སྙན་བརྒྱུད་སྤྲུལ་པའི་གླེགས་བམ་ལ་བརྟེན་ནས་གསར་རྩོམ་ཞབས་བརྟན་ཆེན་མོ་ནོར་བུའི་རྒྱ་མཚོ་བཞུགས་སོ།།

ན་མོ་གུ་རུ་ཛཱ་ཡ་ཨིཎྜ་ཡ།

རྒྱལ་ཀུན་སྙིང་རྗེ་འོ་མའི་ཆུ་གཏེར་ཀློང༌།།རབ་དཀར་སྤྱན་ལྡན་ཕྱག་གི་ཡལ་འདབ་འཛུམ།།
༧བསྟན་འཛིན་རྒྱ་མཚོ་སྙིང་རྗེའི་པདྨ་དཀར།།རྒྱལ་ཀུན་ཡོངས་ཀྱི་འཁོར་སྒྱུར་ཞབས་བརྟན་ཤོག།

དགེ་མཚན་ཀུན་ལྡན་ཙོང་ཁའི་ཞིང་མཆོག་ཏུ།།བློ་བཟང་གྲགས་པ་སླར་ཡང་ཁྱོད་བྱོན་ཚེ།།
བྱང་ཆུབ་ཤིང་ལས་ཡལ་འདབ་གསར་འཁྲུངས་ཤིང༌།།རིགས་གསུམ་ཡོངས་ཀྱི་འཁོར་སྒྱུར་ཞབས་བརྟན་ཤོག།

སྲོང་བཙན་གསེར་གྱི་འཁོར་སྒྱུར་པོ་ཏཱ་ལར།།སླར་ཡང་ཞབས་ཟུང་ཉི་ཟླ་གསལ་བའི་འཛུམ།།
བཞད་པའི་སྙིགས་ལྔའི་མུན་ཚོགས་དྲུང་འབྱིན་པའི།།གངས་ཅན་ཞིང་གི་འཁོར་སྒྱུར་ཞབས་བརྟན་ཤོག།

ནགས་ཀྱི་ཤིང་ལོ་ནས།

མེ་ལྟར་ཚ་བའི་ཉི་མ་དེས།།
ས་གཞི་འདི་ཡང་འབར་རམ་ཅི།།
བར་སྣང་ལས་ཀྱས་མེ་འོད་འཕྲོས།།
རྐང་འཐུང་ཚོགས་རྣམས་ཉོབ་ཅིང་དུབ།།

ལྕགས་སྲེག་ཐང་དུ་ལྷུང་འདྲ་དེས།།
ལུས་ཀྱི་ཕྱི་ནང་གང་དུའང་འབར།།
མལ་དུ་ཉལ་བའི་སྙེས་འབོལ་དུ།།
ཚ་བས་བརྔུབས་པའི་རྔུལ་ཆུ་འཁྱིལ།།

སེར་ལྷོ་བ་སྐལ་བཟང་བསྟན་སྐྱོང༌།

གངས་ལྗོངས་ས་ཡི་ཐིག་ལེ་མདོ་ཁམས་ཤོད་ཆེན་བཅོ་བརྒྱད་ཀྱི་ནང་ཚན་སྦས་ཡུལ་ནགས་ཤོད་ལུང་པའི་ནང་དུ།ཉེ་བའི་དུས་རབས་ཉི་ཤུ་པའི་ནང་དུ་འཚར་ལོངས་བྱུང་བའི།

གདོང་དམར་གྱི་ཕོ་རྒོད་དཔལ་བཟང་ཆོས་ལྡན་ནམ་ཡོངས་གྲགས་སུ་གྲྭ་ཞར་ཞེས་འབོད་པ།ཁོང་གི་མི་ཚེའི་དར་རྒུད་ལས་འཕྲོས་པའི།ཁྲོམ་གདོང་ཚང་དང་ཁོང་གི་བར་དུ་ཚད་ལས་བརྒལ་བའི་གཡུལ་འགྱེད་བྱས་སྐོར་བརྗོད་པ་ལ།སྟག་ཕུ་རྡོ་རྗེ་འཆང་སྐུ་ཕྲེང་རིམ་བྱོན་གྱི་གདན་ས་ཆོས་སྡེ་དགོན་རི་བོ་དཔལ་འབར་གླིང་གི་ཉེ་འདབས་སུ་ཆགས་པའི་འཕེལ་བ་གྲོང་ངམ།ཡུལ་སྐད་དུ་འཕེ་པ་གྲོང་ཞེས་འབོད་པ།གྲོང་དེའི་ནང་དུ་ཕོ་རྒོད་གྲྭ་ཞར་གྱི་ལྟེ་ཁྲག་ཐོག་མར་འཕོས་ཤིང༌།སྐྱེས་མ་ཐག་ཏུ་རྣམ་ཀུན་གྱི་སྐྱེ་བོ་གཞན་དང་མ་འདྲ་བར།མིག་གཅིག་ལས་མེད་ཅིང༌།གཅིག་པོ་དེ་ཡང་ཁྲ་ཆེལ་ལེར་གདངས་ནས་བལྟས་པས།དེར་ཡོད་ཀྱི་སྐྱེ་བོ་ཀུན་གྱིས་ལབ་གླེང་སྣ་ཚོགས་ཤིག་བྱུང་བའི་མཐར།གྲོང་མི་ཀུན་གྱི་བློ་འདྲི་ཡུལ་རྒན་པོ་བསོད་གྲགས་ཞེས་པ་ཞིག་ཡོད།ཁོང་ནི་གེ་སར་སྒྲུང་ལ་རྒྱུས་མངའ་ཤིན་ཏུ་ཆེ་ཞིང༌།ལྔ་བཅུ་ང་དགུའི་ཡར་སྔོན་དུ།གེ་སར་སྒྲུང་པོད་སུམ་བརྒྱ་བརྒལ་བ་ཡོད་པ་བཤད་སྲོལ་ཡོད་པ་བདེན་ན།རྒན་པོ་འདིས་བཀླགས་མ་མྱོང་བ་མེད་ཅེས་ཚིག་ཐག་བཅད་ཆོག།ཁོང་གིས་སྔར་གེ་སར་རྒྱལ་པོས་མི་ནུབ་དར་རྫོང་འབེབས་སྐབས།ཕོ་བདུད་རུ་ཊ་མིག་གཅིག་ཅེས་པ་ཞིག་ལ་ཡང་མིག་གཅིག་ལས་མེད་ཅིང་གཅིག་པོ་དེ་ཡང་སྐྱེ་དུས་དང་འཆི་དུས་གཉིས་ཀར་གདངས་ཏེ་བལྟས་པ་ཞིག་བྱུང་མྱོང་བ།འདི་ཡང་དེ་དང་འདྲ་བས་ཡག་རྟགས་ཤིག་ལར་ནས་མིན།དེ་བས་སྟག་ཕུ་རྡོ་རྗེ་འཆང་ལ་སྤྱན་འབུལ་ཞུ་དགོས་ཞེས་བཤད་པས།ཐམས་ཅད་ཀྱིས་མོས་མཐུན་བྱས།རྡོ་རྗེ་འཆང་མཆོག་ལ་སྤྱན་འབུལ་ཞུས་པས།

ནགས་གྲྭ་མཁས་གྲུབ་ཤེས་རབ་ནས་སྤེལ།།

ཡུལ་སྤྱིའི་གཏམ།འབྲི་ལྗོངས་ཕྱུགས་མོའམ་སྦས་ཡུལ་ནགས་ཀྱི་ལྗོངས་ཞེས་བྱ་བ་ཡུལ་ལུང་གི་བཀོད་པའི་གྲགས་པ་སྲིད་ན་བླ་ན་མཐོ་བ།སྐྱེ་བོ་སུ་འདྲ་ཞིག་ཡིན་རུང་མཐོང་ཙམ་ཉིད་ནས་སེམས་སུ་རང་ཤུགས་ཀྱིས་སྤྲོ་བ་སྦྱིན་པ།མ་ཟད་དཔལ་དང་འབྱོར་བའི་ལེགས་ཆ་ནི་བརྒྱ་བྱིན་ལྷ་ཡི་ཡུལ་ལ་ཡང་འགྲན་ནུས་པ་ཞིག་ཡོད།འོན་ཀྱང་དེ་ཙམ་གྱིས་ནི་དགའ་

རྒྱུ་ཅི་ཞིག་ཡོད་དེ།དེ་ནི་སྣོད་ཀྱི་བཀོད་པའམ་ཁོར་ཡུག་གིས་ལག་རྗེས་ཙམ་ཞིག་རེད།དེ་ཙམ་དུ་མ་ཟད་འབྲི་རུ་རྫོང་འདི་ད་ལྟའི་གནས་སྐབས་སུ་མི་རྣམས་ཀྱིས་ལྷ་ས་ཆུང་བ་ཞེས་འབོད་སྲོལ་ཡོད་པ་བཞིན།ཁོར་ཡུག་གི་གཙང་སྦྲ་དང༌།གྲོང་ཁྱེར་གྱི་བརྗིད་ཉམས།དཔའ་འབྱོར་གྱི་འབྱུང་ཁུངས།ཚོང་ལས་ཀྱི་འཕེལ་ཚད་སོགས་ནི་མི་རྣམས་ཀྱི་བསམ་ཡུལ་ལས་འདས་པ་ཞིག་ཡིན།དེ་ཡང་ཕྱིའི་སྣོད་ལ་བརྟེན་པའི་གྲགས་པ་ཙམ་ལས་ནང་མིའི་ཤེས་ཡོན་དང་བསམ་བློའི་གོ་རྟོགས་སོགས་དང་གཏན་ནས་འབྲེལ་བ་མེད།དེའི་ཕྱིར་དེ་ལ་ཧང་སངས་དགོས་པའི་རྒྱུ་མཚན་ནི་ཅི་ཞིག་ཡོད།