-
མདུན་ངོས།
-
རྩོམ་ཡིག
-
ལྷུག་རྩོམ།
- སྐྱོ་གདུང་དང་མིག་ཆུ།
Wed 13 Nov 2013
སྐྱོ་གདུང་དང་མིག་ཆུ།
འབྲི་རུ་བྱ་ལག །
ལས་དབང་ནི་ཅི་འདྲའི་གདུག་རྩུབ་དང་མནར་གཅོད་ཆེ་བ་ལ།
ངེད་ཚང་གི་ཕ་གཞིས་ཤར་གྱི་དུག་རླངས་ནག་པོས་གནམ་སར་གཏོར་ཞིང་།
ཤུལ་དུ་ལུས་པའི་དྭ་ཕྲུག་འདི་དག་གི་ལུས་སེམས་ལ་སྡུག་གི་མུན་ནག་འཁྲིགས།
སེམས་ཁོང་དུ་གྲང་འདར་དང་གྲང་རླུང་གིས་གཡོ་ཞིང་།
མཐོ་སྒང་འདིར་ཁྲག་རིས་ཀྱི་འཇའ་ཚོན་འཐེན།
བེམ་རོ་ཕ་མཁར་བརྩིགས་པའི་དུར་ས་ནས།
རླུང་ཚུབ་དང་དྲག་ཆར་གྱི་གསེབ་ནས་སྐྱོ་གདུང་གི་གྲང་འདར་ཤོར།
སྡུག་གི་མིག་ཆུས་ས་གཞི་ཐམས་ཅད་བརླན།
ཅི་འདྲའི་དཀའ་ཚེགས་ཆེ་བའི་མཐོ་སྒང་འཇིག་བརྟེན་གྱི་དམྱལ་བ།
དུར་སའི་གསེབ་ནས་ངེད་ཚང་གི་སྤུན་ཟླའི་རྣམ་ཤེས་ཀྱིས།
བམ་མཁར་འཐམ་ཞིང་སྐྱོ་གདུང་གིས་ངུ་སྒྲས་གནམ་ས་ཁེངས་དུས།
དཀོན་མཆོག་ཡོད་ན་བྱམས་དང་སྙིང་རྗེས་གཟིགས་དགོས་ལ།
ལྷ་དང་སྲུང་མ་ཡོད་ན་མཐུ་རྩལ་གཏང་དགོས།
མ་འོངས་མཁྱེན་པའི་སྔོན་ཤེས་ཡོད་ན་ལམ་སྟོན་གནང་དགོས་ལ།
སྔགས་པ་དང་མོ་པ་ཡོད་ན་གདོན་བགེགས་འཇོམས་ཡང་དགོས།
ཡིན་ན་ཡང་ངེད་ཚང་གི་སྡུག་བསྔལ་ལ་འགྱུར་བ་གཏན་ནས་མེད་པ་འདི་སུ་ཞིག་གི་ལེན་པ་རེད།
ལྷ་སྲུང་ལ་མཐུ་ནུས་མེད་པ་ཡིན་མི་སྲིད་ལ་དཀོན་མཆོག་ལ་ཉེ་རིང་ཡོད་པ་ཡང་དེ་བས་མི་སྲིད།
ཡོད་ཚད་ལས་དབང་འདིས་བྱས་པ་ཡིན།
ལས་དབང་ནི་ལྷ་སྲུང་ལས་ཀྱང་མཐུ་ནུས་ཆེ་ལ་དཀོན་མཆོག་ལས་ཀྱང་དབང་བཙན་པའི་ཤན་པ་ལག་དམར་ཞིག་ཡིན་ནམ།
སྡེ་ཚན།
ལྷུག་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
