Fri 14 Jul 2017
ཆར་ཆུ་ཤག་ཤག
ལམ་བཟང་པོས།
གནམ་གྱི་ཆུ་མཛོད་དེང་སང་ཨེ་ཁུང་བུག་བཞག།
ཉིན་དང་མཚན་མེད་ཆར་ཆུ་ཤག་ཤག་འབབ་ཀྱིས།།
འབྲུག་སྒྲ་ཆ་མེད་ཡ་མེད་རྫ་རྡོ་ཉིལ་ཉིལ།།
གློག་འོད་ཞེད་སྣང་ཚ་བོ་སྐར་མདའ་འཕེན་འཕེན།།
ས་ཡི་གདོང་པ་བཀྲུས་བཀྲུས་རྨ་ཤུལ་དོད་འདུག།
ཀ་ཆུ་ལུང་ཆུ་དེ་ཚོའང་འུར་གྱིས་གཤར་དུས།།
སྲང་ལམ་གཞུང་ལམ་འགའ་ཡི་ཁ་ཤ་དབྲལ་གདའ།།
ས་འབུ་གྲོག་སྦུར་རྐང་ལག་ནར་ནར་ཁུར་སོང་།།
སྦལ་པ་འགའ་ནི་ཐང་ལ་པོ་ལོ་འཕར་འཕར།།
བྱིའུ་ཆུང་སྙིང་རྗེ་འཁྱག་འདར་གཤོག་སྒྲོ་སིག་སིག།
ཆར་རླུང་ཁ་བསྡེབས་ཇག་གི་རྒོལ་བ་བཙན་པས།།
ཐང་ཤིང་སྡོང་རྒན་རྩ་བ་ཟིང་ཟིང་བསྒྱེལ་འདུག།
ཚོན་མདོག་འདྲ་མིན་ཆར་གདུགས་འཚང་ཁ་ཆེ་ཞིང་།།
ཇ་ཁང་ཟ་ཁང་སྒོར་མོ་ཐལ་ལ་འབབ་འབབ།།
སྦྱིན་བདག་དགའ་ནས་གད་མོ་སོ་ཡིས་མི་ཁོག།
ཁ་སང་བརླན་པའི་གྱོན་གོས་དེ་རིང་མ་བསྐམས།།
སྐྲ་སེར་ཡུལ་སྐོར་འགའ་ཤས་ངུ་ལ་ཁད་རེད།།
ཤེ་ཋི་སྦེའེ་ཌི་ཟེར་ནས་མ་ཎི་འདོན་འདོན།།
ཁྱིམ་དང་ལས་ཁུངས་གཉིས་ལས་འགྲོ་འདུག་ཉུང་བས།།
ངས་ནི་ཆར་པའི་ཤག་སྒྲ་རྣ་བར་ཉན་བཞིན།།
མར་ཇ་ཚ་བོའི་ཁ་རླངས་གདོང་པ་སྲོ་བཞིན།།
གནའ་དེང་རོལ་དབྱངས་སྙན་པོའི་བྲག་ཆ་འཁོར་སར།།
ཕྱི་གོས་ནང་འཇམ་སྐམ་པོ་སངས་སངས་བྱས་ནས།།
སྒེའི་ཁུང་གསེང་ནས་ཕྱི་རོལ་གློག་བརྙན་ལྟ་གིན།།
བཅུད་ལྡན་ཟས་ཀྱིས་གྲོད་པ་འབུར་འབུར་བཟོས་ཏེ།།
ཡིད་ལ་འཆར་བའི་ཡི་གེ་ཕྲེང་བར་བརྒྱུས་ཡོད།།
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
