Thu 20 Feb 2014
མཚོ་ཁའི་རེ་སྒུག
ནགས་གཡག
བསིལ་རླུང་འཇམ་པོ་ཞིག་གི་ལྡང་ཕྱོགས་དེས།།
མཚོ་མོའི་རླབས་ཕྲེང་དག་གི་རྒྱུགས་ཕྱོགས་དེས།།
འཁྱམ་པོ་ཁེར་འདུག་ཅིག་གི་སྙིང་ཁམས་ན།།
སེམས་པ་འཁྱག་པ་སྟོང་གི་རྫོང་ཞིག་བཅས།།
གནམ་མཐའི་སྤྲིན་ནག་དེ་ཚོ་འཚུབ་ཅིག་ལངས།།
སེམས་པའི་འཆར་སྒོ་དག་ཀྱང་དྲག་ཏུ་ལྡིང།།
སྡོང་རྒན་སྐམ་པོའི་ཡལ་ག་སྐྱ་ཟིང་ཟིང་།།
ཁེར་རྐྱང་འཁྱམ་པོའི་ཅོ་སྤུ་ཚ་ཟིང་ཟིང་།།
ཡར་ལ་བལྟས་ན་གནམ་ངོ་སྤྲིན་གྱིས་བསྒྲིབས།།
མར་ལ་བལྟས་ན་ས་གཞིར་མུན་པ་འཐིབས།།
གནམ་ས་གཉིས་ཀྱི་བར་ན་ཁེར་རྐྱང་བདག།
ཡ་ཆུང་སེམས་ན་སྡུག་གི་མུན་པ་རུབ།།
སེམས་པ་སྟོང་པ་དག་ནི་སྡུག་གིས་གང་།།
ཁོག་པ་སྟོང་པ་དེ་ཡང་གཟིར་གྱིས་དཀྲིགས།།
ལག་པ་སྟོང་པ་ཟུང་དེ་འཁྱགས་ནས་འདར།།
མི་ཚེ་སྟོང་པའི་རྣམ་ཐར་བདག་ལ་རིང་།།
དང་པོ་འདི་རུ་ཡོང་བའི་དབྱར་གཞུང་དེར།།
སྡོང་རྒན་འདི་ཡང་གསར་སྐྱེས་ལྗོན་པ་ཞིག།
ཐོག་མར་རེ་བའི་ས་བོན་འདེབས་པའི་དུས།།
མཚོ་ཁ་འདི་ཚོ་མེ་ཏོག་རབ་ཏུ་མཛེས།།
ད་ནི་རྒྱབ་ཀྱི་སྡོང་རྒན་འགྱེལ་ལ་ཁད།།
ད་ནི་སེམས་ཀྱི་རེ་བ་ཤི་ལ་ཁད།།
ད་ནི་མཚོ་ཁ་འདི་ཚོར་ཐལ་བ་འཚུབས།།
ད་ནི་བདག་གི་ཁ་ངོར་ཐལ་བ་ཆགས།།
སྡེ་ཚན།
སྙན་རྩོམ།
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
