བོད་སྐད་ཡིག་ལ་ཕན་པ་བྱུང་ཚུལ།

༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
ལམ་བཟང་པོ།

གུས་བཀུར་འོས་པའི་ནགས་ལྷ་རྩོམ་སྒྲིག་ཁང་གི་འགན་འཛིན་རྣམས་ཀྱིས་དབུས་པའི་ཕ་ཡུལ་གཅིག་པའི་སྤུན་གྲོགས་རྣམས་ལ་ཐོག་མར་གནམ་ལོ་གསར་པར་འཚམས་འདྲི་ཞུ་རྒྱུ་དང་།  ཉེ་སྔོན་ནགས་ལྷ་རྩོམ་སྒྲིག་ཁང་གིས་ཐེངས་གསུམ་པའི་བགྲོ་གླེང་གི་བརྗོད་བྱ་སློབ་གྲྭ་ཁག་གིས་མཚོན་པའི་ཁག་སོ་སོར་གནང་འབྱོར་བྱུང་བ་བཞིན།    མེག་ལོར་དུ་གནས་འཆའ་མཁན་རྣམས་ལ་གནང་བའི་བརྗོད་བྱ་གསུམ་ཡོད་པ་ལས། གུས་པའི་བཤད་བྱ་ནི་''ས་ཕྱོགས་གང་སར་བཞུགས་པའི་ནགས་ཤོད་འབྲི་རུ་བ་རྣམས་ཀྱིས་ཕྱར་གྲུ་མཉམ་འདེགས་བྱས་ནས་འདས་པའི་དུས་ཡུན་ནང་དུས་དེབ་འདོན་ཐེངས་དྲུག་དང་།   སྐད་ཡིག་བགྲོ་གླེང་ཐེངས་གཉིས། དྲ་རྒྱ་དང་རྩོམ་ཡིག་འགྲན་བསྡུར་སོགས་ཀྱི་ལས་རིམ་དག་གིས་བོད་སྐད་ཡིག་ལ་ཕནཔ་ཇི་བྱུང་དང་།  ལྷག་པར་ནགས་ཤོད་ལུང་པའི་བློ་གསལ་བ་རྣམས་ལ་ཕན་ཐོགས་བྱུང་མིན་སོགས་ལ་རང་གི་དགོངས་འཆར་དང་མཐོང་སྟངས་སོགས་ཀྱི་སྐོར།

མི་རེ་ངོ་རེས་འགན་ཁུར་ནས་མི་རིགས་དེའི་སྐད་ཡིག་སྲུང་སྐྱོབ་བྱ་དགོས་ན་ལུང་ཚན་དང་སྡེ་ཚན་དག་གིས་ལས་རིམ་གང་དང་གང་གཉེར་དགོས་མིན་སྐོར།

༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
ཚེ་རིང་སྙན་གྲགས།

དེ་རིང་ངས་བགྲོ་གླེང་བྱེད་ཡག་གི་བརྗོད་གཞི་ནི་༼ མི་རེ་ངོ་རེས་འགན་ཁུར་ནས་མི་རིགས་དེའི་སྐད་ཡིག་སྲུང་སྐྱོབ་བྱ་དགོས་ན་ལུང་ཚན་དང་སྡེ་ཚན་དག་གིས་ལས་རིམ་གང་དང་གང་གཉེར་དགོས་མིན་སྐོར།༽ཞེས་པ་འདི་རེད། དེའི་སྐོར་ལ་སོ་སོའི་བསམ་ཚུལ་རོབ་ཙམ་ཞུས་ན། ལུང་ཚན་རེ་ལ་ལས་རིམ་གང་གཉེར་དགོས་མིན་དང་། མི་རེའི་ངོས་ནས་སྡེ་ཚན་ཁག་ལ་ལས་རིམ་གང་གཉེར་དགོས་མིན་གཉིས་ཡོད་རེད། ལུང་ཚན་སོ་སོ་ལ་ལས་རིམ་གང་གཉེར་དགོས་ཟེར་ན་བོད་ཀྱི་སྐད་ཡིག་རིན་ཐང་དང་མི་རིགས་གནས་དང་མི་གནས་ཀྱི་སྲོག་རྩ་ནི་སྐད་ཡིག་སྐྱེ་འཆིའི་གནད་འགག་ལ་ཐུག་ཡོད།

སྐད་ཡིག་སྐྱེས་པའི་ལོ་རྒྱུས།
སྐད་ཡིག་གནས་པའི་ལོ་རྒྱུས།
སྐད་ཡིག་འཆི་བའི་ལོ་རྒྱུས་གསུམ་ལས།

བོད་ཀྱི་སྐད་ཡིག་ཡར་རྒྱས་ཡོང་བར་སུམ་རྟགས་དག་གསུམ་སྐོར་ལ་སྦྱང་དགོས་ཚུལ་དང་།
ཇི་ལྟར་སྦྱང་ན་དགེ་མཚན་དང་ཕན་རླབས་ཆེ་བའི་སྐོར།

༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
བཀྲ་ཤིས་རྒྱལ་མཚན།

ཐོག་མར་བརྡ་སྤྲོད་རིག་པའི་བགྲོ་གླེང་ལ་ཕེབས་མཁན་རྣམས་ལ་མཛའ་བརྩེའི་འཚམས་འདྲི་ཞུ་རྒྱུ་ཡིན། མཁྱེན་གསལ་ལྟར་གུས་པའི་གཏམ་བཤད་ཀྱི་བརྗོད་གཞི་ནི། "བོད་ཀྱི་སྐད་ཡིག་ཡར་རྒྱས་ཡོང་བར་སུམ་རྟགས་དག་གསུམ་སྐོར་ལ་སྦྱང་དགོས་ཚུལ་དང་། ཇི་ལྟར་སྦྱང་ན་དགེ་མཚན་དང་ཕན་རླབས་ཆེ་བའི་སྐོར།"ཞེས་པ་དེ་ཡིན་པ་དང་། དེ་ཡང་སུམ་རྟགས་དག་གསུམ་བསླབ་ན་བོད་ཀྱི་སྐད་ཡིག་ཡར་རྒྱས་ཡོང་བར་ཕན་ཚུལ་དང་དེ་ཇི་ལྟར་་སྦྱང་ན་དགེ་མཚན་ཆེ་ཚུལ་སྐོར་དོན་གནད་གསུམ་གྱི་སྒང་ནས་བཤད་པར་བྱ།

མི་རིགས་གང་ཞིག་ཡིན་ཡང་རང་གི་སྐད་ཡིག་སྲུང་སྐྱོབ་བྱ་དགོས་པ་གལ་ཆེ་བའི་ཚུལ།

༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
བསྟན་པ་དར་ཕྱུག
སྐད་ཡིག་གི་ནུས་པ།

མི་རིགས་ཤིག་གི་སེམས་ཁམས་མཚོན་པའི་ནུས་པ། ཡུལ་སྲོལ་གོམས་གཤིས་མཚོན་པའི་ནུས་པ།
ཡང་དག་རིག་གཞུང་མཚོན་པའི་ནུས་པ། མི་རིགས་གང་ཞིག་གསོན་པའི་ནུས་པ་ལྡན་པ།

མི་རིགས་དེའི་ཁྱད་ཆོས་གསལ་འདོན་བྱེད་པའི་ནུས་པ། བསམ་སྤྱོད་ཀྱི་སྟོབས་ཤུཊ་གཅིག་ཏུ་སྒྲིལ་བའི་ནུས་པ་སོཊ་ལྡན།

སྐད་ཡིག་ཤི་བའི་གྱོང་རྒུད།

མཁས་དབང་མང་དག་ཅིག་གིས་མགྲིན་གཅིག་ཏུ་སྐད་ཡིག་ནི་མི་རིགས་དེའི་ཐོ་ཡིག་དང་རྟགས་མཚན། དྲན་རྟེན་གྱི་རྡོ་རིང་ལྟ་བུ་སོགས་ཆེ་བསྟོད་བྱེད་ཀྱི་ཡོད་ལ་དོན་དུ་གནས་འདུག་སྙམ།  གལ་སྲིད་མི་རིགས་དེའི་སྐད་ཡིག་ཉམས་ཚེ་མི་རིགས་དེའི་མཚོན་རྟགས་བོར་བ་དང་ཐོ་ཡིག་ནོགས་པ།  དྲན་རྟེན་གྱི་རྡོ་རིང་་ཉིལ་བ་ཡིན་པས་མི་རིགས་དེ་ནི་རྣམ་ཤེས་བོར་བའི་བེམ་པོ་ལྟར་གཏད་སོ་ཅི་ཡང་མེད་པར་གྱུར་བ་རེད།  གང་ལྟར་མི་རིགས་ཤིག་གི་སྐད་ཡིག་ཉམས་ཚེ་མི་རིགས་ཤིག་ཤི་བ་རེད།   དེ་དང་མཉམ་དུ་སྐྱེ་བོ་གྲངས་མེད་ཅིག་གིས་དུས་རབས་དུ་མར་བསགས་པའི་ཤེས་བྱ། གསོ་རིག་དང་ལྷ་སྒྲུང་།   བསམ་བློ་དང་ཀུན་སྤྱོད། བསམ་པའི་འདུ་ཤེས་འཛིན་སྟངས། མི་རིགས་དེ་ཉིད་ཀྱི་མི་ཚེའི་ལྟ་བ་དང་འཇིག་རྟེན་ལྟ་བ་སོགས་ཀྱི་ཤེས་བྱ་གྲངས་ལས་འདས་པ་ཞིག་མཉམ་དུ་ཤི་བ་རེད།   དེ་འདྲའི་སྐད་དང་ཡི་གེ་ཇི་ལྟར་ཇེ་ཉུང་དུ་སོང་བ་དེ་ལྟར་དུ་མིའི་འཇིག་རྟེན་དུ་བསམ་བློ་དང་རིག་གནས་སྣ་ཁ་ཇེ་ཉུང་དུ་འགྲོ་བ་ཡིན་པས།   མིའི་རིགས་སྤྱི་ལ་གསབ་དཀའ་བའི་གྱོང་རྒུད་ཤིན་ཏུ་ཆེ།    དེ་ལྟར་ ༡༩༩༢ ལོར་ཁ་ན་ཏར་རྒྱལ་སྤྱིའི་སྐད་ཡིག་ཚོགས་ཆེན་སྐབས་སུ་མཁས་པ་ཐམས་ཅད་ཀྱི་ཚིག་གཅིག་བློ་འབབ་བྱས་ཏེ།   གཅིག་གང་ཞེ་ན།     སྐད་རིགས་གང་ཞིག་ནུབ་པར་གྱུར་ཀྱང་རུང་མིའི་རིགས་སྤྱི་ལ་གསོ་ཐབས་མེད་པའི་གྱོང་རྒུད་ཅིག་ཡིན་ཞེས་པ་དེའོ།།

མངོན་བརྗོད་ཀྱི་སྡོམ། མཁས་དབང་མཁྱེན་རབ་ནོར་བུ།   འགྲེལ་བ། འབྲི་སྐལ་བཟང་།

འདྲེན་མཆོག་མཉམ་མེད་སྟོན་པ་ཤཱཀྱའི་རྒྱལ།།
རྒྱུད་ཀྱི་བཀའ་བབ་ཆོས་རྒྱལ་ཟླ་བ་བཟང་།།
ལོ་ཙཱ་ཆེན་པོ་ཟླ་བའི་འོད་ཟེར་སོགས།།
དུས་འཁོར་རྒྱུད་དོན་གསལ་མཛད་རྣམས་ལ་འདུད།།

མཐའ་ཡས་གྲངས་ཀྱི་མངོན་བརྗོད་མང་མཆིས་པས།།
ཕུ་ཐག་ཆོད་པའི་ཞིབ་བཤད་མི་ནུས་ཀྱང་།།
རང་མཉམ་འགའ་ལ་ཅུང་ཟད་ཕན་སླད་དུ།།
རྣམ་གྲངས་འགའ་ཞིག་གསལ་བའི་དོན་ལ་བརྩོན།།

དེ་ཡང་མངོན་བརྗོད་ཤེས་ན་མིང་ལ་མི་རྨོངས། ཞེས་གླེང་བ་ལྟར་མངོན་་བརྗོད་ལ་ཚིག་གི་མཛེས་ཉམས་སྟོན་པ་དང་། དོན་གྱི་གོ་བ་འཁྲུལ་མེད་དུ་སྟོན་པ་སོགས་ཀྱི་ཁྱད་ཆོས་བླ་ན་མེད་པ་དུ་མ་ཞིག་ལྡན་ཡོད། མངོན་བརྗོད་ཀྱི་མིང་ཕལ་ཆེ་བ་ནི་ཆོས་དེའི་ཁྱད་ཆོས་སོགས་ཆོས་དེ་ངོས་འཛིན་པའི་སྐབས་འཇུག་བདེ་ལ་གོ་སླ་བ་བཅས་ཀྱི་དགེ་མཚན་ལྡན་པ། དཔེར་ན། ཉི་མ་ལ་ཚ་ཟེར་ཅན། སྣང་བྱེད། མེ་ཟླུམ་ལྟ་བུ་བརྗོད་སྐབས་ཉི་མའི་ཁྱད་ཆོས་དང་འབྲེལ་བའི་མིང་ཡིན་པས་མིང་དེ་ལ་བརྟེན་ནས་ཉི་མ་ཞེས་བ་དེ་ཚ་ཟེར་ལྡན་པ་དང་། དེས་སྣང་བར་བྱེད་པ། དེ་ཉིད་མེ་ཡི་ཕུང་པོ་ཟླུམ་པོ་ཞིག་ཡིན་པ་ལྟ་བུའི་དོན་མང་པོ་ཞིག་རྟོགས་ཐུབ།  དེ་བཞིན་སྤྲིན་ལ་ཆུ་འཛིན་དང་། ཤིང་ལ་རྐང་འཐུང་། འབྲུག་སྐད་ལ་སྤྲིན་གྱི་སྒྲ་ཞེས་པ་ལྟ་བུ་མིང་གཅིག་པུ་ལ་བརྟེན་ནས་འབྱུང་བའི་འགྲོས་དང་གནས་སྟངས་མང་པོ་ཞིག་གསལ་བའི་ནུས་པ་ལྡན་ཡོད། ད་ནི་སྐབས་སུ་བབས་པ་གྲངས་ཀྱི་མངོན་བརྗོད་ཀྱི་སྐོར་བཤད་ན་སྐབས་དོན་དང་འཚམས་པ་ཡིན་པས་དེར་འཇུག་པར་འདོད། གྲངས་ཀྱི་མངོན་བརྗོད་ཅེས་པ་ནི་གྲངས་ཀ་གཅིག་གཉིས་སོགས་ལ་མིང་གི་རྣམ་གྲངས་མི་འདྲ་བ་མང་པོ་ཞིག་བཀོལ་ནས་བརྗོད་པ་ལ་ཟེར། གྲངས་ཀྱི་མངོན་བརྗོད་འདི་ནི་ཚིག་ཉུང་ངུ་ཞིག་ལས་མེད་ཀྱང་དོན་མང་པོ་ཞིག་གི་མདུད་རྒྱ་འགྲོལ་ཐུབ་པའི་དགེ་མཚན་དང་ལྡན་པ་ཡིན། བོད་ཀྱི་སྐད་ཡིག་ལ་བརྟེན་ནས་སྐར་རྩིས་ཀྱི་གཞུང་དང་སྨན་གྱི་གཞུང་སོགས་ལ་སྦྱོང་མཁན་རྣམས་ཀྱིས་ངེས་པར་དུ་ཤེས་དགོས་པ་མ་ཚད། དཀྱིལ་འཁོར་གྱི་བྲིས་ཐིག་སོགས་དང་། སྙན་ངག་དང་བརྡ་སྤྲོད་ཀྱི་གཞུང་སོགས་མང་པོ་ཞིག་དཔྱིས་ཕྱིན་པ་གོ་བ་ལ་འདི་ཉིད་མེད་དུ་མི་རུང་བ་ཡིན། གཞན་ཡང་གབ་ཚིག་ལྟ་བུར་བྲིས་པ་མང་པོ་ཞིག་ཀྱང་འདིས་གསལནུས། དཔེར་ན། མེ་མཁའ་རྒྱ་མཚོའི་འདས་ལོ་རྫོགས།།ལྟ་བུ་དང་། ཀ་ཕྲེང་མཁའ་མེའི་གྲངས་འཁྱུད་ཨཀྵ་ར།། ལྟ་བུ་དང་། རྒྱལ་པོ་ཉེས་པ་གསུམ་ཉི་མ།། ལྟ་བུ་དང་། གཞན་ཡང་གབ་ཚིག་གི་རྣམ་པའི་སྒོ་ནས་བརྗོད་པ། ལག་པའི་མིག་ལ་དབྱངས་འཇུག་བཞི་བཅུ་དང་།། མཚམས་ཀྱི་བགྲོད་པ་འཕུར་རྟེན་རྩེ་ཟུང་གིས།། བརྒྱན་པའི་འབོད་བྱ་ལྡན་པ་གང་དེ་ཡིས།། ཞེས་པ་ལྟ་བུ་ཧ་ཅང་མང་པོ་ཞིག་ཡོད། གྲངས་ཀྱི་མངོན་བརྗོད་མ་ཤེས་ན་དེ་དག་གི་གོ་བ་ལོན་ཐབས་མེད་པས་འདི་ནི་གནད་ཤིན་ཏུ་ཆེ་བར་མཐོང་། འགྲེལ་བ་མང་པོ་དང་། པོ་ཏི་ཆེན་པོའི་ནང་དུ་ཡོད་པ་རྣམས་ནི་མང་པོ་ཞིག་གིས་མཇལ་མི་ཐུབ་པས་ཉུང་བསྡུས་ཤིག་ཟུར་འདོན་བྱས་ནས་རྣམ་གྲངས་འགྲེལ་བ་ལ་འབད་ན་དགེ་མཚན་ཆེ་བར་མཐོང་ནས་འབད་པ་བྱས་ཡོད། དེ་ཡང་གྲངས་ཀྱི་མངོན་བརྗོད་ཀྱི་སྐོར་དུས་འཁོར་བསྡུས་རྒྱུད་ནས་བཤད་པ་དང་། བུ་སྟོན་གྱིས་མཛད་པའི་དཔལ་དུས་ཀྱི་འཁོར་ལོའི་རྩིས་ཀྱི་བསྟན་བཅོས་མཁས་པ་རྣམས་དགའ་བར་བྱེད་པ།ཞང་ཞུང་པ་ཆོས་དབང་གྲགས་པས་མཛད་པའི་ཡེ་ཤེས་ལེའུའི་ཊཱི་ཀ །སྨིན་གླིང་ལོ་ཆེན་གྱིས་མཛད་པའི་རྩིས་ཀྱི་མན་ངག་ཉིན་བྱེད་སྣང་བ་དང་དེའི་རྣམ་འགྲེལ་གསེར་གྱི་ཤིང་རྟ། སྡེ་སྲིད་སངས་རྒྱས་རྒྱ་མཚོས་མཛད་པའི་འཁྲུལ་སྣང་གཡའ་སེར་དོན་གྱི་བཞིན་རས་སྟོན་བྱེད། དངུལ་ཆུ་དྷརྨ་བྷ་དྲས་མཛད་པའི་གྲངས་ཀྱི་མངོན་བརྗོད་ཀྱི་རྣམ་བཤད། བླ་སྨན་མཁྱེན་རབ་ནོར་བུས་མཛད་པའི་བསྟན་བཅོས་བཻཌཱུརྱ་དཀར་པོ་དང་ཉིན་བྱེད་སྣང་བའི་དགོངས་དོན་གསལ་བར་སྟོན་པ་རྩིས་གཞིའི་མན་ངག་རིགས་ལྡན་སྙིང་གི་ཐིག་ལེ་སོགས་ཀྱི་ནང་དུ་གསལ་བའི་གྲངས་ཀྱི་མངོན་བརྗོད་རྒྱས་བསྡུས་སྣ་ཚོགས་པ་ཞིག་མཐོང་། འོན་ཀྱང་དེ་དག་གི་ནང་ནས་བླ་སྨན་པ་མཁྱེན་རབ་ནོར་བུ་ལགས་ཀྱིས་མཛད་པའི་གྲངས་ཀྱི་མངོན་བརྗོད་ཀྱི་སྡོམ་ཚིག་དེ་ངག་ནས་བརྗོད་བདེ་བ་དང་། ཡིད་ལ་འཛིན་བདེ་བ། མིང་གི་རྣམ་གྲངས་ཀྱང་རྒྱས་བསྡུས་འཚམས་པ་སོགས་དགེ་མཚན་ཕུན་སུམ་ཚོགས་པ་ཞིག་ཏུ་མཐོང་། དེར་བརྟེན་དེ་ཉིད་རྩ་བ་བྱས་པའི་ཐོག་ནས་མིང་སོ་སོའི་ངོ་སྤྲོད་ལྟ་བུ་མདོར་བསྡུས་ཤིག་བྲི་བ་ལ་འབད་པར་བྱའོ།

བཟོ་རིག་པ་ལ་སྤྱིར་ན་དེང་རབས་འཕྲུལ་འཁོར་ལ་བརྟེན་ནས་བྱུང་བའི་བཟོ་ལས་ཀྱི་རིགས་མ་དར་གོང་གི་བཟོ་རིག་པའི་དབང་དུ་བྱས་ནས་ལུས་བཟོ། ངག་བཟོ། ཡིད་བཟོ་གསུམ་དང༌། ལུས་བཟོ་ཡང་གཙོ་ཆེ་བ་ནི། སྐུ་རྟེན། གསུང་རྟེན། ཐུགས་རྟེན་བཅས་ཀྱི་བཟོ་རྕལ་རིགས་མི་འདྲ་བ་ཡོད། སྐུ་རྟེན་ལ་ཡང་བྲིས་འབུར་གཉིས་ཀྱི་ནང་ནས་བྲིས་ཀྱི་རིགས་སྔོན་དུ་བྱུང་ཞིང༌།

འབུར་སྐུའི་རིགས་རྗེས་སུ་བྱུང་བ་ཡིན།

བཟོ་རིག་པ་ལ་སྤྱིར་རྣམ་པར་མ་གྱུར་བའི་སེམས་ཀྱི་བཟོ་ནི་འཁོར་འདས་ཇི་ལྟར་འབྱུང་བ་སོགས་ཐམས་ཅད་དེ། ནང་རིག་པ་རྣམས་ཀྱང་འདིར་གཏོགས་སོ། །བརྗོད་པ་སྒྲའི་བཟོ་ནི་ངག་གི་འགྱུར་བ་སྟེ་སྒྲ་སྙན་ངག་དང་དབྱངས་དང་གླུ་དང་བརྗོད་པ་ཐམས་ཅད་འདིར་འདུས་སོ། །རྣམ་པར་གྱུར་པ་དབྱིབས་ཀྱི་བཟོ་ལ་བྱེད་པ་པོ་དང་མ་འབྲེལ་པ་འཇིག་རྟེན་ཆགས་པ་སོགས་དང༌།

བྱེད་པོ་དང་འབྲེལ་པ་སྐབས་འདིའི་བཟོ་ཉིད་དོ། །དེའི་ཡང་གཙོ་བོ་སྐུ་གསུང་ཐུགས་རྟེན་ཡིན་ལ་དེ་ལས་ཐོག་མར་བྱུང་བ་ནི་རི་མོ་སྟེ། སྔོན་མི་རྣམས་ཚེ་ལོ་འབུམ་ལས་བྲི་བའི་ཚེ་མིའི་རྒྱལ་པོ་འཇིགས་ཐུལ་ཞེས་བྱ་བ་བྱུང་སྟེ་དེས་ཆོས་བཞིན་ས་བསྐྱངས་ཚེ་ལོ་འབུམ་དུ་འཕེལ་ཞིང་ཤིན་ཏུ་བདེ་བར་གྱུར།

སྨན་གྱི་བླ་བཻ་ཌཱུརྱ་འོད་ཀྱི་རྒྱལ་པོ་མཆེད་བརྒྱད། སྨན་བླ་བདེ་གཤེགས་བརྒྱད་དེ་མཚན་ལེགས། རིན་ཆེན་ཟླ་བ། གསེར་བཟང་དྲི་མེད། མངོན་མཁྱེན་རྒྱལ་པོ། མྱང་ངན་མེད་མཆོག་དཔལ། ཆོས་གྲགས་རྒྱ་མཚོ། སྨན་གྱི་བླ་མ། ཤཱཀྱ་ཐུབ་པ་བཅས་སོ།།

གཡུ་ཐོག་ཡོན་ཏན་མགོན་པོས་བརྩམས་པའི་བོད་ཀྱི་རྩ་ཆེའི་སྨན་གཞུང་རྩ་རྒྱུད་དང༌། བཤད་རྒྱུད། མན་ངག་གི་རྒྱུད། ཕྱི་མའི་རྒྱུད་བཅས་བཞི། སྨན་གྱི་བསྟན་བཅོས་བཞི། ཡན་ལག་བརྒྱད་པ་ཆེན་པོ། ཡན་ལག་བརྒྱད་པ་ལ་འཇུག་པ། ཡན་ལག་བརྒྱད་པའི་སྙིང་པོ་བསྡུས་པ། ཡན་ལག་བརྒྱད་པ་བསྡུས་པའོ། སྨན་གྱི་གཞི་བཞི། དུས་རུང་གི་སྨན། ཐུན་ཚོད་དུ་རུང་བའི་སྨན།

ཞག་བདུན་པའི་སྨན། ཇི་སྲིད་འཚོ་བཅངས་ཀྱི་སྨན་ནོ། སྨན་གྱི་རོ་དྲུགམངར་བ། སྐྱུར་བ། ཁ་བ། བསྐ་བ། ཚ་བ། ལན་ཚྭ་བའོ། སྨན་ལྔ། དབང་ལགཀན་ཌ་ཀཱ་རི། སླེ་ཏྲེས། ཅུ་གང༌། ཤ་དག་དཀར་པོ།

སེམས་ཙམ་པའི་ལུགས་ཀྱི་རྣམ་རིག་ཙམ་དུ་འཇུག་ཚུལ་ལ་དཔྱད་པ།ལེགས་བཤད་སྙིང་པོར་རྣམ་རིག་ཙམ་དུ་འཇུག་ཚུལ་ལ་གཉིས་བཤད་པ་ལས།དང་པོར་ཡིད་ཤེས་རྟོག་པ་ལ་ལྟོས་ཏེ་རྣམ་རིག་ཙམ་དུ་འཇུག་ཚུལ་བཤད་རྗེས་སུ། ཁ་ཅིག་དོགས་པ་འདི་ལྟར།གལ་ཏེ་འདི་ཡིད་ཤེས་རྟོག་པ་ལ་ལྟོས་པའི་གཟུང་འཛིན་རིགས་པས་ཁེགས་པ་ཡིན་ལ།

བག་ཆགས་བརྟན་པ་ལས་བྱུང་བའི་རྟོག་མེད་ཀྱི་ཤེས་པ་ལ་ལྟོས་པའི་གཟུང་འཛིན་རིཌ་པས་ཁེགས་པ་མིན་པས་རྣམ་རིག་ཙམ་དུ་འཇུག་པ་ཇི་ལྟར་འཐད་ཅེ་ན་སྐྱོན་མེད་དེ །   ཞེས་པའི་སྐབས་རྟོག་པའི་ཞེན་གཞི་རང་མཚན་ཁེགས་ན་སྔོ་འཛིན་སྣང་ཡུལ་ལ་འཁྲུལ་བ་འགྲུབ་ཅེས་ལན་མཛད་པ་ལ།ཁ་ཅིག་རང་རིག་འཁྲུལ་ཤེས་སྒྲུབ་པའི་རིགས་པ་གཉིས་ཀྱི་སྒོ་ནས་རྩོད་པ་ལ། རིགས་པ་དང་པོ་ནི། སྔོ་འཛིན་དེ་ལྟར་གྲུབ་ན། རང་རིག་ལ་རང་གི་མྱོང་བྱ་ཤེས་པ་དེ་སྣང་བ་ན་དེའི་ཐ་སྙད་འདོགས་པའི་གཞི་ཀུན་བཏགས་དེ་རང་མཚན་སྣང་དགོས་ལ། དེ་ལྟར་ན་དེ་འདྲའི་ཀུན་བཏགས་དེ་རང་རིག་ལ་སྣང་བ་ལྟར་མ་གྲུབ་པས་རང་རིག་འཁྲུལ་ཤེས་སུ་ཐལ་བ་དང། རྣལ་འབྱོར་སྤྱོད་པ་བའི་གྲུབ་པའི་མཐའ་དོར་བར་འགྱུར་རོ་ཞེས་ཟེར། རང་ལན་ནི།གཉིས་སྣང་ནུབ་པའི་རང་རིག་དང་སློབ་པའི་མཉམ་གཞག་ཡེ་ཤེས་རྣམས་རང་གི་འཛིན་སྟངས་ཀྱི་ཡུལ་གང་ཡིན་དེ་སྣང་ཡང་ཤེས་པ་དང་སྟོང་ཉིད་ཅེས་པའི་ཐ་སྙད་འདོགས་པའི་གཞི་དེ་མི་སྣང་པ་དང། འཛིན་སྟངས་ཀྱི་ཡུལ་དུ་གང་སོང་དེ་སྣང་བ་ན་ཞེན་གཞི་ཀུན་བཏཌ་དེ་རང་མཚན་སྣང་དགོས་པའི་འཁྲུལ་ཤེས་དང་མི་དགོས་པ་མ་འཁྲུལ་བའི་རང་རིག་གཉིས་སྣང་ཚུལ་མི་འདྲ་བ་བཞག་པ་ལ་འགལ་བ་མེད་ཅེས་ལན་མཛད་དོ།། རྟོག་པའི་ཞེན་གཞི་དེ་སྣང་བ་ན་གཉིས་སྣང་ཡོད་དགོས་པའི་རྒྱུ་མཚན་ནི་དེའི་སྤྱི་རྟོག་པ་ལ་འཆར་བ་ན་ངེས་པར་གཉིས་སྣང་གི་རྣམ་པ་ཅན་དུ་འཆར་བའི་ཕྱིར་རོ།། འདི་ཤེས་པ་ལ་མཚུངས་པ་མ་ཡིན་ཏེ།རྟོག་པ་ལ་སྤྱི་འཆར་བ་ནའང་མྱོང་ཙམ་གྱི་རྣམ་པ་ཅན་དུ་འཆར་བའི་ཕྱིར་རོ།། ཞེས་གསུངས་པའི་རྟོགས་དཀའ་བའི་གསུང་ཚིག་འདི་ལ་འགྲེལ་ཚུལ་མང་པོ་ཡོད་ནའང་རང་བློར་གང་ཤར་ཅིག་འབྲི་ན། འདི་ཤེས་པ་ལ་མཚུངས་པ་མ་ཡིན་ཏེ་ཞེས་པའི་འདི་སྒྲ་རྟོག་པ་ལ་ཞེན་གཞི་སྣང་བ་ན་དེའི་སྤྱི་རྟོག་པར་སྣང་དགོས་ལ། སྤྱི་དེ་སྣང་སྟོབས་ཀྱིས་རྟོག་པ་གཉིས་སྣང་འཁྲུལ་བ་ཅན་དུ་འཇོག་དགོས་པའི་ཕྱིར།