Fri 28 Jul 2017
སེ་ར་ལ་བལྟས་པ།
ནགས་ཀྱི་ཤིང་ལོ་ནས།
ལྷོ་ཕྱོགས་མ་ལ་ཡ་ཡི་ཕང་པ་རུ།།
བརྗིད་ཆགས་ནགས་ཀླུང་འཐིབས་པའི་གྲུ་ཟུར་ནས།།
མིག་ཟུང་རྒྱང་དུ་གཏད་པའི་མཚམས་སྤྲིན་འོག །
དབྱར་ཁའི་ཐེག་ཆེན་གླིང་དེ་མཛེས་ཤིང་སྡུག །
རྫོགས་ལྡན་དབྱར་གྱི་བུ་མོའི་སྐུ་ལུས་ན།།
མ་དྲས་གཡུ་མདོག་ལྭ་བ་ཡིད་དུ་འོང་།།
འདོད་ལྡན་མཁའ་རུ་འཁྲིགས་པའི་སྤྲིན་སེབ་ནས།།
ལྷད་མེད་བརྩེ་བས་གཏམས་པའི་ཆུ་ཐིགས་འཛག།།
རང་བྱུང་འཁོར་ཡུག་མཛེས་མའི་ཞལ་རས་ལ།།
མ་བྲིས་དཀར་དམར་འདབ་མའི་ཚོན་གྱིས་རྒྱན།།
ཆགས་ལྡན་དུས་ཀྱི་གཞོན་ནུས་ཟུར་མིག་འོག །
དགོང་མོའི་ནུབ་རིའི་ཕྲག་ནས་ཕྱི་བལྟས་ཤོར།།
དབུས་ན་ཐེག་ཆེན་གླིང་དེ་ལྷུན་གྱིས་གྲུབ།།
མཁས་སྙན་བྱེས་པ་གྲྭ་ཚང་གཡས་ནས་འགྱིང་།།
ཐོས་བསམ་ནོར་གླིང་གྲྭ་ཚང་གཡོན་ནས་རོལ།།
དམ་ཚིག་གསེར་གྱི་རི་མོ་གཡུང་དྲུང་འཁྱིལ།།
དམ་ཆོས་ཆར་གྱིས་བཀྲུས་པའི་སློབ་གླིང་དེར།།
འདབ་བརྒྱ་པད་མའི་གླེགས་བམ་ཚར་དུ་དངར།།
ར་ཡིག་གཉིས་པ་མྱོས་པའི་སྐད་སྒྲ་དེས།།
ཟེའུ་འབྲུ་མལ་དུ་ཉལ་བའི་གཉིད་ལམ་དཀྲོགས།།
བལྟས་ན་མིག་ན་འཆར་བའི་ཞིང་ཁམས་ཞིག །
ཉན་ན་ལུང་རིགས་བྱེ་བའི་བང་མཛོད་ཞིག །
བསམ་ན་ཡིད་ལ་འཐིམ་པའི་དག་ཞིང་ཞིག །
ནམ་ཡང་འབྲལ་དུ་མི་འདོད་ཐེག་ཆེན་གླིང་།།
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
