Sun 23 Jul 2017
ཡིན་ན་ཡང་།
ནགས་ཀྱི་ཤིང་ལོ་ནས།
གལ་སྲིད་ལྡུམ་ར་འདིར་རེ་དོགས་ཀྱི་རླུང་བུ་འཚུབ་མེད་ན་་་་
ཐོབ་ཤོར་གྱིས་དབེན་པའི་མེ་ཏོག་དག་ནི་ཅི་འདྲའི་ཡིད་དུ་འོང་བ་ཞིག
དེ་བཞིན་དུ་ས་གཞི་འདིར་ཧམ་སེམས་ཀྱི་དུག་ཆུས་སྦགས་མེད་ན་་་་
ཁ་བ་ལས་གྱུར་པའི་གཙང་པོ་དག་ནི་ཅི་འདྲའི་དྭངས་ཤིང་གཙང་བ་ཞིག
ད་རུང་མཚན་མོ་འདིར་ཕྲག་དོག་ཀྱི་སྤྲིན་ནག་འཁྲིགས་མེད་ན་་་་
འོད་ཀྱིས་འཁྱུད་པའི་སྐར་ཚོགས་དག་ནི་ཅི་འདྲའི་མཛེས་ཤིང་སྡུག་པ་ཞིག
དོན་ངོ་མ་གོ་ལ་འདིར་རང་རྒྱལ་གཞན་ཕམ་གྱི་འཐབ་རྩོད་མེད་ན་་་
གཅིག་ལ་གཅིག་རྟེན་གྱི་ཚེ་སྲོག་དག་ནི་ཅི་འདྲའི་རིན་ཐང་དང་ལྡན་པ་ཞིག
ཡིན་ན་ཡང་་་་་
མཛེས་སྡུག་གི་ལྡུམ་ར་འདི་རེ་དོགས་ཀྱི་རླུང་བུས་སྤུར་ཚར་དུས་་་་
ཉམ་ཆུང་གི་རྐང་འཐུང་དག་ནི་ཁ་དོག་གིས་དབེན་པའི་འདབ་ལོ་རྙིང་ཧྲུལ་རེ་རེ།
ས་སྒང་རིལ་བོ་འདི་ཧམ་སེམས་ཀྱི་དུག་ཆུས་སྦགས་ཚར་དུས་་་་
ལྷུང་ལྷུང་དུ་བཞུར་བའི་གཙང་པོ་དག་ནི་རོ་བཅུད་དང་བྲལ་བའི་འདམ་ཁུ་ཞིག
ད་རུང་མཚན་མོ་འདིར་ཕྲག་དོག་གི་སྤྲིན་ནག་འཁྲིགས་ཚར་དུས་་་་
མཁའ་དབྱིངས་སུ་བཀྲ་བའི་སྐར་མ་དག་ནི་གཟི་འོད་དང་བྲལ་བའི་གྲིབ་གཟུགས་རེ།
གནས་སྟངས་ངོ་མ་གོ་ལ་འདི་ཁྱོད་ཤི་ང་གསོན་གྱི་གཡུལ་ས་གྱུར་ཚར་དུས།
ཚེ་སྲོག་ནི་ང་དང་ཁྱོད་ཀྱི་རྐང་འོག་གི་ཐལ་བ་ཉམ་ཆུང་ཞིག
༢༠༡༧—༥—༢༩
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
