Sun 03 May 2015
ཟླ་བའི་ལྷ་མོ།
ནགས་ཤོད་ཅོང་བརྡ།
དཀར་ལ་ནག་པའི་འཇིག་རྟེན་གྱི་གྲུ་ཟུར་འདི་ནས།
ངས་ཟླ་བའི་ལྷ་མོའི་སྒེག་ཉམས་རྙེད།
མཚར་སྡུག་སྟོང་ལྡན་གྱི་སྒེག་ཆོས་རེ་རེ།
མཚན་མོའི་འོད་དཀར་ཁེར་འགྲོ་དང་ཧ་ཅང་འདྲ།
ཀྱེ་ངའི་ཡིད་ཀྱི་དྭངས་མ་འཛིན་བྱེད་ཀྱི་ལྕགས་ཀྱུ་མ།
ཟླ་བའི་ལྷ་མོ།
ཁྱེད་མཐོང་བ་ནས་ཟུང་།
ང་ཅི་འདྲའི་རང་ཚུགས་མེད་པའི་ལ་ཁའི་དར་ལྕོག་ཅིག
དོན་ངོ་མར་བཤད་ན།
ངའི་གློ་སྙིང་མཆིན་གསུམ་ཡོངས་རྫོགས་ཀྱིས།
ཁྱོད་ལ་མིག་ཟུང་བགྲད་ཡོད།
ངའི་ཟུངས་ཁྲག་གིས་ཁྱོད་ལ་ངུ་བཞིན་མཆིས།
མདོར་ན་ཁྱོད་དུག་ཡིན་ཡང་ངས་མཐུང་ཐུབ་ལ།
ཁྱོད་རྒྱབ་ཕྱོགས་ཀྱི་རི་བོ་འདི་ཡིན་ནའང་ངས་འཁུར་ཐུབ།
མཐའ་ན།
ཁྱོད་ཀྱི་དོན་དུ་ཨ་མས་གནང་བའི་ཚེ་སྲོག་རྟ་རྔ་འདྲ་བ་འདི་ཡང་རིན་ཐང་ཧ་ཅང་ཆུང་།
ཟླ་བའི་ལྷ་མོ།
ངའི་འཇིག་རྟེན་དུ་ཕེབས་དང་།
ངའི་འཇིག་རྟེན་ན་ལྷ་ཡུལ་གྱི་དཔལ་ཡོན་མེད་ཀྱང་སླད་མེད་ཀྱི་བརྩེ་དུང་ཡོད།
ཟླ་བའི་ལྷ་མོ།
ངའི་འཇིག་རྟེན་དུ་ཕེབས་དང་།
ངའི་འཇིག་རྟེན་ན་བརྩེ་དུང་གི་འབབ་ཆུ་དྭངས་མ་ཡོད།
ངའི་འཇིག་རྟེན་ན་གཡོ་མེད་ཀྱི་དམ་བཅའ་ཡོད།
ངའི་འཇིག་རྟེན་ན་དུང་བའི་མཚོ་ཆེན་དང་རེ་བའི་མེ་ལྕེ་ཡོད།
ཟླ་བའི་ལྷ་མོ།
ངའི་འཁོར་ཡུག་གི་ལྟེབས་ཁུག་ན་འཚོ་བཞིན་པའི་བ་སྤུ་རེ་རེས།
ཁྱོད་ལ་རེ་སྒུག་བྱས་ཡོད།
ཟླ་བའི་ལྷ་མོ།
ཕེབས་དང་།
ངའི་འཇིག་རྟེན་དུ།
སྡེ་ཚན།
བསམ་གཞིག
ནགས་ལྷ་དྲ་མཛོད།
ཁ་བ་གངས་ཅན་པའི་རིག་གཞུང་བཟང་པོ་རྣམས་མི་ཉམས་རྒྱུན་གནས་དང་། གནས་པ་གོང་འཕེལ་གྱི་ལམ་དུ་འཇུག་པ་ལ་འཛམ་གླིང་སྤྱི་འགྲོས་ལྟར་བརྡ་འཕྲིན་གློག་རླབས་དང་འགྲོགས་ནས་མདུན་བསྐྱོད་བྱ་དགོས་པ་ནི་དུས་རབས་དང་མཐུན་པའི་ཆ་རྐྱེན་མེད་དུ་མི་རུང་བ་ཞིག་ཡིན། དེར་བརྟེན་ང་ཚོས་གནའ་དེང་ཟུང་དུ་འབྲེལ་བའི་རིག་གཞུང་གི་ཆ་ཤས་སྣ་མང་འདུས་པའི་བང་མཛོད་ལྟ་བུ་(ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད།)འདི་གཉེར་བ་ཡིན། འདིའི་ནང་དུ་དཔྱད་རྩོམ་དང་སྒྲུང་རྩོམ། སྙན་རྩོམ་དང་བསྒྱུར་རྩོམ་སོགས་རྩོམ་ལུས་མི་འདྲ་བ་དུ་མའི་སྒོ་ནས་ནང་ཆོས་དང་ཚན་རིག་སོགས་གནའ་དེང་གི་རིག་པའི་གནས་ལ་འགྲེལ་བཤད་སོགས་སྣ་མང་རྩོམ་ཡིག་དང་། གཞུང་ཆེན་ཁག་དང་བརྡ་སྤྲོད་སོགས་འཆད་ཁྲིད་ཀྱི་སྒྲ་འཇུག །གཞན་ཡང་བརྙན་དང་པར་སོགས་མང་པོ་ཞིག་བཅུག་ཟིན་ལ་ད་དུང་མུ་མཐུད་འཇུག་ཐུབ་པའི་འབད་བརྩོན་བྱེད་བཞིན་ཡོད།
གསར་ཤོས་དག : ནགས་ལྷ་དྲ་མཛོད།
དཔྱད་མཆན་འགོད་ས།
རྣམ་དཔྱོད་མཚུངས་མེད་ཀློག་པ་པོ་རྣམ་པས་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ལ་དཔྱད་མཆན་སྤེལ་བ་གུས་བསུ་ཞུ། ཡིན་ནའང་སྤྱི་སྒེར་གང་ལ་ཕན་མེད་ཀྱི་དམོད་ཚིག་སོགས་བཀག་འགོག་གི་དབང་ཚད་དྲ་རྒྱ་འཛིན་སྐྱོང་བ་་ལ་ཡོད་པས་དེ་དོན་དགོངས་དབྱིངས་སུ་མངའ་བ་མཁྱེན།
གཤམ་གྱི་རྟགས་འདི(*)ཅན་གྱི་བར་སྟོང་རྣམས་ངེས་པར་འགེང་དགོས།
