རེ་རྟོག་གི་གཞུ་མོ་ལས་ཐལ་བའི་སྙིང་གཏམ་ལྕགས་ཀྱི་མདའ་མོ། །

རྩམ་ཟན་བོད་པ་ཚང་གི་བུ་ཕྲུག་རྣམས། ། སྒྲ་འཛིན་བུ་ག་ལན་གཅིག་བདག་ལ་གསོན། །
ཟོལ་སྦྱོར་ཚིག་གི་ངོ་བསྟོད་མ་ཡིན་པའི། །ལར་ཞེན་སེམས་ཀྱི་སྙིང་གཏམ་གླེང་ན་འདོད། །

འཇིག་རྟེན་ཁམས་འདིར་ངུ་ངག་དང་བཅས་ཏེ། ། ཞ་ལོང་ལྐུག་གསུམ་ཚང་བའི་ཤ་རྡོག་དེ། །
སྨྲ་ཤེས་དོན་གོ་འགྲོ་བ་མི་གྲལ་དུ། ། ཚུད་པ་འདི་ནི་དྲིན་ཅན་ཕ་མའི་དྲིན། །

སེར་ལྷོ་འབྲི་རུ་ལྷ་རམས་པ་ངག་དབང་ཐོགས་མེད།

དལ་བ་དོན་ལྡན་དུ་བྱེད་འདོད་པ་རྣམས་ཀྱི་ཚེ་གཅིག་གི་ཉམས་ལེན་གྱི་སྡོམ་ཆེན་པོ་ཞིག་ཡིན།

བློ་སྦྱོང་རྩ་ཚིག་ལས། མན་ངག་སྙིང་པོ་མདོར་བསྡུས་པ། །སྟོབས་ལྔ་དག་དང་སྦྱར་བར་བྱ། །ཞེས་གསུངས། བླ་མཆོད་ལས། ལམ་སྣ་མ་ཟིན་ཞེས་སོགས་རྐང་པ་བཞི་བྱུང་། དེ་དག་གི་དོན་སྟོབས་ལྔ་ལས། དང་པོ་འཕེན་པའི་སྟོབས་ནི། དགག་ཕྱོགས་ནས་དུས་ད་ནས་བཟུང་སྟེ་རང་གཅེས་འཛིན་དང་བདག་འཛིན་གཉིས་ཀྱི་དབང་དུ་མི་གཏོང་སྙམ་དུ་འཕེན་པ་ཡང་ཡང་གཏོང་བ་དང། སྒྲུབ་ཕྱོགས་ནས་ད་ནས་བཟུང་སྟེ་བྱང་ཆུབ་མ་ཐོབ་བར་དུའམ་ཐར་པ་མ་ཐོབ་བར་དུའམ་ཡང་ན་མ་ཤི་བར་དུ་སྐྱབས་འགྲོ་དང་ངེས་འབྱུང་བདེན་བཞི་དང་བདེན་གཉིས་སེམས་བསྐྱེད་དང་བློ་སྦྱོང་སོགས་ཉམས་ལེན་འདི་དང་མི་འབྲལ་བར་བྱའོ་སྙམ་དུ་འཕེན་པ་ཡང་ཡང་གཏོང་བ་ནི་འཕེན་པའི་སྟོབས་ཡིན། གཉིས་པ་གོམས་པའི་སྟོབས་ནི། ཉམས་ལེན་དེ་དག་གོམས་བྱེད་ཀྱི་ཡན་ལག་ཤེས་རབ་དང་ཏིང་འཛིན་ཚུལ་བཞིན་ཡིད་བྱེད་སོགས་དང་མི་འབྲལ་བར་བྱས་ནས་དམིགས་རྣམ་མི་བརྗེད་པར་ཡང་ཡང་གོམས་པ་ནི་གོམས་པའི་སྟོབས་ཡིན། གསུམ་པ་དཀར་པོ་ས་བོན་གྱི་སྟོབས་ནི། ཉམས་ལེན་དེ་དང་དེ་མ་སྐྱེས་པ་བསྐྱེད་པ་དང་སྐྱེས་པ་རྣམས་མི་ཉམས་པའི་ཆེད་དུ་ཕྱག་འཚལ་བསྐོར་སྦྱོང་སོགས་བྱེད་པ་ནི་མཐུན་རྐྱེན་ཚོགས་གསོག་པ་ ས་བོན་གྱི་སྟོབས་ཡིན། བཞི་པ་སུན་འབྱིན་པའི་སྟོབས་ནི་གཅེས་འཛིན་གཉིས་སྒོ་དུ་མ་ནས་ཉེས་པའི་འབྱུང་ཁུངས་དང་མི་འདོད་པ་ཐམས་ཅད་ཀྱི་ལེ་ལན་བདག་འཛིན་རང་ལ་འདའ་ནས་སྐྱོན་དུ་ལྟ་བ་ནི་སུན་འབྱིན་པའི་སྟོབས་ཡིན། ལྔ་པ་སྨོན་ལམ་གྱི་སྟོབས་ནི། དེ་ལྟ་བུའི་དགེ་རྩ་རྣམས་རང་གི་འདོད་བྱའི་འབྲས་བུ་དེ་མ་ཐོབ་ཀྱི་བར་དུ་མི་འབྲལ་བར་གྱུར་ཅིག་སྙམ་དུ་སྨོན་པ་དང་། དེ་ཐོབ་པས་རྒྱུར་འགྱུར་བར་ཤོག་ཅིག་སྙམ་དུ་སྨོན་པ་ནི་སྨོན་ལམ་གྱི་སྟོབས་ཡིན་ནོ།།

ནགས་ཤོད་སྐལ་རྒྱན་པས། འཕགས་ཡུལ་གྱི་དཔལ་ནཱ་ལེན་འདྲ་གཉིས་པའི་མིང་ཡིག་གིས་རབ་ཏུ་བརྗིད་པའི་གནམ་ལ་ཉི་ཟླ་སྐར་གསུམ། ས་ལ་སེར་འབྲས་དགའ་གསུམ་ཞེས་ས་གསུམ་ན་གྲགས་པའི་ཡ་གྱལ། རྗེ་བྱམས་ཆེན་ཆོས་རྗེས་ཕྱག་བཏབ་པའི་སེ་ར་ཐེག་ཆེན་གླིང་། དཔལ་མཉམ་མེད་རི་བོ་དགེ་ལྡན་པའི་གདན་ས་ཆེན་པོ་ཞིག་སྟེ། གནས་འདི་ན་ལུང་རིགས་ཀྱི་རྦ་རླབས་དྲག་ཏུ་འཕྱུར་ཞིང་། བཤད་སྒྲུབ་ཀྱི་རླབས་ཕྲེང་མཁའ་རུ་བརྩེན་པའི་བློ་གསལ་སྟོང་ཚོ་མང་དུ་འཁྱིལ་བའི་ཀླུ་དབང་དགའ་བའི་ཚལ་ཆེན་པོ། མཉམ་མེད་ཤཱཀྱ་སེང་གེའི་དཔལ་གྱི་མགུར་ནས་ཡང་ཡང་ལུང་གིས་བསྔགས་པའི་དཔལ་མགོན་འཕགས་པ་ཀླུ་སྒྲུབ་མཆོག་སྐུ་འཁྲུངས་པའི་གནས་མཆོག །ལྷོ་ཕྱོགས་དཔལ་རིའི་འདབ་རོལ། རི་མ་ལ་ཡ་ཡི་ཕང་པར་ཆགས་པའི་གདན་ས་ཆེན་པོ་སེ་ར་ཐེག་ཆེན་གླིང་། བྱིན་རླབས་ཀྱི་ཚན་ཁ་རབ་ཏུ་འབར་ཞིང་། གནས་འདི་ནས་ཐོས་སོགས་ཀྱི་ལུས་སྟོབས་ཡོངས་སུ་དར། ལྔ་རིག་གི་གཤོག་ཟུང་རིང་དུ་རྒྱས་པའི་མཁའ་ལྡིང་དབང་པོ་གྲངས་མེད་ཀྱིས། མཁྱེན་དཔྱོད་ཀྱི་གཤོག་རླབས་དགུང་དུ་བཏེགས་ཏེ། བསྟན་འགྲོའི་དོན་དུ་མཐོན་པོའི་ནམ་འཕང་གཅོད་དུས། ལྟ་སྒོམ་སྤྱོད་གསུམ་གྱི་ལྷ་ལམ་ཅི་ཡང་བདེ། མཐའ་མེད་པའི་ཤེས་བྱའི་གནས་ལུགས་གཏན་ལ་འབེབས་པའི་རྩོད་ངག་གི་སྐད་གསང་དང་། ལུང་རིགས་ཀྱི་མགྲིན་རྔ་རྒྱུན་མར་རྡུང་པའི་བློ་གསལ་ངང་མོ་འབུམ་ཕྲག་འཆད་རྩོད་རྩོམ་སོགས་མཁས་པའི་བགྱི་བ་གསུམ་གྱིས། འཕགས་བོད་ཀྱི་གཞུང་ལུགས་རྒྱ་མཚོར་ཅི་དགར་བརྩེན་དུས། གྲགས་སྙན་སྲིད་གསུམ་རྣ་བའི་རྒྱན་དུ་འཆང་བ་གྱུར།

འབྲི་སྐལ་བཟང་།   སྟོན་པ་བཅོམ་ལྡན་འདས་ལ་ཕྱག་འཚལ་ལོ།

དེ་རིང་སྟེ་བོད་ཟླ་དྲུག་པའི་ཚེས་བཞི་ནི་ཡོངས་གྲགས་སུ་སྲུང་བརྩི་ཞུ་བའི་ཆོས་འཁོར་དུས་ཆེན་གྱི་ཉིན་མོ་རེད། རང་ཅག་རྣམས་ཀྱི་སྟོན་མཆོག་བླ་ན་མེད་པ་དེས་བདེན་པ་བཞིའི་ཆོས་ཀྱི་འཁོར་ལོ་བསྐོར་བ་སོགས་འཇིག་རྟེན་གྱི་འགྲོ་བ་རྣམས་ལ་མ་ནོར་བའི་ལམ་མཆོག་དྲི་མ་མེད་པ་སྟོན་ཆེད་གང་འདུལ་གྱི་ཚུལ་དུ། ཞལ་ནས་གསུངས་པ་དང་། བྱིན་གྱིས་བརླབས་པ། རྗེས་སུ་གནང་བ། དེ་ཡང་དྲང་དོན་དང་ངེས་དོན་གྱི་སྒོ་ནས་སྐབས་དུས་དང་འཚམས་པའི་གསུང་མང་དུ་བྱོན་ཡོད། དེ་དག་གིས་འགྲོ་བ་རྣམས་ལ་ལུས་སེམས་ཀྱི་བདེ་སྐྱིད་ཁྱད་དུ་འཕགས་པ་བསྐྲུན་པ་དང་། ལྷག་པར་དུ་ཕྱི་ནང་གི་གཞུང་ལུགས་སྨྲ་བ་མང་པོ་ཞིག་ལ་རྣམ་དཔྱོད་ཀྱི་རིགས་ལམ་དང་། གསར་གཏོད་ཀྱི་རང་བཞིན་ཅན་གྱི་ཐབས་ལམ་དུ་མ་ཞིག་རྙེད་ནས་དེ་དག་གི་རྒྱུན་འཛིན་རྣམས་ཀྱིས་དར་སྤེལ་བྱས་ཏེ་གོ་ལ་འདིའི་སྟེང་དུ་ཆེས་བསྔགས་པར་འོས་པའི་ལས་འགུལ་རབ་དང་རིམ་པ་མང་པོ་བྱུང་ཡོད་པར་ངེས། སྟོན་མཆོག་དེའི་གསུང་གི་སྙིང་པོ་ནི་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་པ་ཟེར་བ་འདི་གཉིས་ཡིན་པ་ནི་མཁས་པ་རིམ་བྱོན་གྱི་ཞལ་ནས་བརྒྱུད་ཡོད། མདོར་ན་གཞན་གནོད་ཀྱི་སེམས་འདི་ཁ་བསྒྱུར་ནས་གཞན་གཅེས་འཛིན་གྱི་ཕྱོགས་སུ་བསྐྱོད་དགོས་པ་དང་། ཁོང་ཁྲོ་འདི་ཁ་བསྒྱུར་ནས་བྱམས་པའི་ཕྱོགས་སུ་བསྐྱོད་དགོས་པ་དང་། རྫུན་དང་ཕྲ་མས་མནའ་སྐྱེལ་དམ་འཇོག་བྱས་ནས་གཞན་རྣམས་མགོ་སྐོར་བཏང་བའི་བྱ་བ་དག་ཁ་བསྒྱུར་ནས་དྲང་པོའི་ལམ་ལ་བསྐྱོད་དགོས་པ། གཡོ་ཐབས་ཀྱི་ཚིག་སྣ་ཚོགས་སྨྲས་ནས་མི་དང་མིའི་བར་ལ་དཀྲུག་ཤིང་རྒྱག་ཡག་གི་ངན་སེམས་འདི་ཁ་བསྒྱུར་ནས་བཟང་པོའི་བྱ་བར་འབད་དགོས་པ། རབ་ཏུ་བྱུང་བ་རྣམས་ཀྱིས་གཡོ་ཐབས་སྣ་ཚོགས་ཀྱིས་གཞན་མགོ་བསྐོར་བ་དང་། ཁོང་ཁྲོས་གཞན་དག་ཕམ་པར་བྱས་པ་དང་། རྫུན་གྱིས་ལས་དོན་འགྲུབ་པར་བྱེད་པ་དང་། ལོག་འཚོས་དཔལ་འབྱོར་རྒྱས་པར་བྱེད་པ་སོགས་འཇོན་ཐང་དང་བྱས་རྗེས་བཟང་པོ་ཡིན་པར་འཛིན་པ་དང་སྨྲ་བ་སོགས་ཁ་བསྒྱུར་ནས་དེ་དག་མི་རུང་བ་ཡིན་པར་འཛིན་པ་དང་དེ་ལྟར་སྨྲ་བའི་བྱ་བ་ལ་བརྩོན་དགོས་པ། རང་གིས་ཉེས་པ་བྱས་པ་དག་གཡོ་འཕྲུལ་སྣ་ཚོགས་ཀྱིས་གཞན་ལ་འགེལ་བ་དང་། དེ་ལྟར་འགེལ་ས་བྱུང་ན་ཉེས་པ་གང་སྤྱོད་དགོས་ཀྱང་འཛེམ་དོག་མེད་པར་བྱེད་པ་སོགས་ལས་ལྡོག་སྟེ་རང་ཉེས་རང་གིས་འགན་འཁུར་དགོས་པ། མི་གཞན་གྱིས་སྤྱི་ཚོགས་ཐོག་ལ་ཕན་པའི་བྱ་བ་ཞིག་བརྩམས་ཚེ་དེ་ལ་ཕྲག་དོག་གིས་མ་བཟོད་ནས་དངོས་ཤུགས་བརྒྱུད་གསུམ་ནས་ངག་འཇམ་ལ་དོན་རྩུབ་པའི་མེ་ཏོག་གི་མདའ་མོ་བརྒྱབ་ནས་དོན་དེ་མི་འགྲུབ་པའི་ཆེད་དུ་འབད་པའི་བྱ་བ་རྣམས་དོར་ནས་བཟང་པོའི་བྱ་བ་ལ་མཉམ་རུབ་དང་ཆེ་མཐོང་བྱེད་དགོས་པ་སོགས་ནི་སྟོན་པའི་བསླབ་བྱ་དང་ཡོངས་སུ་མཐུན་པ་ཡིན། དེ་ལ་སོགས་པ་མང་པོ་ཞིག་བཤད་དུ་ཡོད་ཀྱང་དེང་དུས་ཀྱི་མི་ལ་འབྱུང་ཉེ་བ་འགའ་ཞིག་སྨོས་པ་ཙམ་ལས་རྒྱས་པར་ག་ལ་བཤད་ནུས། དེང་སང་སྤྱི་ཚོགས་ཀྱི་ནང་ལ་བཟོད་པ་ཅུང་ཟད་སྒོམ་མཁན་ཞིག་ཡོད་ན་དེ་ནི་འཇོན་ཐང་མེད་པའི་མི་ཞིག་ལ་རྩི་བ་དང་། གཞན་ཕན་གང་ནུས་སྒྲུབ་མཁན་ཞིག་ཡོད་ན་དེ་ནི་མི་ཕུག་མདུན་མེད་མཁན་ཞིག་ལ་རྩི་བ་དང་།

ལམ་བཟང་པོས།

རྨོངས་མུན་སྟུག་པོའི་ཁྲོད་དུ་འཐོམས་པའི་དུས།།
གསལ་བའི་ཤེས་རབ་འོད་ཀྱི་ཟེགས་མ་ཡིས།། 
མདུན་གྱི་འཕྲང་ལམ་འགག་སྒོ་སྒྲོལ་མཛད་པའི།། 
དགེ་རྒན་ཁྱེད་ཀྱི་བཀའ་དྲིན་ནམ་ཡང་དྲན།།

དཔེ་དེབ་མཐུག་ཀྱང་མགོ་མཐའ་མི་ཤེས་ཤིང་།།
ཡི་གེ་གསལ་ཡང་སྦྱོར་ཀློག་མི་ནུས་སྐབས།།
མཛུབ་མོོས་རི་སྟོན་ངལ་བ་སྤོང་བྱེད་པའི།།
དགེ་རྒན་ཁྱེད་ཀྱི་བཀའ་དྲིན་ནམ་ཡང་དྲན།།

འབྲི་སྐལ་བཟང་གིས།

སྤྱིར་མིང་དེ་དག་འདོད་རྒྱལ་གྱི་མིང་ཞིག་ཡིན་ཆོག་ཀྱང་ལོ་རྒྱུས་སྨྲ་བའི་ལུགས་སྲོལ་ལྟར་ན་མིང་དེ་ཚུལ་ཇི་ལྟར་བཏགས་པ་དང་།

དུས་ཇི་ཙམ་ལ་བཏགས་པ། རྒྱུ་མཚན་གང་གི་ཕྱིར་བཏགས་པ་སོགས་ལ་དཔྱད་པ་དང་ཉམས་ཞིབ་བྱས་ནས་འདོད་རྒྱལ་དང་རྗེས་གྲུབ་གང་ཡིན་གྱི་འགྲེལ་བཤད་བྱེད་སྲོལ་ཡོད།དེར་བརྟེན་དེ་འདྲའི་ལུགས་ཀྱི་རྗེས་སུ་འབྲངས་ནས་ཅུང་ཟད་དཔྱད་ན། དུས་ཇི་ཙམ་ལ་བཏགས་ཡོད་མིན་མི་ཤེས་ཀྱང་། འདོགས་ཚུལ་ལ་ངུ་ཆུ་དང་། རྔུལ་ཆུ་འབྲི་དགོས་པར་གསུང་མཁན་རྣམས་ཀྱིས་འགྲེལ་བཤད་གནང་སྐབས་བརྒྱ་ཁ་གཅིག་གྲག་གི་ཚུལ་དུ་ཆོས་རྒྱལ་སྲོང་བཙན་སྒམ་པོས་རྒྱ་བཟའ་ཀོང་ཇོ་གདན་འདྲེན་ཞུ་སྐབས་རྔུལ་ནག་གི་དྲི་མ་བཀྲུས་པས་རྒྱལ་མོ་རྔུལ་ཆུ་ཞེས་འབོད་པ་དང་། ཡང་རྒྱ་བཟའ་རྐྱེན་དབང་གིས་ངུས་པས་ན་རྒྱལ་མོ་ངུ་ཆུ་ཞེས་འབོད་ཟེར་གྱི་ཡོད་པ་འདྲ། དེ་དག་ལ་བསམ་གཞིག་ཇི་ཙམ་བྱས་ཀྱང་ཁས་ལེན་རུང་བའི་རྒྱུ་མཚན་ཞིག་མ་མཐོང་། ཡོངས་གྲགས་ཆུ་བོ་དེའི་མིང་ཟུར་ལ་རྒྱལ་མོ་ཞེས་གསལ་བ་དང་། འགྲེལ་བཤད་གནང་མཁན་རྣམས་ཀྱིས་ཀྱང་རྒྱལ་མོའི་རྔུལ་དྲེག་བཀྲུས་པ་དང་། རྒྱལ་མོ་ངུས་པའི་ཆུ་ཞེས་སྦྱར་ཡོད། ལོ་རྒྱུས་རྙིང་པ་རྣམས་སུ་ཞིབ་ལྟ་ཞིག་བྱེད་ན་སྐབས་དེར་རྒྱ་མོ་དང་། རྒྱ་བཟའ། ཀོང་ཇོ་ཟེར་བ་སོགས་ཀྱི་མིང་བེད་སྤྱོད་བྱས་པ་མ་གཏོགས་རྒྱལ་མོ་ཀོང་ཇོ་ཟེར་བ་ཕལ་ཆེར་ཡོད་ཚོད་མ་རེད་སྙམ། འོན་ཀྱང་རང་གིས་མ་མཐོང་བ་རྒྱུ་མཚན་དུ་བྱས་ནས་མེད་པ་སྒྲུབ་མི་ནུས་པས་ཕལ་ཆེར་ཞེས་པའི་ཚིག་གིས་ཟུར་བརྒྱན་པར་བྱ། གལ་སྲིད་སྐབས་དེར་ རྒྱལ་མོ་ཞེས་འབོད་སྲོལ་མེད་པའི་དབང་དུ་བཏང་ན་གོང་གི་འགྲེལ་བཤད་རྣམས་སུ་རྒྱ་མོའི་རྔུལ་ཆུ། རྒྱ་མོ་ངུ་ཆུ་ཟེར་ན་མ་གཏོགས་རྗེས་འཇུག་གི་ལ་ཡིག་དེ་ཡོང་དོན་མི་འདུག །འོ་ན་ཁྱོད་ཀྱིས་འདོད་པའི་དངུལ་ཆུ་ཟེར་བ་དེ་ལ་འགྲེལ་བཤད་ག་འདྲ་ཡོད་ཟེར་ན། སྤྱིར་ཆུ་བོ་གཅིག་གི་གཞུང་རྒྱུད་དེད་ན་འབབ་ཡུལ་གྱི་ཆ་ནས་མིང་འགྱུར་བ་དང་། ཆུ་བོ་གཞན་འདྲེས་མཚམས་ནས་མིང་འགྱུར་བ་སོགས་ཡོད་པ་ནི་ཡོངས་སུ་གྲགས་པ་ཡིན། སྤྱི་ལུགས་དེ་དང་མཐུན་པར་འདིར་ཡང་མདོ་ཁམས་འབྲི་ལྗོངས་ཡུལ་གྱི་སྟོད། ད་ལྟ་ཟླ་ཐང་ཡུལ་ཚོའི་ཁོངས་སུ་ཡིན་པ། དངུལ་སོ་ལུང་ཞེས་པ་དང་།

འབྲི་སྐལ་བཟང་གིས།   

ཁ་བ་གངས་རིའི་ཡུལ་ལ་མདོ་དབུས་ཁམས་གསུམ་དུ་ཕྱེ་བའི་ནང་ཚན་མདོ་ཁམས་སྟོད་ཕྱོགས། བྱང་གདང་ལའི་རི་རྒྱུད་དང་ལྷོ་ཐང་ལྷའི་རི་རྒྱུད་གཉིས་ཀྱི་བར་ལ་ནགས་ཤོད་ཅེས་པའི་ཡུལ་ལུང་དེ་ཆགས་ཡོད། འདི་ལ་འགའ་ཞིག་གིས་ནགས་ཤོད་ཅེས་པའི་ནགས་དེ་ནག་ཆུ་ཁ་ཞེས་པའི་ནག་དེ་ལ་ངོས་བཟུང་ནས་ནག་ཤོད་འབྲི་དགོས་པར་གླེང་། རྒྱུ་མཚན་ནི་ཨ་མདོ་མཚོ་ནག་ནས་འབབ་པའི་ཆུ་ལ་ནག་ཆུ་དང་།ཆུ་རྒྱུད་དེའི་སྨད་ཕྱོགས་ལ་ཡིན་པས་ནག་ཆུའི་ཤོད་ཟེར་བའི་མིང་བསྡུས་ནས་ནག་ཤོད་འབོད། ཅེས་ལབ་ཀྱི་ཡོད་ཚོད་འདུག །འགྲེལ་ཚུལ་དེ་ལ་ཞིབ་ཏུ་སོམས་དང་། བོད་ཀྱི་ཐ་སྙད་འབོད་སྲོལ་ལྟར་ན་རི་བོའི་རྩེ་ཤོད་དང་ལུང་པའི་ཕུ་མདའ་ཟེར་བ་ཡོངས་གྲགས་ཀྱི་ལབ་ཚུལ་ཞིག་ཡིན། དེ་མིན་ལུང་པའི་སྟོད་སྨད་ཟེར་ནས་འབྱེད་ཚུལ་ཡོད་པ་མ་གཏོགས་ལུང་པའི་ཕུ་ཤོད་ཟེར་བ་དང་། ལུང་པའི་སྟོད་ཤོད་ཟེར་བ་སོགས་ནི་འབོད་བདེ་བའི་ཡོངས་གྲགས་ཀྱི་ཐ་སྙད་ཅིག་མིན།འདིར་སྤྱིར་བཏང་ཤོད་ཅེས་པ་ག་འདྲ་ཞིག་ལ་ལབ་ཀྱི་ཡོད་པའི་ཚུལ་བཤད་ན་ཀློག་པ་པོ་རྣམས་ཀྱིས་གོ་དོན་རྟོགས་པ་ལ་ཁྱད་པར་ཡོད་པས་དེའི་ཚུལ་ཅུང་ཟད་བཤད་ན། གོང་མ་ལ་སྟེང་དང་འོག་མ་ལ་ཤོད་འབོད་པ་ཁང་པའི་སྟེང་ཤོད་ལྟ་བུ་དང་། རི་བོའི་མཐོ་ས་ལ་རྩེ་དང་དམའ་ས་ལ་ཤོད་འབོད་པ་རི་བོའི་རྩེ་ཤོད་ལྟ་བུ་དང་། རི་བོའི་སྒང་དང་མཐོ་ས་ལ་འབྲི་གཡག་ར་ལུག་སོགས་འཚོ་སྐྱོང་བྱེད་མཁན་ལ་འབྲོག་དང་དམའ་ས་ཆུ་མཚམས་ལ་ཞིང་ལས་བྱས་ནས་སྡོད་མཁན་ཡུལ་པ་གཉིས་ལ་འབྲོག་ཤོད་ཅེས་འབོད་སྲོལ་ཡོད། མིང་གི་སྐབས་རི་བོའི་སྨད་མཚམས་ལ་རི་ཤོད། ལུང་པ་ཁ་ཡངས་ཤིང་ས་བབས་དམའ་བ་ལ་ཀླུང་ཤོད། ཁང་པ་ཐོག་བརྩེགས་ཅན་གྱི་འོག་མ་ལ་ཤོད་ཁང་ཞེས་འབོད། འདིར་ནགས་ཤོད་ཅེས་པ་ནི་ལུང་པ་ཁ་ཡངས་ཤིང་ས་བབས་དམའ་བའི་ཆ་ནས་ཀླུང་ཤོད་འབོད་ཀྱི་ཡོད། དེ་ཡང་ནགས་ལྷ་ཛམ་བྷའི་བསང་ཡིག་ལས། ནགས་ཀྱི་ཀླུང་ཤོད་མཛེས་པའི་ཡུལ་གྲུ་འདིར།།

འབྲི་སྐལ་བཟང་།  རྒྱལ་མོ་དངུལ་ཆུ་ཞེས་འབོད་པའི

མིང་ཟུར་གྱི་རྒྱལ་མོ་དེ་ག་འདྲ་བྱས་ནས་འབོད་སྲོལ་དར་བ་ཡིན་ཞེ་ན། མདོ་ཁམས་ཆུ་བཞིའི་ནང་ཚན་དངུལ་ཆུ་ཁམས་པ་ལ་རྒྱལ་མོ་དངུལ་ཆུ་འབོད་དོན་ནི་མིང་འདྲ་བའི་ཆུ་བོ་གཞན་གྱི་མིང་ཟླ་འདིར་ཡོང་བ་ཞིག་མིན་ནམ་སྙམ། གང་ཡིན་ཞེ་ན་རྒྱལ་རོང་རྒྱལ་ཁབ་བཅོ་བརྒྱད་ནས་འབབས་པའི་རྒྱལ་མོ་རྔུལ་ཆུ་ཞེས་པའི་ཆུ་ཆེན་ཞིག་ཡོད། ཆུ་བོ་དེའི་མིང་གི་སྐོར་འཆད་སྐབས་ལྷ་མཆོག་རྒྱལ་མོ་དམུ་རྡོ་ཚ་བས་གདུང་ནས་རྔུལ་ཆུ་དོན་པ་ཡིན་པས་རྒྱལ་མོ་དངུལ་ཆུ་འབོད་པར་བཤད། ཆུ་བོ་དེ་དང་འདི་གཉིས་ཀྱི་མིང་རྔུལ་ཆུ་དང་དངུལ་ཆུ་གཉིས་ངག་ནས་བརྗོད་སྐབས་སྒྲ་ཕལ་ཆེར་འདྲ་བས་སྔོན་མའི་མིང་ཟླ་དེ་ཤུགས་མ་ཐུབ་པའི་ཚུལ་གྱིས་འབོད་སྲོལ་དར་བ་ཞིག་མིན་ནམ་སྙམ། དཔེར་ན། ཨ་ཁུ་སྟོན་པ་ཞེས་པའི་མིང་ཡོངས་གྲགས་ལ་སོང་བས་སྟོན་པ་ཞེས་པའི་མིང་ཅན་གྱི་རྒས་པོ་གཞན་ལ་ཡང་ཨ་ཁུ་ཞེས་པའི་མིང་ཤུགས་མ་ཐུབ་པའི་ཚུལ་གྱིས་ཡོང་ནས་ཨ་ཁུ་སྟོན་པ་ཞེས་འབོད་པ་བཞིན། འདི་དག་ནི་རང་གི་བསམ་ཚུལ་ཞིག་དཔྱད་གཞིའི་ཚུལ་དུ་ཕུལ་བ་ཡིན་པ་ལས་འདི་ལྟར་ཡིན་ཞེས་ཐག་བཅད་ནས་བཤད་པ་མིན།

བོད་ཀྱི་སྲོལ་རྒྱུན་ལོ་གསར་དང་། བེའུ་ལུག་ལོ་གསར། སོ་ནམ་ལོ་གསར་སོགས་ཀྱི་བྱུང་རིམ་ལ་དཔྱད་པ།

འབྲི་རུ་བ་ལྷ་རམས་དགེ་བཤེས་ངག་དབང་བསྟན་པ།   དང་པོར་རྒྱལ་པོ་གཉའ་ཁྲིའི་སྐབས་སུ་བོད་ས་ཡོངས་ལ་གཅིག་གྱུར་གྱི་ལོ་གསར་དགའ་སྟོན་བྱེད་སྲོལ་མེད་པ་འདྲ།

ཡང་ན་ཡིག་ཐོག་ལ་མ་འཁོད་པས་དེང་སང་ཤོད་ཁག་པོ་ཆགས་ཡོད། སྤྱིའི་ཆ་ནས་ཆོས་ཕྱོགས་བླ་མའི་རྣམ་ཐར་འགའ་ཤས་མ་གཏོགས་པར་བོད་ལ་ལོ་རྒྱུས་སྐྱོ་བོ་རེད། བླ་མའི་རྣམ་ཐར་དེ་ཡང་དག་སྣང་གི་བསླབ་བྱའི་ཤུགས་རྐྱེན་ལ་བརྟེན་ནས་རྣམ་ཐར་མང་ཤོས་སྒྲོ་འདོགས་རེད། རྣམ་ཐར་ཡག་ཤོས་སོ་སོ་རང་གིས་བྲིས་པའི་རང་རྣམ་ཞེས་པ་དེ་ཡིན། དེ་ནི་ཁེངས་སྐྱུང་ཞེས་པའི་བསླབ་བྱའི་ཤུགས་རྐྱེན་ལ་བརྟེན་ནས་སྒྲོ་འདོགས་ཧ་ཅང་ཉུང་ཉུང་རེད། གཅིག་བྱས་ན་བོད་རྒྱལ་ཁབ་ཀྱིས་དམངས་ཁྲོད་དུ་ཡིག་རྨོངས་སེལ་མ་ཐུབ་པས་ལོ་རྒྱུས་འབྲི་མཁན་མ་བྱུང་པ་འདྲ། ཡིན་ཡང་དུས་རབས་བཅུ་དགུ་ཡན་མན་ནང་དུ་རྒྱ་ནག་སོགས་རྒྱལ་ཁབ་གཞན་ལ་ཡང་དམངས་ཁྲོད་དུ་ཡིག་རྨོངས་ཤུགས་ཆེན་པོ་རེད། དེ་ཡིན་པ་ད་ལྟར་རྒྱ་ནག་སོགས་ཀྱི་ལོ་རྒྱུས་ལྟད་མོ་ཁག་ལས་གསལ་བཤད་ཐོན་ཐུབ། གཙོ་བོ་རྒྱ་ནག་སོགས་ནི་ཡི་གེ་ཤེས་མཁན་ཚོས་ཉིན་ལྟར་སོ་སོའི་ཉིན་ཐོ་འབྲི་བ་དང་། བོད་པ་ཡི་གེ་ཤེས་མཁན་ཚོས་ཚེ་གང་སོ་སོའི་ཉིན་ཐོ་ཐེངས་གཅིག་མ་བྲིས་པས་ཁྱད་པར་འདི་བྱུང་བ་རེད། དེ་བས་བོད་པ་ཚོས་ཉིན་ཐོ་ནི་ལོ་རྒྱུས་ཀྱི་ས་བོན་ཡིན་པས་མ་འོངས་པར་གཟབ་གཟབ་བྱོས།
སྐབས་བབ་ཀྱི་གླེང་བྱ།

ནགས་ཤོད་ཅོང་བརྡ།

དཀར་ལ་ནག་པའི་འཇིག་རྟེན་གྱི་གྲུ་ཟུར་འདི་ནས།

ངས་ཟླ་བའི་ལྷ་མོའི་སྒེག་ཉམས་རྙེད།
མཚར་སྡུག་སྟོང་ལྡན་གྱི་སྒེག་ཆོས་རེ་རེ།
མཚན་མོའི་འོད་དཀར་ཁེར་འགྲོ་དང་ཧ་ཅང་འདྲ།
ཀྱེ་ངའི་ཡིད་ཀྱི་དྭངས་མ་འཛིན་བྱེད་ཀྱི་ལྕགས་ཀྱུ་མ།

ཟླ་བའི་ལྷ་མོ།

ཁྱེད་མཐོང་བ་ནས་ཟུང་།
ང་ཅི་འདྲའི་རང་ཚུགས་མེད་པའི་ལ་ཁའི་དར་ལྕོག་ཅིག
དོན་ངོ་མར་བཤད་ན།
ངའི་གློ་སྙིང་མཆིན་གསུམ་ཡོངས་རྫོགས་ཀྱིས།