Sun 23 Jul 2017
སེམས་ཀྱི་དག་ཞིང་།
ནགས་ཀྱི་ཤིང་ལོ་ནས།
མཁའ་རུ་འཁྲིགས་པའི་ལང་ལོང་ཆུ་ཁུར་ཞིག །
སྒྲ་ལྡན་འོག་ནས་སིབ་སིབ་ཆར་ཟིམ་ཞིག །
རང་བཞིན་མ་བརྫུས་རང་བྱུང་ངོ་མ་ཞིག །
མིང་ཞིག་བོས་ན་སེམས་ཀྱི་སྦྲང་ཆར་ཡིན།།
རྐང་འཐུང་རྩེ་ན་བཏགས་པའི་འདབ་བརྒྱ་ཞིག །
མིག་གི་ལམ་ན་མཛེས་པའི་འདབ་མ་ཞིག །
རང་བཞིན་དྲི་མས་དབེན་པའི་ཟེའུ་འབྲུ་ཞིག །
མིང་ཞིག་བཏགས་ན་སེམས་ཀྱི་མེ་ཏོག་ཡིན།།
ལོ་མའི་སྣེ་ནས་ལྷུང་བའི་ཐིགས་པ་ཞིག །
ལྕེ་ཐོག་བདུད་རྩི་འདྲ་བའི་མངར་མོ་ཞིག །
རང་བཞིན་བཅོས་ཀྱིས་མ་ལྷད་དྭངས་མ་ཞིག །
མིང་ཞིག་བཏགས་ན་སེམས་ཀྱི་ཐིགས་པ་ཡིན།།
ཡལ་གའི་བར་ནས་གྲགས་པའི་སྒྲ་དབྱངས་ཤིག །
རྣ་བའི་བུ་རམ་འདྲ་བའི་སྙན་མོ་ཞིག །
རང་བཞིན་འཇམ་དང་མཉེན་པའི་འགྱུར་ཁུགས་ཤིག །
མིང་ཞིག་བོས་ན་སེམས་ཀྱི་ཆོས་སྒྲ་ཡིན།།
ཚང་ཚིང་ནགས་ཀྱིས་བསྐོར་བའི་འཁོར་ཡུག་ཞིག །
ཆོས་སྒྲ་མ་གཏོགས་ཁ་ཁུ་སིམ་པོ་ཞིག །
རང་བཞིན་མ་བསླད་དོན་གྱི་དབེན་གནས་ཞིག །
མིང་ཞིག་འབོད་ན་སེམས་ཀྱི་དག་ཞིང་ཡིན།།
༢༠༡༧—༧—༧
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
