Mon 17 Jul 2017
མཛངས་མ་འདེམ་དགོང་།
ལམ་བཟང་།
རི་དེས་དགོང་ཁའི་ཉི་འོད་སྐེ་དཀྲིས་བྱས།།
གྲིབ་སོའི་ཤམ་ལྭར་ནགས་ཀྱི་ཚར་ལོ་ཉིག།
"འཕུར་"ཞེས་གླུ་དེས་མི་ཚོགས་གཉིད་ལས་སློང་།།
དབྱིན་ཡིག་ཐར་ཐོར་སེང་དར་རྩེ་རུ་འཕྱོ།།
ཚད་མེད་བརྙས་དང་མཐོང་ཆུང་བྱས་སྐད་ཀྱིས།།
དབྱངས་གསལ་སོ་བཞི་ཁང་ཁུག་ཞིག་ན་ངུ་།།
སྙིང་ཉེ་ཁ་ཤས་དེ་ལ་སེམས་གསོ་བྱེད།།
དེ་དུས་མི་ནག་ཅིག་གིས་མིག་ལོག་ལྟ།།
ལྷ་མོ་ཡིན་ཟེར་རས་ཀྱི་གཤོག་པ་གཡོབ།།
རས་གདན་དམར་པོ་གླང་ཆེན་འགྲོས་ཀྱིས་རྫི།།
སྲང་ཁྱི་འགའ་ཡིས་དེ་ལ་ལད་ཟློས་བྱེད།།
ཁ་པར་འདྲ་མིན་སྦྲང་ནག་བཞིན་དུ་འཁོར།།
ཕོ་གསར་དེ་ཚོ་སྐར་ཆས་གྲངས་སུ་ཧེད།།
མོ་གསར་འགའ་རེ་ལག་པ་བྲང་དུ་སྦྱོོར།།
ཤོག་པག་ཁ་ཤས་ཟླ་བའི་གྲོང་ལ་འཕུར།།
ཟླ་བའི་ལྷ་མོས་གདོང་གི་ཕྱེད་ཙམ་སྟོན།།
གློག་སྒྲོན་ཁྲ་ཁྲ་འཚུམ་ཙམ་རྡེེབ་ཙམ་བྱེད།།
བུ་མོ་དེ་ཚོ་འཁྱུག་ཙམ་ལྡེམ་ཙམ་བྱེད།།
དྲི་བ་ཁ་ཤས་འཕུར་ཙམ་ལྡིང་ཙམ་བྱེད།།
དྲི་ལན་མག་མོག་འདར་ཙམ་འགུལ་ཙམ་བྱེད།།
མཛེས་མ་རེད་ཟེར་རྨ་བྱའི་སྒྲོབ་འགྲོས་ངོམ།།
མཛངས་མ་རེད་ཟེར་གྲོད་པའི་བྲོ་ཞིག་འཁྲབ།།
གཞན་རྣམས་སྟེགས་དེར་ངང་པའི་ཆུ་རྩེད་རྩེ།།
དབུ་རྒྱན་དཀར་དཀར་མོ་རང་ངུ་བཞིན་གོན།།
ལྟད་མོ་བ་འགའ་གདོང་པ་གློད་བཞིན་ལོག།
ཕོ་གསར་འགའ་རེ་ཁོང་ཁྲོ་ཟ་བཞིན་ལོག།
མོ་གསར་འགའ་རེ་སེམས་ཤུགས་ཆག་ནས་ལོག།
བློ་བཟང་དབང་རྒྱལ་གད་མོ་ཤོར་ནས་བསྡད།།
དྲྭ་ཐོག་དེ་ནས་ཨང་གྲངས་པར་ལ་སྤྲོད།།
མི་ཚོགས་དབུས་དེར་རང་རང་ཕྱོགས་ཕྱོགས་འབོད།།
ང་ཡིས་ཚངས་ཐིག་བཞག་ཁུལ་གསུམ་པ་དེ།།
རླུང་རྟ་ཡིན་ནམ་མོ་རང་དང་པོར་ཐོབ།།
མདོར་ན་བཀྲ་ཤིས་བདེ་ལེགས་གྲངས་མེད་ཞུ།
ཁ་སང་ལྟད་མོ་ལྟ་བཞིན་དྲིས་པ་དེའི་འཕྲོར་ཚིག་རེ་ཟུང་བསྣན་ཏེ་
༢༠༡༧ ༠༦ ༠༥
དགོང་མོར་སྤེལ།
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
