འབྲི་རུ་བྱ་ལག །

ཆུང་བྱིས་པའི་དུས་ནས་མཉམ་དུ་འགྲོགས་པའི་རྣམ་གཡེང་བཙན་པོ་དེས།

དུས་རྟག་ཏུ་བདག་སེམས་ཁ་ལོ་བསྒྱུར་ཞིང་།   ཕུགས་བསམ་དང་བྱ་གཞག་གང་ཡིན་ཐམས་ཅད་འཁུམ་དུ་བཅུག་སོང་ལ། ཐང་ཆེན་ཞིག་ན་ཡན་ལག་རྐྱོང་སྐུམ་བཞིན་ཉལ་བའི་མི་བུ་ཞིག་དང་གཉིས་སུ་མེད་པར་གཅིག་པུར་ལུས། གནོང་འགྱོད་ཞིག་དང་ལྷན་དུ་མིག་གཉིས་ཅེར་ཏེ་རྒྱང་བལྟ་བྱེད་བཞིན་སེམས་ཁོངས་སུ་གདུང་བ་ལྕི་མོ་ཞིག་གིས་མནར་།   རྣམ་གཡེང་གིས་འཁུམ་དུ་བཅུག་པའི་བདག་དང་འདྲ་བའི་མི་བུ་དག ང་ཚོ་ད་དུང་འདི་ལྟར་མི་ཚེ་སྐྱེལ་དགོས་སམ།   གཡེང་འདམ་གྱི་ཁྲོད་ནས་མགོ་བོར་གྱེན་དུ་བཏེག་སྟེ།    མཁའ་དབྱིངས་སུ་སྐྱོད་པའི་རྒོད་པོ་བཞིན།     གནས་གཅིག་མིན་པར་གླིང་ཕྲན་གཞན་ཞིག་གི་བར་སྣང་སུ།     འདི་ལྟར་འཕུར་སྐྱོད་བྱེད་དགོས་པ་མ་ཡིན་ནམ།།

ནགས་གཡག

དང་པོ།
སྔོན་ལས་སྡུག་པོ་སྣ་ཚོགས་ཤིག་གིས་མདུན་ནས་བཙན་གྱིས་འཐེན་ཏེ། འཕྲལ་རྐྱེན་ངན་པ་གྲངས་མེད་པ་ཞིག་གིས་རྒྱབ་ནས་རྦུད་རྒྱག་རྒྱབ་པའི། སྨད་འཚོང་མ་ཁྱོད། ངོ་མ་དོན་དམ་པའི་ངོ་ཚ་ཁྲེལ་ཡོད་ཅིག་ལོས་ཡིན། གཅིག་ཐར་བྱེད་པ་དེ་ཆེས་ཐབས་སྡུག་ཅིག་ཏུ་ལྟ་བའི་ཐེག་ཆེན་ཆོས་ཀྱི་སྙིང་པོ་ཡིད་ལ་བསྒོམས་ནས། ཨ་མ་དང་གཅུང་པོ་ལ་དུངས་བའི་མི་ཆོས་སྙིང་པོ་དེས་སྣེ་དྲངས་ཏེ། ཨ་ཕ་དང་མཉམ་དུ་སྐྱིད་ཟ་སྐྱིད་ཉལ་དེ་བློས་གཏོང་བྱས་ནས། ལས་ངན་པའི་ཨ་མ་དང་གཅུང་པོའི་སླད་དུ། རང་ཉིད་ཀྱིས་སྡུག་བསྔལ་དྲག་པོ་སྣ་ཚོགས་ཤིག་མྱང་རྒྱུ་དང་དུ་བླངས་པ་དེ་ནི། འཕགས་མ་ཞིག་གི་སྤྱོད་པ་ལས་ཅིའི་ཕྱིར་འདས།

ནགས་གཡག

བོད་ལྗོངས་ཆབ་མདོ་དང་ཁྱུང་པོའི་འབྲིང་རིམ་སློབ་མ་ཁ་ཤས་ལ་ཨི་ཙི་ན་ཚ་ཡོད་པ་དང་།

ད་དུང་སྦྲ་ཆེན་དང་འབྲི་རུ་རྫོང་སོགས་ལ་ཁྱབ་བཞིན་ཡོད་པའི་གནས་ཚུལ་ཞིག་མཐོང་ཐོས་བྱུང་བས་འཇིགས་སྐྲགས་ཤིག་གིས་དབུགས་འཚང་པ་དང་མཉམ་དུ་སེམས་སྡུག་ཅིག་གི་མིག་ཆུ་ཞིག་ཅིའི་ཕྱིར་མི་ལྷུང་། རྒྱུ་མཚན་ནི་ནད་ངན་དེའི་སྟོབས་ཤུགས་དང་གནོད་ཚབ་ཀྱིས་སྤྱི་ཚོགས་ཤིག་དང་མི་རིགས་ཤིག་རྩ་མེད་བཟོ་རྒྱུ་ནི་རྩ་ཉག་མ་ཞིག་གི་སྐེད་གཅད་རྒྱུ་ལས་གཞན་ཅི་ཞིག་ཡིན། དེར་བརྟེན་སྤྱི་ཚོགས་ཤིག་དང་མི་རིགས་ཤིག་གི་བདེ་སྡུག་ལ་བསམ་བློ་ཡོད་མཁན་ཞིག་ཡིན་ན། གཏམ་ངན་དེས་དངངས་སྐྲགས་མི་སྐྱེ་མཁན་སུ་ཞིག་ཡོད། ངོ་མ་བདེན་པ་རེད། གཏམ་ངན་པ་ནི་ནམ་མཁའ་ལྟར་ས་གཞི་ཡོངས་ལ་ཁྱབ་ཡོང་དུས་མིག་དང་རྣ་བ་གཉིས་ལ་རང་དབང་སུ་ཡིས་སྟེར།  ད་དུང་མི་མང་པོ་ཞིག་ལ། གནས་ཚུལ་དེའི་ཐོག་བསམ་བློ་གུ་དོགས་དང་ལྟ་སྟངས་ཐབས་སྡུག་ཅིག་ཡོད། དེ་ནི་སློབ་མ་དེ་ཚོ་ཆེས་སྤྱོད་ངན་ཞིག་དང་ཞབས་འདྲེན་ཞིག་ཡིན་པར་འདོད་བཞིན་པ་དེ་ཡིན། དོན་དངོས་ཐོག་སོ་སོའི་ལྟ་སྟངས་དེ་དང་བསམ་བློ་དེ་ཆེས་ཐབས་སྡུག་ཅིག་ཡིན་པ་ཚོར་གྱི་མེད། སྤྱིར་བཏང་འཛམ་གླིང་འདིར་ཕོ་མོའི་འཁྲིག་སྤྱོད་ནི་གསང་བ་ཞིག་དང་ངོ་ཚ་ཞིག་མིན་པར་རྒྱུན་ལྡན་གྱི་འཚོ་བའི་ཆ་ཤས་མེད་ཐབས་མེད་པ་ཞིག་ཡིན། དེ་ཙམ་དུ་མ་ཟད་ད་ལྟའི་ཆར་ལོ་ཆེ་ཆུང་གང་ཡིན་རུང་འཁྲིག་སྤྱོད་བྱེད་ཐུབ་མཁན་ཞིག་ཏུ་གྱུར་རྗེས། འཁྲིག་པ་སྤྱོད་པ་ནི་རང་གིས་རང་ལ་དབང་བའི་འཚོ་བའི་ཆ་ཤས་ཤིག་བླངས་པ་ལ། སྤྱི་ཚོགས་ཕལ་ཆེ་བར་ཡོངས་ཁྱབ་དང་ངོས་འཛིན་གསལ་པོ་ཡོད། དེར་བརྟེན་འབྲིང་རིམ་སློབ་མ་ཙམ་དུ་མ་ཟད་སློབ་ཆུང་སློབ་མ་ལ་ཡང་བྱ་བ་དེ་རིགས་ལ་འཇུག་མཁན་ནི་འཛམ་གླིང་འདིར་གྲངས་ཀ་སུ་ཡིས་ཐུབ།

ནགས་ཤོད་སྐལ་རྒྱན།    

གྱོན་པ་འདིའི་འོག་མི་ཚེ་མང་ཙམ་བསྐྱལ་ཟིན་པའི་ང་ལ་མཚོན་ན་འདི་ཉིད་རས་རྐྱང་གི་གོས་ཞིག་ཡིན་མོད་དགོས་མཁོ་ཧ་ཅང་ཆེ་བའི་འཚོ་བའི་ཡོ་བྱད་ཀྱི་གྲས་ཞིག་རེད། སངས་རྒྱས་ཀྱི་ན་བཟའ་ཞེས་པའི་གཙིགས་པོ་ཆེའི་རིན་ཐང་མ་བཞག་ཀྱང་དམན་གོས་ཐ་ཤལ་གྱི་ལྟ་སྟངས་ཤིག་ངས་ནམ་ཡང་བཟུང་མེད། དཀྱུས་མའི་གྲྭ་རྐྱང་གི་འཚོ་བའི་རྒྱུན་གོས་དམར་སེར་ཞིག་ངོས་འཛིན་བྱས་པ་ཡིན། གང་ལྟར་གོས་འདི་སྤྱི་ཚོགས་ཁྲོད་དར་ཁྱབ་ཧ་ཅང་ཆུང་ལ་རིན་ཐང་ཡང་ཆེ་རྒྱུ་མེད་པའི་དུས་སུ་བསླེབས་ཡོད། འདི་ནི་གོས་ཀྱི་རིན་ཐང་གཅིག་པུ་ཤོར་བའི་གནས་དོན་ཞིག་མ་རེད། བཞེས་མཁན་གྱི་རིན་ཐང་གུད་བཞིན་པའི་གནས་ལུགས་དང་འབྲེལ་ཡོད། གནས་སྟངས་འདིས་གང་ཟག་གི་ཚད་གཞི་ཉམས་དམས་སུ་མཚོན་སྲིད་ཀྱང་། བོད་ཀྱི་སྤྱི་ཚོགས་སུ་ཆོས་ལ་ཞེན་ལོག་ཅུང་ཙམ་སྐྱེས་པའི་རྣམ་པ་དང་འབྲེལ་བ་ཤུགས་ཆེན་ཆགས་ཡོད། དེ་དང་ཆབས་ཅིག་རབ་བྱུང་ཁ་ཅིག་གིས་ཐེ་ཚོམ་མེད་པར་ངུར་སྨྲིག་གི་གོས་འདི་འདོར་རྐྱང་བྱེད་མོད་དོན་དངོས་སུ་བསམ་ཤེས་བྱས་ཡོད་མེད་བརྗོད་དཀའ་བ་ཞིག་རེད། མ་གཞི་ཕྱི་ཚུལ་ཙམ་ལ་གལ་ཆེན་མིན་ཡང་ནང་གི་བསམ་བློའི་འགྱུར་ཤུགས་ལས་ཕྱིའི་སྤྱོད་ལམ་འགྱུར་བ་མཐོང་ཆོས་སུ་ཡོད་པས་ནང་གི་བསམ་བློའི་ཚད་གཞི་གུད་པའི་དན་རྟགས་ཤིག་ཀྱང་མངོན་པ་རེད། ཤམ་ཐབས་བགོ་བ་ལ་བསླབ་པར་གསུངས་པའི་སངས་རྒྱས་ཀྱི་གསུང་ངག་དེས་རྒྱུན་དུ་སྐུ་ཉམས་སུ་བཞེས་དགོས་པའི་བསྐུལ་མ་ཀྱང་བྱས་ཡོད། གོས་ལུགས་མི་འདྲ་བའི་སྔར་སྲོལ་འདི་དག་ཀྱང་ཆོས་ལུགས་དང་འབྲེལ་ལ་ཡུལ་སྲོལ་གོམས་གཤིས་སོགས་ལ་འབྲེལ་ཤུགས་ཆེན་པོ་ཡོད་ངེས། གང་ལྟར་ངུར་སྨྲིག་གི་གོས་འདི་རབ་བྱུང་ཚོའི་རྒྱུན་གོས་སུ་གྱུར་པས་དེང་རབས་ཀྱི་སྒྲིག་ཆས་ལྟ་བུ་མ་རེད་ལ་རྣམ་ཀུན་རྒྱུན་བཞེས་དགོས་པའི་རྒྱུ་མཚན་ལྡན་ཡོད། མདོར་ན་སེམས་ཚུལ་ནང་གི་ཡོན་ཏན་ལ་དད་པ་དཀའ་ཡང་ཕྱི་ཚུལ་སྤྱོད་པར་མ་དད་པ་འབྱུང་ཉེ་བས་གཟབ་ལུགས་གང་དྲག་རེ་གནང་རྒྱུ་ནི་རབ་བྱུང་མིང་འཛིན་པ་ཀུན་གྱི་འགན་དབང་ཞིག་ཆགས་ཡོད།

ནགས་ཤོད་སྐལ་རྒྱན། 

འདྲ་མཉམ་གྱི་ཐོབ་ཐང་རྩོད་ལེན་ནི་ཡར་ཐོན་དང་དེང་རབས་ཀྱི་རྣམ་པ་དང་།

སྤྱི་ཚོགས་ཀྱི་གནས་བབ་དང་མཐུན་པའི་དུས་རབས་ཀྱི་རིན་ཐང་རེད། སྤྱིར་དུས་རབས་འདིར་སྨྲ་བརྗོད་དང་། བསམ་བློའི་འདུ་ཤེས། ཤེས་ཡོན་ཀུན་སྤྱོད། ལས་རིགས་འཚོ་སྐྱོང་དང། ཆབ་སྲིད་བདག་དབང་སོགས་ཕོ་མོ་འདྲ་མཉམ་ཡིན་པས་རྩ་བའི་འདྲ་མཉམ་ཀྱི་རང་བཞིན་ངོ་ མ་ནི་ཀུན་ལ་སྤྱི་མཚུངས་སུ་ཐོབ་ཡོད། གོ་སྐབས་འདི་བརྒྱུད་དེང་རབས་ཀྱི་ཤེས་ཡོན་ལ་བརྩོན་ལེན་དང་། བསྐུལ་འདེད་རང་བཞིན་གྱིས་གོམ་གང་མདུན་བསྐྱོད་ཕོ་མོ་སུས་ཐུབ་ན་དོན་དངོས་ ཀྱིས་ཐོབ་ཐང་ལ་ལོངས་སྤྱོད་བྱས་པ་རེད། དེང་དུས་ཤེས་ཡོན་གྱི་སྟོབས་ཤུགས་ནི་གཟི་བརྗིད་དང་འོད་སྟོང་ལྡན་པའི་ལམ་བུ་ དང་། ཐོབ་ཐང་གི་རྒྱབ་ལྗོངས་དངོས་ཡིན་པས། ཡོད་ཚད་ཀྱི་སྟོབས་ཤུགས་དང་ཤུགས་སྣོན་དུས་རབ་ཀྱི་ཤེས་ཡོན་ལ་སྤུང་རྒྱུ་ནི་མ་ འོངས་པའི་རྩ་དོན་གྱི་ནང་སྙིང་ཡིན། ཕོ་མོ་གང་ཞིག་ཤེས་ཡོན་ཀྱི་རིན་ཐང་ལྡན་ན་ཐོབ་ཐང་གིས་འདོར་མི་སྲིད་ལ་སུ་ཞིག་ གིས་རྡོག་རྫིས་གཏོང་མི་ཐུབ། འདི་ནི་ཁྱོད་ལ་དགོས་པའི་ཐོབ་ཐང་གི་རིན་ཐང་རེད། རིན་ཐང་འདིས་ཁྱོད་ནམ་ཡང་བསླུ་མི་སྲིད་ལ་ཁྱོད་ཉིད་ཀྱི་འདུན་མ་ཡང་འདི་ལ་བཅོལ་ ཆོག ཕོ་མཆོག་མོ་དམན་གྱི་འཐབ་རྩོད་ནི་དོན་དངོས་སུ་ཐོབ་ཐང་གི་ལམ་འགག་མ་རེད་ལ་ཐོབ་ ཤོར་གང་ལ་ཡང་ཉེས་སྐྱོན་ཅི་ཡང་མེད་པས་ཁྱོད་ཀྱི་དུས་ཚོད་གྲོན་མི་ཉེན། སྤྱིར་སྐྱེ་བོ་རྣམས་མཆོག་དམན་གྱི་རྣམ་དབྱེ་མེད་པ་མིན་ལ་ཐོབ་ཐང་ཡོད་ཚད་ཀྱང་ ཁྱོད་ཀྱིས་རག་མི་སྲིད། གནས་ལུགས་འདིར་བསམ་ཤེས་ཅུང་ཙམ་ཐུབ་ན་དོན་དངོས་ཀྱི་ཐོབ་ཐང་གང་ཞིག་དང་། ཕུགས་བསམ་གྱིས་རྩོད་ལེན་ཅི་ཞིག་བྱ་དགོས་མིན་སོགས་གསལ་པོ་ཤེས་ཐུབ་རྒྱུ་རེད། རྩོད་ལེན་ལ་དགའ་བསུ་དང་རྒྱབ་ལྗོངས་ཀྱི་གནས་བབ་རྟོག་དཔྱོད་བྱེད་པར་འགལ་ འཁྲུལ་ཞིག་མིན་པས་ཐོག་མར་ལྟ་སྟངས་མ་ནོར་བ་གལ་ཆེ། འཛམ་གླིང་འདིར་ཕོ་མོའི་ཐོབ་ཐང་གི་འཐབ་རྩོད་འདི་རྣོ་ཁ་ཡུན་རིང་དར་བའི་རལ་ གྲི་ཞིག་དང་མཚུངས། དུས་རབས་ཉི་ཤུའི་སྨད་ཆར་ཆོས་ལུགས་པ་ནུབ་ཕྱོགས་པའི་བུད་མེད་ཁ་ཤས། རབ་བྱུང་ཕོ་མོར་འདྲ་མཉམ་མེད་པའི་ཚོར་ཤུགས་རྒྱས་པ་མ་ཟད། བཅོམ་ལྡན་འདས་ཀྱང་དྲང་པོ་མེད་པའི་བསམ་ཚུལ་བརྗོད་མྱོང་།

སྐྱ་རེངས།

སྙིང་ཉེ་བའི་བོད་པ་ཚང་ད་དུང་རྗེས་ལུས་དང་རྨོངས་དད་འཇོག་མི་ནུས་པའི་ལྷ་གསོལ་དང་ཀླུ་གསོལ་ལྷ་འབོད་དང་ཀླུ་འབོད་བྱས་ནས་མི་ཚེ་སྐྱེལ་མཁན་གླེན་པ་ཁྱུ་ཚོ་དང་།

དེ་བཞིན་རྣམ་དཔྱོད་བེད་སྤྱོད་འདྲ་མིན་གཏོང་མཁན་མཁས་པ་ཡིན་ཟེར་མཁན་ཁ་ཙམ་ལས་དོན་ངོ་མའི་ཐོག་ཕྱོགས་རིས་འཐེན་འཁྱེར་ཁོ་ན་ལས་མ་འདས་པ་ཚོ་དང་། དེའི་རྗེས་སུ་འགྲོ་མཁན་གསར་སྐྱེས་མི་བུ་འགའ་ཞིག་ཡང་གང་ལ་འང་བསམ་གཞིག་མི་བྱེད་པ་དང་མཐའ་ན་སྐད་ཆའི་གོ་དོན་ཕྱེད་ཙམ་ཡང་མི་ལེན་པས་ཅི་འདྲའི་ཀླད་མེད་ཅོལ་ཆུང་ཞིག་རེད། ནམ་ལངས་ནི་ས་མ་རུབ་བར་དུ་ཁ་ནི་བཤད་རྒྱུ་བོད་མི་རིགས་ཀྱི་ལ་རྒྱ་དགོས་རབ་དང་། གནའ་དེང་ཟུང་འབྲེལ་གྱི་སློབ་སྦྱོང་བྱེད་དགོས་རབ། ད་དུང་ལྷག་བསམ་རྣམ་དག་གཡོ་ཟོལ་མེད་པ་དྲང་པོ་ཡིན་མདོག །མི་རིགས་ལ་ཤ་ཚ་དང་དུང་བ་བརྩེ་སེམས་བཤད་མཁན་མང་ན་ཡང་། དོན་དངོས་ཀྱི་ལག་ལེན་བསྟར་རྒྱུ་ནི་རྩ་སའི་རྩོད་གླེང་སྤུན་ཟླ་ནང་འཁྲུག་གི་འཐབ་རྩོད་དངཆོས་སྲིད་གཉིས་བར་གྱི་འགལ་ཟླའི་རང་བཞིན་ངའི་བླ་མ་ཁོའི་བླ་མ་ངའི་དགོན་པ་ཁོའི་དགོན་པ་བཅས་ཕན་ཚུན་འགལ་འདུ་ཁོ་ན་ལས་མ་མཆིས། ད་དུང་མི་ཁག་ཅིག་གིས་བག་ཁང་འཛུགས་མཁན་བྱེད་པ་དང་ཁག་ཅིག་གིས་ཤོ་བག་རྩེ་མཁན་བྱེད།

ནགས་ཤོད་ཅོང་བརྡ།

༡༽གཏམ་རྒྱུད་དྭངས་གཙང་གསེར་ནག་བཞུས་མའི་གཙང་ཆབ་འདྲ་བའི་ཕུ་རིང་བ་དེའི་གཏིང་ཁོག་ན།

རྒོད་པོའི་མཚན་རྟགས་གནམ་ས་གཉིས་ཀྱི་ཐུ་འོག་ལ་མི་ཤོང་པའི་ཐ་སྙད་ཀྱིས་ཡོངས་སུ་བསྐངས་ཡོད་པའི་མེས་པོ་གོང་མ་རྣམས་ཀྱི་མཛད་རྗེས་དང་། སྟོབས་དང་འབྱོར་བ་མཁའ་ལ་རེག་ཅིང་དཔའ་དང་མཛངས་བས་གནམ་ས་གཡོ་མྱོང་བའི་བསིལ་ལྡན་བྷོ་ཊའི་ལྗོངས་ཀྱི་ཡབ་མེས་གོང་མ་རྣམ་པ། སུམ་གཉིས་ས་ཡི་དཀྱིལ་འཁོར་རྡོག་པའི་ཞབས་སུ་བཅུག་མྱོང་བའི་སྤུར་རྒྱལ་གྱི་བཙད་པོ་རིམ་བྱོན། གཏན་ནས་བསུབ་ཏུ་མེད་པའི་མི་རིགས་ཀྱི་དན་རྟགས་གསོན་པོ་དང་ལ་རྒྱའི་དར་ཆ་མཐོན་པོ། རང་ཉིད་ཀྱི་མགོ་བོ་རང་ཉིད་ཀྱིས་བཏེགས་ཤིང་རང་ཉིད་ཀྱི་རྒལ་ཚིགས་རང་ཉིད་ཀྱིས་སྲུང་མྱོང་བའི་བསིལ་ལྡན་དྭགས་པའི་ཞིང་མཆོག་ཡངས་མོ།

ནགས་ཤོད་ཅོང་བརྡ།                 

༡༽གནའ་བོའི་མེ་ཏོག་གསོན་པོའི་དགའ་ཚལ་ལ་སྲིད་པའི་སྦྲང་ཆར་ཟིམ་ཟིམ་འབེབ་ཅིང་ལྷད་མ་འདྲེས་བའི་ལྷ་ཡུལ་གྱི་བ་གམ་དགུ་རྩིག་ཐུ་བྷོད་བཙད་པོའི་ཐུགས་ཀྱི་དགུང་སྔོན་ནས་འཁྲུངས་བའི་སྔ་མོའི་ལེགས་བྱང་དང་གངས་ཆུ་དྭངས་མོ་བ་ཚྭའི་འོབས་སུ་མ་ལྷུང་བའི་སྔོན་གྱི་གཤིས་ལུགས་རྩེ་གྲ། རི་ཚོགས་ཀྱི་གྲིབ་སོ་དང་སྤྱང་མོའི་ངུ་ཟུག འུག་པའི་ཐན་སྐད་སོགས་ཀྱིས་བཙོག་གྲིབ་མ་འགོས་པའི་མེས་པོའི་སྙིང་ཁྲག་དྲོན་མོ། རྙིང་ཞེན་གྱི་རུལ་དྲི་དང་གསར་འདོད་ཀྱི་གཡམ་རྒྱུག་མེད་པའི་གསེར་ནག་ཞུན་མའི་ཆུ་ཀླུང་གི་གཏིང་རྩ་སྲ་མོ།

༢༽ཁྱོད་ཀྱིས་ཉམས་དམའ་ཞིང་ཉག་ཕྲ་བའི་མི་རིགས་འདིའི་སྲོག་གི་རྒྱུན་ཐག་བཟུང་ཡོད། ཁྱོད་ཀྱིས་བོད་ཟེར་བའི་མགོ་བདེ་དྲན་འཕྲུལ་མི་ཤེས་པའི་མི་ཚོགས་ཆུན་པོ་ཞིག་གི་སྲོག་རྩ་སྲུང་ཡོད། ཁྱེད་ཀྱིས་མིང་དོན་གཉིས་ལྡན་གྱི་དཔའ་བོ་ཁེར་རྒྱུགས་དང་ར་གྲི་ཁེར་གཡུག་བྱས་བྱུང་བས། ཁྱེད་ལ་འབྲོང་བྲེ་ལུའི་དཔའ་ཡ་དང་སེང་དཀར་མོའི་འཐབ་ཡ་རེད་ཅེས་ཀུན་གྱིས་བསྔགས་པའི་རླབས་སྒྲ་བས་མཐའ་ནས་གྲགས་བྱུང་ལ་བདེན་པར་མཆིས།

ནགས་ཤོད་སྐལ་རྒྱན།

མཐོ་སྒང་འདིར་བརྗིད་ཉམས་ལྡན་པའི་ནང་བསྟན་གྱི་ཁང་བཟང་ཞིག་བསླངས་ཡོད་དེ་ནི་མེས་པོའི་བླ་མཁར་དང་མ་འོངས་བོད་ཀྱི་བདེ་སྐྱིད་ཀྱི་མཁར་རྫོང་ཡང་ཡིན་ངེས།

འོན་ཀྱང་སྐྱེ་བོ་འགས་རྨང་ནས་རྩ་གཏོར་དགོས་པའི་དྲན་བསྐུལ་དང་འབད་བརྩོན་བྱེད་བཞིན་ཡོད། ནམ་ཞིག་མཁར་རྫོང་དེ་ཞིག་རལ་དུ་གཏོང་ཚེ། འཇིག་རྟེན་འདིར་སས་མི་ཐེག་པའི་གྱོང་གུད་ཅིག་ཡིན་པ་སྨོས་ཅི་དགོས། སྐད་ཡིག་འདི་འཇིག་རྟེན་འདིར་འཚོ་གནས་མ་ཐུབ་ན་ཕྱི་མའི་ཡང་སྲིད་ཅིག་རྩ་བ་ནས་འཁྲུངས་མི་སྲིད། རྒྱུ་མཚན་དེ་དག་གིས་བོད་སྤྱི་ལ་མཁོ་བའི་སྐད་ཡིག་དེ་ད་ལྟ་ནས་སྲུང་སྐྱོབ་དགོས་པའི་བསྐུལ་མ་དུས་ལ་བབ་ཡོད། བསམ་བློ་བསྐྱར་མ་ཞིག་བཏང་ན་གཞན་གྱི་སྐད་ཡིག་དང་རིག་གཞུང་ལ་ལེགས་ཆ་ཡོད་མོད། སོ་སོའི་སྐད་ཡིག་གི་ཚབ་མཚོན་ནམ་ཡང་མི་རུང་བའི་ཚུལ་ནི། རང་རྒྱལ་དུ་གྲང་ཉུང་མི་རིགས་ཀྱིས་རྒྱའི་སྐད་ཡིག་སློབ་སྦྱོང་བྱེད་རྒྱུ་དེ་ཡོངས་སུ་དགོས་ངེས་ཤིག་ཡིན་རུང་དེས་རང་གི་མི་རིགས་ཀྱི་སྐད་ཡིག་གི་ཚབ་གཏན་ནས་བྱེད་མི་རུང་ཞེས་དེང་རབས་ཀྱི་གསར་རྗེ་བ་ཕུན་དབང་གིས་བཤད་ཡོད། སྤྱི་ཚོགས་བསམ་བློ་བ་བཀྲ་ཤིས་ཚེ་རིང་གིས། གལ་ཏེ་བོད་ཡིག་འདོར་རྒྱུ་དེ་དེང་རབས་ཅན་མངོན་འགྱུར་བྱེད་པའི་རིན་དོད་དུ་རྩི་བ་དང་། བོད་ཡིག་དེང་རབས་ཅན་མངོན་འགྱུར་བྱེད་པའི་གླུད་རྫས་སུ་གྱུར་པ་ཡིན་ན་། བཏང་བའི་རིན་དོད་དེ་ཧ་ཅང་ཧ་ཅང་ཆེ་དྲགས་པ་རེད་ཅེས་སྡོམ་ཚིག་བཀོད་པ་ལྟར་ང་ཚོས་ནམ་ཡང་གཞན་གྱི་སྐད་ཡིག་དང་རིག་གཞུང་དེ་བཞིན་དངུལ་དངོས་སོགས་གང་གི་རིན་དོད་དུ་འདོར་དུ་མི་རུང་བའི་གལ་འགངས་འདི་ཤེས་དགོས་པ་ཡིན།

ནགས་ཤོད་སྐལ་རྒྱན།

རྗེ་བཙུན་བླ་མ་དམིགས་པ་མེད་པའི་ཐུགས་རྗེ་ཆེན་པོ་དང་ལྡན་པའི་ཞབས་ལ་གུས་པ་ཆེན་པོས་ཕྱག་འཚལ་ཞིང་སྐྱབས་སུ་མཆིའོ་བརྩེ་བ་ཆེན་པོས་དུས་ཐམས་ཅད་དུ་རྗེས་སུ་བཟུང་དུ་གསོལ་ལོ། །

འདིར་བདག་ཅག་གི་འདྲེན་མཆོག་དམ་པ་མཚན་བརྗོད་པར་དཀའ་བའི་དྲིན་པོ་ཆེ། གནས་ལྔ་རིག་པའི་དབང་ཕྱུག་སྐྱབས་རྗེ་ཆོས་ལྡན་རིན་པོ་རྗེ་བཙུན་བློ་བཟང་རྒྱལ་བསྟན་འཇིགས་བྲལ་དབང་ཕྱུག་མཆོག་དགོངས་པ་གཞན་དོན་དུ་གཤེགས་ནས་བགྲང་བྱ་གཅིག་འཁོར་བའི་སྐབས་འདིར་ཁོ་བོས་ལོ་སྔོན་མར་བྲིས་པའི་དད་པའི་མཆོད་སྤྲིན་ལ་འབྲུ་འགྲེལ་ཅུང་ཙམ་གྱི་སྒོ་ནས་རྗེས་དྲན་གྱི་རྣམ་དཀར་ལས་ལ་འཇུག་པར་བྱའོ།

བློ༵་གྲོས་བུམ་བཟ༵ང་འཁྱིལ་བའི་བདུད་རྩིའི་བཅུད། །
རྒྱ༵ལ་བསྟ༵ན༵་གང་གཱ་མ་ཡི་ཆུ་གཏེར་ཆེ། །
འཇིག༵ས་བྲ༵ལ་སྤོབས་པ་དགེ་བའི་ཧུབ་གཅིག་གིས། །
འདྲེན་མཛད་དབ༵ང་ཕྱུག༵་མཆོག་ལ་གསོལ་བ་འདེབས། །