༡༩༩༠ ལོར་འབྲི་རུ་རྫོང་དམུ་ཁྱིམ་གྲོང་དུ་སྐྱེས། ཕ་མའི་མདུན་ནས་བོད་ཡིག་སྦྱོར་ཀློག་སྦྱངས། ཨ་མའི་བཀའ་དྲིན་ལ་བརྟེན་ནས་གླིང་སྒྲུང་གི་བྲོ་བ་མྱངས་ཤིང་། ཨ་པའི་བཀའ་དྲིན་ལ་བརྟེན་ནས་རྒྱལ་བའི་བཀའ་འགྱུར་རིན་པོ་ཆེའི་དོན་ཟབ་མོ་ཡིད་ལ་བསམ་མ་ཐུབ་ཀྱང་ཚིག་འབྲུ་ཟབ་མོ་ངག་ནས་གང་འཚམས་བཏོན།
༢༠༠༤ ལོར་འབྲོང་སྣ་དགོན་དུ་ཆོས་ཞུགས་བྱས། བོད་ཀྱི་བརྡ་སྤྲོད་རིག་པར་བག་ཆགས་ཅུང་ཟད་བཞག
༢༠༠༦ ལོར་སེེར་བྱེས་འབྲིང་རིམ་སློབ་གྲྭར་ཞུགས། སློབ་གྲྭའི་དུས་དེབ་ཀྱི་རྩོམ་སྒྲིག་པའི་ལས་ཀ་བྱས། སློབ་གྲྭའི་ནང་ལྷག་དཀར་སྲུང་བརྩིའི་ལས་འགུལ་སྣེ་ཁྲིད་པ་བྱས་ནས་བོད་ཀྱི་སྐད་ཡིག་ལ་སྨན་པའི་ལས་དོན་ཅུང་ཟད་བསྒྲུབས།
༢༠༡༣ ལོར་འཛིན་རིམ་བཅུ་པ་ཐོན། རྒྱལ་ཡོངས་འཛིན་རིམ་བཅུ་པའི་རྒྱུགས་སྤྲོད་ཀྱི་བོད་ཡིག་རྒྱུགས་འབྲས་ལ་ཤེས་རིག་བྱ་དགའ་ཐོབ། སྐབས་དེའི་སེར་བྱེས་སློབ་གྲྭའི་འཛིན་རིམ་བཅུ་པའི་རྒྱུགས་འབྲས་ཁྲོད་རྩེ་ཕུད་ཨང་དང་པོའི་བྱ་དགའ་ཐོབ།

༢༠༡༣ སེར་བྱེས་མཁས་སྙན་གྲྭ་ཚང་ལ་ནང་དོན་རིག་པ་སློབ་གཉེར་བྱེད་འགོ་བཙུགས་ཏེ། ད་ལྟ་དབུ་མ་ལོ་རིམ་དང་པོ་ཡིན། སློབ་ཞོར་དུ་དུས་དེབ་འགའ་རེའི་ཞུ་དག་ཞབས་ཞུ་བསྒྲུབས།
༢༠༡༥ ལོར་སེར་བྱེས་མཁས་སྙན་གྲྭ་ཚང་གི་དགེ་འདུན་འདུས་པ་རྒྱ་མཚོའི་དབུས་སུ་རིགས་ཆུང་ཚོགས་ལངས་བྱེད་པའི་སྐལ་བཟང་གོ་སྐབས་ཐོབ།
༢༠༡༧ ལོར་ཨིག་ནོའུ་ཤེས་ཡོན་བསྟི་གནས་ཁང་ (IGNOU) ནས་མཚན་ཉིད་རིག་པ་གདམས་ཏེ་ད་ལྟ་ཉེ་བའི་གཙུག་ལག་རབ་འབྱམས་པའི་ལོ་རིམ་གཉིས་པ་ཡིན། ནང་དོན་རིག་པ་སློབ་གཉེར་བྱེད་ཞོར་ལྟ་གྲུབ་དང་ཆོས་ལུགས་གཞན་དག་ལ་སློབ་སྦྱོང་བྱེད་བཞིན་ཡོད།
༢༠༡༨ ལོར་སེར་བྱེས་དབྱིན་སྒྱུར་སྡེ་ཚན་གྱི་ལོ་ངོ་གསུམ་གྱི་དབྱིན་སྒྱུར་སྦྱོང་བརྡར་མཐར་ཕྱིན་ཏེ། ད་ལྟ་དབྱིན་སྒྱུར་སྡེ་ཚན་གྱི་རྩོམ་སྒྲིག་པའི་ལས་དོན་སྒྲུབ་མུས་ཡིན། རིག་གནས་ནང་འདྲེན་ལ་གཙོ་བོར་དམིགས་ནས་སྐད་སྒྱུར་ལས་རིམ་ལ་ཞུགས་པ་ཡིན།
༢༠༢༠ ལོར་རང་ཡུལ་གཅིག་པ་ཚོས་ནགས་ལྷ་རྩོམ་སྒྲིག་ཁང་གི་རྩོམ་སྒྲིག་པར་གདམས་པ་བཞིན་ལས་འཁུར་ཞུ་མུས་བཅས།
ལེ་ལོའི་གཡེང་བའི་དབང་དུ་མ་སོང་ཞིང་། །
བདུད་ཀྱི་མཐུ་སྟོབས་ལུས་ལ་མ་ཕོག་པར། །
ཐོས་བསམ་སྒོམ་པའི་བྱ་བ་རྣམ་གསུམ་ལ། །
ཉིན་མཚན་ཀུན་ཏུ་དབྱེེར་མེད་འཇུག་གྱུར་ཅིག །