༢༠༡༣ ལོའི་སྙན་རྩོམ་འགྲན་བསྡུར་སྐབས་ཀྱི་རྩོམ་ཡིག

བསྟན་འཛིན་སྐལ་ལྡན།

རྩེ་གསུམ་གངས་དཀར་རི་བོ་གདན་ལ་བཞུགས།།
སྐེད་གསུམ་སྤང་ལྗོངས་མེ་ཏོག་གོས་ཀྱིས་བརྒྱན།།
མདའ་གསུམ་གཡུ་མདོག་ལྗོན་པའི་ཤམ་ལྭ་གྱོན།།
མཛེས་ལྗོངས་ལྷ་ཡུལ་འགྲན་པའི་གནས་མཆོག་འདིར།།

རིག་གཞུང་ལྗོན་པ་ཞེས་པའི་ལྷ་མོ་ཞིག།
འདོད་པའི་དཀྱིལ་ནས་གོམ་སྟབས་སྒྱུར་བཞིན་ཡོང་།།
ཉེར་གཅིག་རི་བོ་བརྒལ་ཏེ་འགྲོ་ལ་རྩོམ།།
མཛེས་སྡུག་ལྡན་པའི་གཞུང་ལུགས་དགའ་མ་དེ།།

༢༠༡༣ལོའི་སྙན་རྩོམ་འགྲན་བསྡུར་སྐབས་ཀྱི་རྩོམ་ཡིག

སྐལ་བཟང་ཚེ་སྒྲོན།

གཅིག
དུས་རབས་གསར་བའི་ཁ་བའི་གཞོན་ནུ་ཚོ།།
འུ་ཅག་ཨ་མའི་མངལ་ནས་སྐྱེས་པ་ནས།།
གྲངས་ཉུང་མི་རིགས་འདི་ཡི་ཁོངས་སུ་གཏོགས།།
དེ་ལྟར་འུ་ཚོ་མེས་པོའི་ཤུལ་འཛིན་ཡིན།།

གཉིས།
དུས་འགྱུར་ནག་པོས་གངས་རིའི་རང་མདངས་འགྱུར།།
ཀླ་ཀློ་དམར་པོས་མུན་པའི་ནགས་ཁྲོད་དུ།།
གཡོ་རྫུན་ངན་པའི་འཁྲབ་སྟོན་ཐེངས་ཤིག་གིས།།
མགོ་ནག་ཚང་གི་རང་བཙན་གཞན་འོག་ཤོར།།