ང་ཚོས་རང་གི་སྐད་ཡིག་སྲུང་སྐྱོབ་བྱེད་པ་ལ་ཐབས་ལམ་གང་དག་ལ་བརྟེན་དགོས་པའི་སྐོར།

ང་ཚོས་སྐད་ཡིག་སྐྱོབ་དང་སྐད་ཡིག་གིས་ང་ཚོ་སྐྱོབ་ངེས།
༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
ནགས་ཤོད་ཅོང་བརྡ།

སྔོན་གླེང་།

༡༽  མེས་པོ་གོང་མ་རྣམས་ཀྱི་དཀའ་བ་བརྒྱ་དང་ངལ་བ་སྟོང་གིས་འབད་པའི་དཀའ་དྲིན་གྱིས། ད་བར་རང་རེ་རྣམས་མགྲིན་པ་ཀྲོང་ངེར་འཛམ་གླིང་མི་མང་གི་ཁྲོད་དུ་བསྒྲེངས་མྱོང་བའི་བོད་ཀྱི་ཐུན་མིན་སྐད་དང་ཡི་གེ་ཉམས་ཐག་ཅིང་སྐྱ་ཆད་སྔོ་སྡུག་གི་དུས་འདིར། ཁྱེད་ནགས་ལྷ་རྩོམ་སྒྲིག་ཁང་གི་ལས་མི་ཡོངས་ཀྱིས་སྐུ་ལས་འཛེམ་མེད་ངང་ནས་བོད་སྤྱི་པའི་ལས་དོན་དང་། དགོས་སུ་ནགས་ཤོད་པའི་བདེ་སྡུག་གི་ཆེད་དུ་འདི་ལྟ་བུའི་ཕྱག་ལས་གནང་བ་སྙིང་དབུས་ནས་ཐུགས་རྗེ་ཆེ་ཞུ་རྒྱུ་དང་། དེ་དང་འབྲེལ་ཡོད་འདིའི་ཐད་དུ་སྐུ་ལས་ལྷོད་མེད་གནང་མཁན་རྣམ་པར་བོད་མི་ས་ཡ་དྲུག་དང་། ཡང་དགོས་ངེད་དབུ་མ་ནགས་ཤོད་པའི་སློབ་མ་ཡོངས་ཀྱི་ཚབ་བྱེད་དེ་བཀའ་དྲིན་ནམ་ཡང་བརྗེད་པ་མེད་ཞུའོ། །

བོད་སྐད་ཡིག་ལ་ཕན་པ་བྱུང་ཚུལ།

༼༢༠༡༥ ལོའི་བགྲོ་གླེང་སྣེ་ཁྲིད་པའི་རྩོམ་ཤོག །༽
ལམ་བཟང་པོ།

གུས་བཀུར་འོས་པའི་ནགས་ལྷ་རྩོམ་སྒྲིག་ཁང་གི་འགན་འཛིན་རྣམས་ཀྱིས་དབུས་པའི་ཕ་ཡུལ་གཅིག་པའི་སྤུན་གྲོགས་རྣམས་ལ་ཐོག་མར་གནམ་ལོ་གསར་པར་འཚམས་འདྲི་ཞུ་རྒྱུ་དང་།  ཉེ་སྔོན་ནགས་ལྷ་རྩོམ་སྒྲིག་ཁང་གིས་ཐེངས་གསུམ་པའི་བགྲོ་གླེང་གི་བརྗོད་བྱ་སློབ་གྲྭ་ཁག་གིས་མཚོན་པའི་ཁག་སོ་སོར་གནང་འབྱོར་བྱུང་བ་བཞིན།    མེག་ལོར་དུ་གནས་འཆའ་མཁན་རྣམས་ལ་གནང་བའི་བརྗོད་བྱ་གསུམ་ཡོད་པ་ལས། གུས་པའི་བཤད་བྱ་ནི་''ས་ཕྱོགས་གང་སར་བཞུགས་པའི་ནགས་ཤོད་འབྲི་རུ་བ་རྣམས་ཀྱིས་ཕྱར་གྲུ་མཉམ་འདེགས་བྱས་ནས་འདས་པའི་དུས་ཡུན་ནང་དུས་དེབ་འདོན་ཐེངས་དྲུག་དང་།   སྐད་ཡིག་བགྲོ་གླེང་ཐེངས་གཉིས། དྲ་རྒྱ་དང་རྩོམ་ཡིག་འགྲན་བསྡུར་སོགས་ཀྱི་ལས་རིམ་དག་གིས་བོད་སྐད་ཡིག་ལ་ཕནཔ་ཇི་བྱུང་དང་།  ལྷག་པར་ནགས་ཤོད་ལུང་པའི་བློ་གསལ་བ་རྣམས་ལ་ཕན་ཐོགས་བྱུང་མིན་སོགས་ལ་རང་གི་དགོངས་འཆར་དང་མཐོང་སྟངས་སོགས་ཀྱི་སྐོར།