Sun 23 Jul 2017
ཁ་བའི་ཐིགས་པ།
ནགས་ཀྱི་ཤིང་ལོ་ནས། རི་བོ་མཐོ་ས་དང་ས་གཞི་གཙང་ས་ཞིག་ན་ཁ་བའི་འདབ་མ་རིམ་གྱིས་བརྩེགས་ནས་གོ་ལའི་ཏོག་ཏུ་གྱུར་་་་་
ཉི་འོད་ཀྱིས་དཀར་མདངས་རྒྱས་པའི་ཁ་བའི་རི་ནི་ནམ་ཡང་གཡོ་བ་མེད་ཅིང་ས་སྒང་འདིར་རྟག་ཏུ་བརྟན་་་་་
གངས་རི་ལས་བྱུང་ཞིང་ཁ་བའི་མི་ནི་རྒྱུན་དུ་འཛུམ་གྱིས་འཁྱུད་ཅིང་བག་ཕེབས་པའི་གཤིས་ཀ་དེས་་་་་
ཁ་ཆར་དང་བུ་ཡུག་མོད་པའི་མཐོ་སྒང་དེ་རུ་མ་ཎི་དབྱངས་སུ་གྱེར་ཞིང་དད་པའི་ལག་ཟུང་སྙིང་ཁར་སྦྱར།
གངས་རི་ནས་བཞུར་བའི་ཆུ་རྒྱུན་རེ་རེར་བྱིན་རླབས་ཀྱི་མངར་ཁ་རྒྱས་ནས་རྦ་རླབས་དང་ལྷན་དུ་་་་་
ཤག་ཤག་གི་འབབ་སྒྲ་དང་བཅས་ཏེ་རི་ལུང་ཡོད་ཚད་ནས་ལྷུང་ལྷུང་གི་འགྲོས་ཀྱིས་རྒྱ་མཚོ་རུ་འཁྱིལ་་་་་
གངས་ཆུ་དྭངས་མའི་འཚོ་བཅུད་ཀྱི་ཐིགས་པ་རེ་རེས་གོ་ལའི་ཚེ་སྲོག་གི་རྩ་བ་རུ་གསོན་ཤུགས་གཏམས་་་་་
ཆད་པ་མེད་པའི་ཁ་བའི་འདབ་མ་རེ་རེས་རྫོགས་པ་མེད་པའི་གངས་རིའི་ཆུ་རྒྱུན་རེ་རེའི་ས་བོན་བཏབ།
གངས་རི་ནས་མཆེད་ཅིང་ཁ་བ་ནས་འཁྲུངས་པའི་ཨ་ནུ་ཞིག་གིས་འཕགས་བོད་ཀྱི་ས་ཐག་གོམ་གྱིས་འཇལ་་་་་
ཚ་བས་འབར་བའི་ཡུལ་གྲུ་དེར་དཀའ་སྡུག་གི་རྔུལ་ཆུས་ཤ་རུས་གཙེས་ཀྱང་བློ་རིག་གི་ངར་ཁ་མ་ཉམས་་་་་
གཙང་པོ་ལ་བྲིས་པའི་རི་མོ་ཞིག་སྟེ་ནམ་ཡང་ནུབ་མེད་ཀྱི་ཀ་སོགས་སུམ་ཅུ་ཆུ་བོའི་རྒྱུན་དང་འགྲོགས་་་་་
ཡང་ཡང་རླབས་ཀྱིས་སྐྱོམ་དུས་ཁ་རྩང་དེ་རིང་དབྱངས་གསལ་སོ་བཞིས་རྒྱལ་ཁམས་སྐོར་བཞིན་གླུ་དབྱངས་ལེན།།
༢༠༡༧—༦—༡༢
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
