Fri 14 Jul 2017
ཐུག་གླུ།
ལམ་བཟང་པོས།
རི་མཐོན་པོ་ཁ་བའི་ལྭ་ཐོད་ཅན།།
དེ་མཐོང་དུས་ཕ་ཡུལ་ཡང་ཡང་དྲན།།
ཡུལ་དྲན་བཞིན་རྒྱང་རིང་ཕྱོགས་སུ་ལྟ།།
སེམས་འཕྲེང་བའི་གླུ་སྐད་ཐོལ་གྱིས་ཤོར།།
སྡེ་ཁྲ་མོ་སྐར་ཚོགས་བཀྲམ་འདྲ་བོ།།
དེ་མཐོང་དུས་ཉི་འོད་གྲོང་ཁྱེར་དྲན།།
གྲོང་དྲན་བཞིན་མ་གིའི་ཕྱོགས་སུ་ལྟ།།
ཞེ་སྨྲེང་བའི་གླུ་སྐད་ཀྱུར་ཀྱུར་ཤོར།།
དགོན་སེར་བོ་གསེར་གྱི་རྒྱ་ཕེབས་ཅན།།
དེ་མཐོང་དུས་བླ་མ་དམ་པ་དྲན།།
རྗེ་དྲན་བཞིན་དབུགས་རིང་མཁའ་ལ་སྤུར།།
ཡིད་སྐྱོ་བའི་སྐྱོ་གླུ་ཤུར་གྱིས་ཤོར།།
དགོང་འཐེན་ཐུག་སྔོ་ཚལ་སྣོན་མ་ཅན།།
དེ་མཐོང་དུས་ཨ་མའི་ལག་ཟས་དྲན།།
མ་དྲན་བཞིན་མིག་ཆུ་ཐར་ཐར་འཐོར།།
ཁོག་གྲང་བའི་འཁྱག་གླུ་སིབ་སིབ་འབབ།།
ལོ་ན་ཚོད་ཆུ་རིས་བཞིན་དུ་གཉེར།།
གཟུགས་ལང་ཚོ་མི་ཡུལ་ཉི་མས་འགམ།།
དྲིན་ཕ་མའི་དབུ་ལོ་ཉིན་རེར་དཀར།།
དེ་བསམས་ན་ས་མཐའི་སེམས་པ་སྡུག།
གནའ་བོའི་མགུར་དབྱངས་འབྲི་ཐབས་བཀོལ་ཏེ་དགོང་ཟས་འཐེན་ཐུག་ཅིག་འཐུང་ཞོར་དག་སྡེབ་ལ་བློ་མ་གཏད་པར་ཐད་ཀར་བཏགས།
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
