-
མདུན་ངོས།
-
རྩོམ་ཡིག
-
དཔྱད་རྩོམ།
- ནགས་ལྷ་དྲ་མཛོད།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
Fri 28 Jul 2023
བུད་མེད་ཀྱི་ནུས་སྟོབས།
ནགས་ཤོད་ཅོང་བརྡ།
རྫ་ཁྲ་ཡག་འབྲོང་ལམ་གོང་མ་ལ། །
འབྲོང་མི་ཐར་ཁ་བའི་འགག་སྒོ་ཞིག །
རྩོམ་འདིའི་ནང་གཏམ་དཔེ་ཞིག་དང་འབྲེལ་ནས་བུད་མེད་ཀྱི་ནུས་སྟོབས་བཤད་འཆར་ཡིན། གཏམ་དཔེ་ཟེར་བ་ནི་གཏམ་བཤད་དུས་ཁ་གསལ་གོ་བདེ་ཡོང་བའི་ཆེད་དུ་དེ་དང་འདྲ་བའི་དཔེ་ཞིག་འཇོག་དར་བ་དེའི་བསྡུས་མིང་ཡིན། དེས་ན་ངས་སྔོན་འགྲོའི་ཚུལ་དུ་བཤད་རྒྱུར། ངས་སྔོན་མ་ཞིག་ལ་<<བུད་མེད་གནམ་གྱི་ཕྱེད་ཀ་ཡིན་>>ཞེས་པའི་ཆེད་རྩོམ་ཞིག་འབྲི་མྱོང་། རྩོམ་དེ་<<གདང་ལ་རི་བོ>>འི་རྩོམ་སྒྲིག་ཁང་དུ་ཕུལ་བ་དང་། ལོ་དེའི་དུས་དེབ་ཏུ་ཡང་འཁོད་ཡོད། དུས་དེབ་དེ་མཁས་པའི་དྭངས་རྩེ་ཨ་མྱེ་རྨ་ཆེན་བཀྲ་ཤིས་ཚེ་རིང་ལ་དཔར་ཕུད་དུ་ཕུལ་ཡོད་ས་རེད། ཁོང་གིས་རྒྱས་གཟིགས་ཀྱང་གནང་ཡོད་པ་འདྲ། གདང་ལ་རི་བོའི་རྩོམ་སྒྲིག་པར་བུད་མེད་གནམ་གྱི་ཕྱེད་ཀ་ཡིན་ཞེས་པ་དེ་འབྲི་མཁན་ནགས་ཤོད་ཅོང་བརྡ་ཟེར་བ་དེ་སུ་རེད་ཅེས་བཀའ་འདྲི་གནང་བ་དང་། དེས་རྩོམ་ཡག་པོ་བྲིས་འདུག་ཅེས་བསྟོད་པའི་མེ་ཏོག་འཐོར་བ། དེའི་ནང་གི་ཐ་སྙད་རེ་འགའ་བཅོས་ཐུབ་ན་རྩོམ་དེ་ཧ་ཅང་ཡག་པོ་འདུག་ཅེས་གསུངས་སྐོར་གདང་ལ་རི་བོའི་རྩོམ་སྒྲིག་པས་སྔ་རྗེས་སུ་ཐེངས་གཉིས་ཕྲན་ལ་བཤད་བྱུང་།
སྡེ་ཚན།
རྒྱུན་ཤེས།
ནང་གསེས་དབྱེ་འབྱེད།
Fri 28 Jul 2023
ནགས་ཤོད་འབྲི་རུའི་གཏམ་དཔེ།
སྡུད་སྒྲིག་པ། ནགས་རྒྱང་འབྲུག
༈ [1]གཏམ་རིན་ཆེན་སྣ་ལྔ་བསླབས་ཀྱང་མི་ཤེས། །འཇའ་ཁ་དོག་སྣ་ལྔ་དེད་ཀྱང་མི་དུས། ། ༈ ཕྱི་དགྲ་ལྕགས་ནག་མཛེར་པ་ལས། །ནང་དགྲ་ཁང་རྒན་ཐིགས་པ་སྡུག ། ༈ རྟ་ཕོ་ཁྲོམ་ལ་བཏོན་ན། །རིན་ཐང་མི་ཡིས་རྒྱག་ཡོང་། །རྒོད་པོ་གནམ་ལ་འཕུར་ན། །བྱ་ལམ་རིམ་བཞིན་ཆོད་ཡོང་། ། ༈ རྒྱལ་པོ་རང་ཡུལ་གྲགས་ཆེ་ཡང་། །མཁས་པ་ཡུལ་ཁམས་གཞན་དུ་གྲགས་ཆེ། ། ༈ ཁལ་ཆད་ལ་ཁར་སླེབ་དུས་རྫིང་གི་གཡུང་དྲུང་འབྲི། །རྐུ་མ་ཁྲིམས་ཁུག་སླེབས་ན་རྫུན་གྱི་འཁོར་ལོ་སྐོར། ། ༈ བུ་ཤོར་མ་མོས་འབའ་སྒྲ་མེད་པར། །ཤ་བཟས་སྤྱང་ཀིས་ཕོ་ཙག་(ངུ་སྐད་)དགོས་དོན་མེད། ། ༈ ཤ་ཟ་མཁན་རི་སྤྱང་སྔོ་མོ་བྱེད། །ཁག་ངན་པ་འཕར་བ་དམར་མོར་གཡོགས། ། ༈ རག་དཀར་རྫ་ལ་རྫ་ལམ་མེད་པར། །བྲེ་མོ་འབྲོང་ལ་ངན་ཁག་གཡོགས་དོན་མེད། ། ༈ སྐྱེས་ཕོ་རབ་མི་བཟའ་མནའ། །ཁྱི་སྡར་ལུས་མི་བཟའ་ལྕགས། ། ༈ ཆེ་ནས་རྒས་གོག་སྐྱོས་གསུམ་མིན། །ཆུང་ནས་བསམ་བློ་མ་ཟིན་མིན། ། ༈ ཀི་བྲག་ལ་བརྒྱབས་པའི་ལན་མེད་ན། །ཉ་ཆུ་ལ་འཁྱུགས་པའི་རྗེས་ཤིག་གང་དུ་ཡོད། །
སྡེ་ཚན།
རྒྱུན་ཤེས།
ནང་གསེས་དབྱེ་འབྱེད།
Fri 28 Jul 2023
ཁྱིམ་ཚང་གི་བདེ་ཐབས་སྐོར།
དགའ་ཤར་ནགས་ཤོད་དགེ་བཤེས་ལྷ་རམས་པ་བློ་བཟང་ཕུན་ཚོགས།
མི་ཚེའི་བདེ་སྐྱིད་དོན་དུ་གཉེར་མཁན་ཞིག་ལ་མཚོན་ན། ཁྱིམ་ཚང་གི་བདེ་ཐབས་ནི་བདེ་སྐྱིད་ཀྱི་རྨང་གཞི་ལྟ་བུ་ཡིན། ཁྱིམ་ཚང་ནི་རང་གི་མི་ཚེ་འགོ་འཛུགས་སའམ། ཡང་ན་མཇུག་བསྐྱལ་ས་དེ་ཡིན་པ་མ་ཟད། བརྩེ་བ་ཟད་མཐའ་མེད་པའི་དྲོད་ཁོལ་འཁྱིལ་ས་ཞིག་ཀྱང་ཡིན། གནས་འདི་ལ་ཁྱིམ་མི་ཀུན་གྱིས་བྱམས་བརྩེ་དང་། གུ་ཡངས། བཟོད་གསན་སོགས་ཀྱི་ནུས་པ་མཉམ་འདོན་བྱས་ཏེ། དོན་དམ་པའི་འཆམ་མཐུན་བསྐྲུན་དགོས་པ་ཡིན། དེ་ཡང་རིག་པའི་གཞུང་ལུགས་དང་མཐུན་པའི་ཁྱིམ་ཚང་བདེ་ཐབས་ཀྱི་སློབ་སྦྱོང་དང་ཤེས་ཡོན་ཡོད་པ་ཅན་དུ་བཟོ་དགོས། ཆོས་པ་ཚོས་ཀྱང་བྱམས་བརྩེའི་ཉམས་ལེན་ནི། རང་གི་ནང་མི་ལས་འགོ་བཙུགས་ཏེ། འཇིག་རྟེན་ཁམས་ཀྱི་སྲོག་ཆགས་ཡོད་ཚད་ལ་བྱམས་བརྩེའི་བློ་སྐྱེད་ཀྱི་ཡོད།
གཞན་ཡང་རྒྱུན་དུ་མི་རྣམས་ཀྱིས་གྲོགས་པོ་བཟང་པོ་ཞིག་དང་། བཟའ་ཟླ་བཟང་པོ་ཞིག་ལ་རེ་སྨོན་དང་བཙལ་འཚོལ་བྱེད་ཀྱི་ཡོད་ཀྱང་། རང་ཉིད་མི་བཟང་པོ་ཞིག་ཆགས་ཐབས་ལ་དེ་ཙམ་དོ་སྣང་བྱེད་ཀྱི་མེད། རོགས་པ་བཟང་པོ་ཞིག་འཚོལ་རྒྱུ་དེ་གལ་ཆེན་པོ་རེད་དེ། རང་ལ་རོགས་པ་བཟང་པོ་དགོས་པ་བཞིན་གཞན་ལའང་དེ་ལྟར་དགོས་པ་མ་ཟད། རང་གི་ཞི་བདེ་དང་འཆམ་མཐུན་དག་གཙོ་བོ་རང་ལས་འབྱུང་དགོས་པ་ཡིན་པས། གཙོ་བོ་རང་ཉིད་མི་བཟང་པོ་བཟོ་རྒྱུ་དེ་ཆེས་གལ་ཆེ་བ་ལོས་ཡིན།
སྡེ་ཚན།
བསླབ་བྱ།
ནང་གསེས་དབྱེ་འབྱེད།
Fri 28 Jul 2023
སྐྱབས་འགྲོ།
འཇམ་དབྱངས་མཁས་བཙུན།
སྙིང་དོན།
སྐྱབས་འགྲོ་ཞེས་པ་ནི་ཆོས་ལུགས་ཀྱི་བརྡ་ཆད་ཅིག་རེད། སྐྱབས་འགྲོ་ནི་ཆོས་ལུགས་རང་རང་གི་འཇུག་སྒོ་དང་པོ་དེ་ཆགས་ཡོད་པས། སྐྱབས་འགྲོའི་ཁྱད་པར་གྱིས་ཆོས་ལུགས་གང་ཞིག་གི་རྗེས་འབྲང་པ་ཡིན་མིན་ཐག་གཅོད་ཐུབ། རྩོམ་ཡིག་འདིའི་ནང་དུ་གཙོ་བོ་ནང་པའི་ཆོས་ལུགས་ཀྱི་སྐྱབས་འགྲོའི་སྐོར་གླེང་བར་བྱའོ། །འདི་ལ་ཡང་ཆོས་ལུགས་སྤྱི་བཤད་དང་། སྐྱབས་འགྲོའི་གོ་དོན། སྐྱབས་འགྲོའི་གནད་འགག །སྐྱབས་འགྲོའི་ཕན་ཡོན། མཇུག་གི་བསྡོམས་བཅས་དོན་ཚན་ལྔར་བགོས་ཡོད།
ཆོས་ལུགས་སྤྱི་བཤད།
འཛམ་བུ་གླིང་འདིའི་ཐོག་ཏུ་ཆོས་ལུགས་སྣ་ཚོགས་པ་ཞིག་ཡོད་ཅིང་། དེ་དག་ཀྱང་ལོ་རྒྱུས་སྨྲ་བ་རྣམས་ལྟར་ན་མི་ལོ་ ༧༠༠༠ ཙམ་གྱི་ཡར་སྔོན་ནས་ཆོས་ལུགས་ཀྱི་སྲོལ་ཐོག་མར་བྱུང་བར་སྨྲ་[1]ཞིང་། ཆོས་ལུགས་པའི་འདོད་པ་ལྟར་ན་མིའི་རིགས་ནི་ཐོག་མ་མེད་པ་ནས་བྱུང་བ་ཞིག་ཡིན་སྟབས་ཆོས་ལུགས་ཀྱི་བྱུང་མཚམས་ཀྱང་ཐོག་མ་མེད་པ་ཡིན་པས་སུས་ཀྱང་དུས་མཚམས་འཛིན་མི་ནུས་པ་དང་། ཡང་འཇིག་རྟེན་བཀོད་པ་པོ་འདོད་མཁན་རྣམས་ཀྱིས་ནི་སྣོད་བཅུད་ཀྱི་འཇིག་རྟེན་ཡོངས་རྫོགས་འཇིག་རྟེན་བཀོད་པ་པོ་ཞེས་བྱ་བ་ཞིག་གིས་བགྱིས་པར་སྨྲ་བཞིན་ཡོད། དོན་དངོས་ཐོག་མིའི་རིགས་ལ་ཐོག་མ་ཡོད་མེད་དང་། འཇིག་རྟེན་བཀོད་པ་པོ་ཡོད་མེད་སོགས་ཇི་ལྟར་ཡིན་རུང་། ཆོས་ལུགས་ཀྱིས་མིའི་རིགས་ཀྱི་འཚོ་བ་དངོས་ལ་མུན་པའི་ནང་གི་སྒྲོན་མེ་དང་། ལོང་བ་རྣམས་ཀྱི་དམིགས་བུ་དང་། སྡུག་བསྔལ་ཁྲོད་ཀྱི་བདེ་སྐྱིད་དང་། རེ་བ་དང་། ཡིད་ཆེས་དང་།
སྡེ་ཚན།
ནང་ཆོས་ངོ་སྤྲོད།
ནང་གསེས་དབྱེ་འབྱེད།
Fri 28 Jul 2023
བློ་སྦྱོང་ཚིག་བརྒྱད་མའི་རོབ་འགྲེལ་ཁ་ཐུག་མ།
ལྕེ་རླུང་འཚུབ།
འདྲེན་པ་མཉམ་མེད་སྟོན་པ་བཅོམ་ལྡན་འདས། །
དེ་ཡི་རྗེས་འཇུག་འཕགས་བོད་མཁས་གྲུབ་དང་། །
བཀའ་དྲིན་ཅན་གྱི་དངོས་ཀྱི་བླ་མ་རྣམས། །
སྒོ་གསུམ་གུས་པས་འདུད་ཅིང་ཕྱག་འཚལ་ལོ། །
ཞེས་མཆོད་པར་བརྗོད་ནས་གཞུང་དངོས་འགྲེལ་བ་ལ།
བདག་ནི་སེམས་ཅན་ཐམས་ཅད་ལ། །
ཡིད་བཞིན་ནོར་བུ་ལས་ལྷག་པའི། །
དོན་མཆོག་བསྒྲུབ་པའི་བསམ་པ་ཡིས། །
རྟག་ཏུ་གཅེས་པར་འཛིན་པར་ཤོག །
སྡེ་ཚན།
ནང་ཆོས་ངོ་སྤྲོད།
ནང་གསེས་དབྱེ་འབྱེད།
Fri 28 Jul 2023
ལྟར་སྨོན་དགོན་གྱི་དུར་ཁྲོད་ཀྱི་སྐོར།
དགེ་བཤེས་ལྷ་རམས་པ་ངག་དབང་ཐོགས་མེད།
བལྟས་པ་ཙམ་གྱིས་མོས་པ་སྐྱེ་བའི་དགོན། །
མདོ་སྔགས་ཆོས་འཁོར་རྒྱུན་མི་ཆད་པའི་གླིང་། །
བཀའ་གདམས་གསར་མའི་ལུགས་འཛིན་ཆོས་སྡེ་ཆེ། །
ནམ་ཡང་མི་ནུབ་རྟག་ཏུ་གནས་གྱུར་ཅིག །
དེང་དུས་མཚན་སྙན་ཤིན་ཏུ་འབར་བ་ཡི། །
ནགས་ཤོད་ལྟར་དགོན་དུར་ཁྲོད་གཡང་མོ་ཁུག །
ཇི་ལྟར་བྱུང་དང་དེ་ཡི་ཁྱད་ཆོས་སོགས། །
སྒྲོ་སྐུར་སྤངས་ཏེ་ཅུང་ཟད་བརྗོད་པར་བྱ། །
དུར་ཁྲོད་དེ་ཉིད་ཆགས་པའི་གནས་མཆོག་ནི། །
ལྟར་སྨོན་ཆོས་འཁོར་གླིང་གི་གཡོན་ཟུར་དང་། །
རྒྱ་བཟའ་ཀོང་ཇོའི་གཏེར་ཆུའི་གཡས་ཟུར་དུ། །
ས་དཔྱད་ཕུན་སུམ་ཚོགས་པའི་གནས་སུ་ཡོད། །
སྡེ་ཚན།
ནང་ཆོས་ངོ་སྤྲོད།
ནང་གསེས་དབྱེ་འབྱེད།
Fri 28 Jul 2023
ཤྲི་ལང་ཀར་བསྐྱོད་པའི་ཟིན་ཐོ།
དགེ་བཤེས་ལྷ་རམས་པ་ངག་དབང་བསྟན་པ།
ཕྱི་ལོ་༢༠༢༡ཟླ་༡༢ཚེས་༡༩ཉིན་ཤྲི་ལང་ཀ་རུ་འབྱོར། དེར་རཱ་ནིལ་(Ranil)ཞེས་པ་ཞིག་གིས་རོགས་ཡག་པོ་བྱས་བྱུང། ཀོ་ལོམ་སྦོ་(Colombo)གནམ་ཐང་ནས་ཨ་ནུ་རཱ་དྷུ་པུ་ར་(Anuradhapura)བར་ལེ་དབར་(kilometer) ༢༠༠ཙམ་ཡོད་ཀྱང་འཁོར་ཆུང་གླ་མེད་བཏང་སོང་། ཁོས་དེ་སྔོན་ཤྲི་ལང་ཀ་རུ་ཕེབས་མྱོང་བའི་སི་ཀིམ་མཱ་ཧིན་ཌ་(S.Mahinda)ཡི་ངོ་སོ་ཡིན་ཟེར། སི་ཀིམ་མཱ་ཧིན་ཌ་ནི་མི་རིགས་བོད་པ་དང་། ཕྱི་ལོ་༡༩༠༡ལོར་སྒང་ཐོག་(Gangtok)ཏུ་འཁྲུངས་ཤིང་། ཕྱི་ལོ་༡༩༥༡ལོར་ཤྲི་ལང་ཀ་རུ་གྲོངས། ཁོང་ཆུང་དུས་ནས་ཤྲི་ལང་ཀ་རུ་སོང་སྟེ་གྲྭ་པ་བྱས། ཤྲི་ལང་ཀ་དབྱིན་ཇིའི་འོག་ཏུ་ཡོད་སྐབས་རང་བཙན་འཐབ་རྩོད་པ་དང་། སྙན་ངག་པ། རྩོམ་པ་པོ་སོགས་བྱས་རྗེས་ཅན་ཞིག་རེད་ཟེར། ཀློག་པ་པོ་རང་ཉིད་ཁོང་ལ་རྒྱུས་མངའ་བྱ་འདོད་ཡོད་ན། གོང་དུ་བཀོད་པའི་ཁོང་གི་མིང་དེ་དབྱིན་ཡིག་ཏུ་བྲིས་དང་། དྲ་ཐོག་ལས་ཁོང་གི་བརྩམས་ཆོས་ག་ཚོད་དགོས་ནའང་རག་ཐུབ། མི་རིགས་བོད་པ་ཡིན་པས་ལུང་པ་དེར་བོད་པ་ལ་དགའ་བོ་བྱེད་མཁན་མང་པོ་ཡོད།
སྡེ་ཚན།
ནང་ཆོས་ངོ་སྤྲོད།
ནང་གསེས་དབྱེ་འབྱེད།
Fri 28 Jul 2023
ཡ་བཏགས་ལ་དཔྱད་པ་མེས་པོའི་ཞལ་ལུང་།
ནགས་ཤོད་སྐལ་རྒྱན།
བསླབ་ལ་བརྩོན་པའི་གང་ཟག་གིས། །
དང་པོ་ང་རོ་རྣམས་ལ་སྦྱངས། །
སྔོན་འཇུག་མིང་གཞི་རྗེས་འཇུག་གསུམ། །
ཀློག་གི་ཆེད་དུ་བསླབ་པ་ཡིན། །
རྗེས་འཇུག་བཞི་ཡི་སྦྱོར་བ་ནི། །
མཉན་བསམ་བསྟན་པའི་དོན་དུ་སྦྱར། །
ཞེས་བསླབ་པའི་རིམ་པ་ཇི་ལྟར་བསྟན་པ་བཞིན། དབྱངས་གསལ་གྱི་ང་རོ་དང་། སྒྲའི་སྐྱེ་གནས། དེ་བཞིན་མགོ་འདོགས་བརྩེགས་གསུམ། སྔོན་རྗེས་མིང་གསུམ། སུམ་རྟགས་དག་གསུམ་སྐོར་གྱི་ཡིག་མཛོད་དམ་དེབ་ཐེར་ཇི་སྙེད་ཅིག །བོད་གངས་ཅན་ལྗོངས་སུ་དར་ཁྱབ་རྒྱ་ཆེར་བྱུང་བའི་ནང། ར་ལ་ས་གསུམ་གྱི་མགོ་དང་། ཡ་ར་ལ་ཝ་བཞིའི་འདོགས་ཇི་ལྟར་བཟོས་མིན་སྐོར་ཁ་གསལ་ཡོད་ངེས་ཀྱང་ཁོ་བོས་མཇལ་སྐལ་མ་བྱུང། སུམ་ཅུ་པར་ཨི་ལྡན་འཆད་སྐབས། གསུམ་ལྔ་བཅུ་ལ་ཀྱ་དང་སྦྱར། །ཞེས་དང་། ལྷག་མ་རྣམས་ལ་གྱ་སྦྱར་བ། །ཞེས་ཀྱ་དང་གྱ་གཉིས་ཨི་དང་མཐུན་ལུགས་ཙམ་ལས། ཀྱ་དང་གྱ་གཉིས་ཇི་ལྟར་གྲུབ་ཚུལ་སྐོར་གསུངས་མེད། རྩ་གཞུང་གཉིས་སུ་དེ་དག་ཇི་ལྟར་བཟོས་མིན་གསལ་ཁ་མ་གཏོད་པས། བདག་ལ་མཚོན་ན་འདི་དག་དཔྱད་རྒྱུ་དཀའ་བའི་གནས་སུ་འདུག་མོད། འོན་ཏང་དམངས་ཁྲོད་ཀྱི་ཡུལ་སྐད་ལ་བརྟེན་ནས་ཡ་བཏགས་བདུན་ཇི་ལྟར་བཟོས་མིན་སྐོར་ཅུང་ཙམ་དཔྱད་ན། དེ་ཡང་ཡ་བཏགས་བདུན་གྱི་གཟུགས་དང་། སྒྲ་གཏན་འབེབས་ཇི་ལྟར་བྱས་མིན་བཅས་ཀྱི་སྐོར་ནས་གླེང་རྒྱུ་ཡིན།
སྡེ་ཚན།
དཔྱད་རྩོམ།
ནང་གསེས་དབྱེ་འབྱེད།
ནགས་ཀྱི་ཤིང་ལོ།
བརྩེ་ཆེན་ཐུགས་རྗེའི་ཐབས་ཀྱིས་འགྲོ་རྣམས་ཞི་བར་བགྲོད་པའི་ལམ་བསྟན་ནས། །
དྲི་མེད་ཤེས་རབ་འོད་ཀྱིས་སྐྱེ་དགུའི་མ་རིག་མུན་པ་བསལ་མཛད་པ། །
འཇིག་རྟེན་ཁམས་འདིར་ཀུན་དང་ཡོངས་ཀྱི་མ་འདྲིས་གཉེན་གཅིག་ཟས་གཙང་སྲས། །
སྟོན་མཆོག་མཉམ་མེད་ཤཱཀྱ་ཐུབ་པ་རྩེ་གཅིག་གུས་པའི་ཕྱག་གི་ཡུལ། །
ཐོས་བརྩོན་སྐྱེས་སྦྱངས་ཤེས་རབ་རབ་ཕྱུག་མདོ་སྡེ་ལྔ་བརྒྱའི་བདག་པོར་གྱུར། །
བསམ་པའི་དཔྱད་སྟོབས་བློ་རྩལ་རྩལ་གྱིས་འཇིག་རྟེན་ཁམས་ཀྱི་བཀོད་པ་བཞེངས། །
སྒོམ་སྟོབས་དམ་ཆོས་ཚུལ་བཞིན་བཞིན་དུ་སྤྱོད་པས་སྟོན་པ་གཉིས་པ་ཞེས། །
མཁས་མཆོག་དབྱིག་གཉེན་ཞེས་གྲགས་གྲགས་པས་ཁྱབ་དེར་གུས་པས་འདུད། །
ཆོས་མངོན་མཛོད་ཀྱི་བཤད་བྱ་རྒྱ་མཚོའོ་དེ་ཡི་ཐིགས་པ་ཙམ། །
ཁ་ཆེ་བྱེ་སྨྲའི་ལུགས་ཀྱི་འདུས་མ་བྱས་ཀྱི་གྲངས་ཀྱི་ཚད། །
ཅུང་ཙམ་དཔེ་ཀློག་བྱས་པའི་དུས་ཀྱི་རིན་པ་བསབ་ཕྱིར་དང་། །
གཞན་ཕྱིར་མ་བྱས་རང་ཉིད་བློ་ལ་གོམས་ཕྱིར་ཅུང་ཙམ་འབྲི། །
སྡེ་ཚན།
དཔྱད་རྩོམ།
ནང་གསེས་དབྱེ་འབྱེད།
Fri 28 Jul 2023
བོད་ཀྱི་སྐད་ཡིག་དང་འབྲེལ་པའི་༸པཎ་ཆེན་བླ་མ་གླེང་བ།
ནག་པོ་བཀྲ་ཤིས།
[ནང་དོན་གནད་བསྡུས།] དཔྱད་རྩོམ་འདི་ཉིད་ཀྱི་བརྗོད་དོན་གཙོ་བོ་ནི་དུས་རབས་ཉི་ཤུའི་ལོོ་རབས་དྲུག་ཅུ་དང། བདུན་ཅུ། བརྒྱད་ཅུ་བཅས་དུས་རིམ་སོ་སོར་བོད་ཀྱི་སྐད་ཡིག་གི་གནས་སྟངས་ཇི་ལྟར་ཐབས་སྡུག་ཏུ་གྱུར་མིན་དང་། གནས་སྟངས་དེ་ཉིད་ལས་སྐྱོབ་ཆེད་དུ་རིགས་ཞེན་དང་དཔའ་སྤོབས་ལྡན་པའི་སྐྱེས་བུ། ༸ཀུན་གཟིགས་༸པཎ་ཆེན་རིན་པོ་ཆེ་མཆོག་གིས་དཀའ་སྤྱད་བློས་གཏོང་ཇི་ཙམ་མཛད་ཡོད་མེད་དང་། མཐར་ཁོང་གིས་བློས་གཏོང་དེ་དག་ལ་བརྟེན་ནས་བོད་མི་རིགས་ཀྱི་སྐད་ཡིག་འདི་ཇི་ལྟར་གསོན་གནས་གོང་འཕེལ་གྱི་ཕྱོགས་སུ་ཁྲིད་སྟོན་བྱས་ཚུལ་སོགས་རླབས་ཆེན་མཛད་བཟང་དེ་དག་སྙིང་བསྡུས་ཀྱི་ཚུལ་དུ་འགོད་ཐབས་བྱས་ཡོད།
[བརྡ་ཆད།] པཎ་ཆེན། བོད་ཡིག །རིག་གནས་གསར་བརྗེ།
སྔོན་གླེང་།
བོད་ཀྱི་བསྟན་སྲིད་བྱུང་རབས་ལོ་རྒྱུས་དང་བྲལ་ཐབས་མེད་པའི་༸པཎ་ཆེན་སྐུ་ཕྲེང་རིམ་བྱོན་རྣམས་ཀྱིས་ནམ་ཡང་མི་རིགས་འདི་ཉིད་ཀྱི་དོན་དུ་གཞན་དྲིང་འཇོག་མྱོང་མེད་ཅིང་། ལྷག་པར་དུ་༸ཀུན་གཟིགས་༸པཎ་ཆེན་སྐུ་ཕྲེང་བཅུ་པ་མཆོག་ནི། ཛ་དྲག་ཤིན་ཏུ་ཆེ་བའི་དུས་རབས་ཉི་ཤུའི་ཆབ་སྲིད་ཀྱི་ཡོ་ལངས་ཁྲོད་དུ། གངས་ཅན་པའི་བསྟན་སྲིད་མི་རིགས་དང་བཅས་པ་གོང་འཕེལ་རྒྱུན་གནས་ཆེད། ཐུགས་སྨོན་དང་བརྩོན་ལེན་ཧུར་སྐྱེད་གནང་མཁན་ཞུམ་མེད་ཀྱི་དཔའ་བོ་ཞིག་ཡིན་པ་བསྙོན་དུ་མེད།
སྡེ་ཚན།
དཔྱད་རྩོམ།
ནང་གསེས་དབྱེ་འབྱེད།
