-
མདུན་ངོས།
-
དྲ་རྒྱ་དང་འབྲེལ་བ།
- རྩོམ་སྒྲིག་པ་ཟུར་པ།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 2000
འབྲི་རུ་སྐལ་བཟང་རྒྱལ་མཚན། སྐྱེ་ཡུལ། ནགས་གཡུ་ལོ་བཀོད་རྒན་མོ་གསེར་ཁུར་གྱི་ས་ཆ་ཞེས་ཡོངས་སུ་གྲགས་པ། ནགས་ཤོད་འབྲི་རུ་གཡུ་གོང་གྲོང་དུ། རུས་མིང་འབྲི་ཚང་ (འབི་ཚང་) བྱ་བའི་ཁྱིམ་རྒྱུད་དུ་ཕ་དགེ་ལེགས་རྒྱལ་མཚན་དང༌། མ་སྒྲོལ་གར་དཔའ་སྒྲོན་གཉིས་ཀྱི་བུ་རུ་ ༡༩༦༩ ལོར་སྐྱེས། ཆུང་དུས་ནས་བོད་ཡིག་འབྲི་ཀློག་སོགས་ལ་སྦྱངས། ༡༩༨༥ ལོར་སྦུས་མདའ་རྣམ་རྒྱལ་དཔལ་འབར་གླིང་དུ་ཆོས་ཞུགས་བྱས་ཏེ་འདོན་ཆོས་བློ་འཛིན་དང༌། ཡི་དམ་ལྷ་ཡི་གར་འཆམ། གཞན་ཡང་དག་གསུམ་སོགས་ལ་སྦྱངས་བརྩོན་བྱས། པིར་ཐོགས་མཁས་དབང་རྒན་བསམ་རྡོར་དང༌། ཐུབ་བསྟན་ཚེ་དབང༌། བསྟན་འཛིན་ཟླ་བ་བཅས་ཀྱི་དྲུང་ནས་ལྷ་ཡི་བྲིས་སྐུ་དང་འབུར་བཟོ། རྒྱུད་སྡེ་གོང་འོག་གི་དཀྱིལ་འཁོར་ཐིག་རྩ་བཅས་ལ་ཞིབ་ཏུ་སྦྱངས།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 1115
དཀོན་མཆོག་སྐྱབས། སྤྱི་ལོ་༡༩༧༦ལོར་ནགས་ཤོད་འབྲི་རུ་དབུ་ཐང་གྲོང་དུ་སྐྱེས། ཆུང་དུས་ནས་ཡུལ་མིའི་ཕྲུ་གུ་གཅིག་མཚུངས་བཞིན་ཞིང་འབྲོག་གི་བྱ་ལས་མི་ཉུང་བ་གཉེར། ༡༩༨༩ཙམ་ནས་ཁོ་བོའི་ཨ་ཁུའི་གམ་ནས་བོད་ཡིག་འབྲི་ཀློག་དུས་ཡུན་ལོ་གསུམ་རིང་སྦྱངས། ༡༩༩༣ལོར་རྒྱ་གར་འཕགས་པའི་ཡུལ་དུ་འབྱོར། ཤེས་རབ་དགའ་ཚལ་སློབ་གླིང་དུ་ལོ་གཉིས་རིང་སློབ་སྦྱོང་གི་གོ་སྐབས་ཐོབ། གཞན་ཡང་མ་ན་ལི་དང་པུ་ན་སོགས་སུ་ཀམ་པུཊར་གཙོས་པའི་རྩིས་དང་ཨིན་ཡིག་བཅས་ལ་ལོ་གཉིས་ལྷག་ཙམ་ལ་སློབ་སྦྱོང་བྱས། ༡༩༩༨ནས་ནོར་གླིང་བོད་ཀྱི་རིང་གཞུང་གཅེས་སྐྱོང་ཁང་དུ་ལས་འཁུར་ཞུ་མུས་ཡིན་པ་དང་། སྤྱི་ལོ་༢༠༠༩ནས་ད་བར་ནགས་ལྷ་གནའ་དེང་ཟུང་གི་རིག་གཞུང་འཛིན་སྐྱོང་དྲ་མཛོད་ཀྱི་དྲ་རྒྱ་འཛིན་སྐྱོང་བའི་ལས་ཀ་བྱེད་བཞིན་པ་བཅས་ཀྱི་ལོ་རྒྱུས་སྙིང་བསྡུས་སུ།
