-
མདུན་ངོས།
-
དྲ་རྒྱ་དང་འབྲེལ་བ།
- རྩོམ་སྒྲིག་པ་ཟུར་པ།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 1548
སེར་ལྷོ་སྐལ་བཟང་རྒྱ་མཚོ་འམ་ནགས་ཧ་ཧ་སྐལ་བཟང་ནི་སྤྱི་ལོ ༡༩༨༢ ལོ་མདོ་ཁམས་ནགས་ཤོད་འབྲི་རུ་བྱེ་མ་གྲོང་ངམ་བཀྲིས་དར་ལུང་གྲོང་དུ་ཕ་བསོད་ནམ་རྒྱལ་མཚན་དང༌། མ་སྲི་ཆོད་སྒྲོལ་མ་གཉིས་ཀྱི་བུ་རུ་སྐྱེས།
ཆུང་དུས་ནས་བོད་ཡིག་འབྲི་ཀློག་སོགས་ལ་སྦྱངས་པ་དང༌། ༡༩༩༡ ལོར་ཞང་ཞུང་བ་ཆོས་དབང་གྲགས་པའི་གདན་ས་བཀྲ་ཤིས་རི་བོ་ཀུན་དགའ་ཆོས་གླིང་དགོན་དུ་ཆོས་ཞུགས་བྱས་ནས་དགོན་དེའི་འདོན་ཆོག་བློ་འཛིན་སོགས་བྱས། ༡༩༩༨ སེམས་མཐུན་གྱི་གྲོགས་པོ་འགའ་ཞིག་དང་ལྷན་དུ་ྋགོང་ས་མཆོག་ཞལ་མཇལ་ཆེད་འཕགས་ཡུལ་དུ་ཡོང་བ་དང༌། ལོ་དེ་ནས་བཟུང་ྋགོང་ས་སྐྱབས་མགོན་ཆེན་པོ་མཆོག་དང་སྐྱབས་རྗེ་ཆོས་ལྡན་རིན་པོ་ཆེ་མཆོག་ལ་སོགས་པ་ལས་དབང་ལུང་མན་ངག་གྲངས་ལས་འདས་པ་ཐོབ་པའི་སྐལ་བཟང་བྱུང༌། ༡༩༩༨ལོར་སེར་བྱེས་མཁས་སྙན་གྲྭ་ཚང་དུ་ཆོས་ཞུགས་བྱས་ནས། སྐྱབས་རྗེ་ཆོས་ལྡན་རིན་པོ་ཆེ་མཆོག་དང་དགེ་བའི་བཤེས་གཉེན་རྒན་བྱམས་པ་དགེ་ལེགས་མཆོག་དང༌། དགེ་བའི་བཤེས་གཉེན་རྒན་བློ་བཟང་འབྲུག་གྲགས་ལ་སོགས་པའི་་བཀའ་དྲིན་ལས་ནང་ཆོས་ཀྱི་གཞུང་ཆེན་ཁག་ལ་ལོ་མང་་ཐོས་བསམ་བྱས་འབྲས་སུ། ༢༠༠༧ ལོར་ཕར་ཕྱིན་རབ་འབྱམས་དང༌། ༢༠༡༡ ལོར་དབུ་མ་རབ་འབྱམས་པ་བཅས་ཀྱི་ལག་ཁྱེར་ཐོབ་པ་དང༌། དེ་ནས་དམ་ཆོས་འདུལ་བའི་གཞུང་ལ་ལོ་གསུམ་རིང་ཐོས་བསམ་བྱས། ད་སྐབས་མངོན་པ་མཛོད་ཀྱི་གཞུང་ལ་ཐོས་བསམ་བྱེད་མུས་དང༌།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 1514
རྩོམ་སྒྲིག་པ་ཟུར་པ། སེར་ལྷོ་ངག་དབང་བསྟན་པ་ནི། སྤྱི་ལོ་ ༡༩༦༩ ལོར་ནགས་ཤོད་འབྲི་རུ་ཐ་འགོ་གྲོང་དུ་སྐྱེས། ཅུང་ཟད་ནར་ སོན་པ་ན་བོད་ཀྱི་སྐད་ཡིག་བརྡ་དག་སོགས་ལ་སྦྱངས། རང་ལོ་བཅུ་དྲུག་ནས་ལྟར་མོས་ཆོས་འཁོར་གླིང་གི་ ཆོས་སྒོར་ཞུགས། མཁན་པོ་ངག་དབང་དོན་ཡོད་སར་ནས་རབ་ཏུ་བྱུང༌། གསང་བདེ་འཇིགས་གསུམ་ཀུན་རིག་
སོགས་ཀྱིས་གཙོས་འདོན་ཆ་ལག་དང་བཅས་པ་ལ་སྦྱངས།༡༩༨༩ ལོར་སྐྱབས་མཆོག་ཁྱུང་སྤྲུལ་རིན་པོ་ཆེ་སྐལ་ བཟང་བསྟན་འཛིན་མཆོག་གི་དྲུང་ནས་བསྙེན་རྫོགས་ཀྱི་སྡོམ་པ་བླངས། ༡༩༩༢ ༧གོང་ས་མཆོག་མཇལ་ཆེད་ འཕགས་ཡུལ་དུ་འབྱོར། སེར་བྱེས་མཁས་སྙན་གྲྭ་ཚང་གི་ཆོས་སྒོར་ཞུགས་ནས་ལོ༡༨གཞུང་ཆེན་ཁག་ལ་ཐོས་ བསམ་བྱས་ནས་ད་ལྟ་དགེ་ལུགས་རྒྱུགས་སྤྲོད་ལ་འགྲོ་བཞིན་པ་དང༌། ནགས་ལྷའི་སྒྲོན་མེ་ཞེས་པའི་དུས་དེབ་ཀྱི་རྩོམ་སྒྲིག་པ་ཕྱི་ལོ་༢༠༠༩ནས་༡༡བར་ལོ་གསུམ་གྱི་རིང་བྱས་ཡོད། ལོ་གསུམ་གྱི་དུས་ཡུན་རིང་དུས་དེ་འདོན་སྤེལ་བྱས་པ་མ་ཟད་ནགས་ལྷ་གནའ་དེང་ཟུང་གི་རིག་གཞུང་དྲ་མཛོད་གསར་བཟོ་བྱས་པ་དང༌། དྲ་རྒྱའི་ས་ཆ་བཅས་ཉོ་སྒྲུབ་བྱས་ཡོད།
