-
མདུན་ངོས།
-
དྲ་རྒྱ་དང་འབྲེལ་བ།
- རྩོམ་སྒྲིག་པ་ཟུར་པ།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 2482
ངོ་སྤྲོད་མདོར་བསྡུས།
ཕྲན་དངོས་མིང་བློ་བཟང་བསམ་གཏན་དང་སྙུག་མིང་གངས་ཆབ་བསིལ་མ་ཞེས་འབོད་ཀྱི་ཡོད།
ཕྱོ་ལོ་༡༩༩༡ ལོར་མདོ་ཁམས་ནགས་ཤོད་འབྲི་རུ་རྫོང་ཀླུ་རྒྱལ་ཝ་རུ་ཎ་ཞེས་པའི་གྲོང་སྡེ་རུ་ཕ་བཀྲ་ཤིས་བསྟན་འཕེལ་དང་མ་ཚེ་རིང་སྒྲོལ་མ་གཉིས་ཀྱི་བུ་མོར་སྐྱེས་ཤིང་། ཆུང་དུས་ཞིང་འབྲོག་གཉིས་ཀྱི་འཚོ་གནས་དང་ཁ་མ་བྲལ་སྟབས། སློབ་གྲྭར་འགྲོ་རྒྱུའི་གོ་སྐབས་མ་ཐོབ། ཕྱི་ལོ་༢༠༠༦ ལོར་སྒྲུབ་སྡེ་དགོན་དགེ་ལྡན་ལུགས་བཟང་ཀུན་འཕེལ་གླིང་ལ་རྗེ་བླ་མ་སྐལ་བཟང་བསླབ་གསུམ་གྱི་སྐུ་མདུན་དུ་སྐྲ་ཕུད་ཕུལ། རྗེས་སུ་བོད་ནང་ཆོས་དད་རང་དབང་མེད་པའི་དབང་གིས་བཙན་བྱོལ་དུ་ཡོང་།
- Details
- སྡེ་ཚན། རྩོམ་སྒྲིག་པ་ཟུར་པ།
- ཀློག་གྲངས། 129
ནགས་ལྷ་རྩོམ་སྒྲིག་ཁང་གི་འགན་འཛིན་ཟུར་པ་ནགས་ཤོད་སྐལ་རྒྱན།
དགེ་བཤེས་སྐལ་བཟང་རྒྱལ་མཚན་ནམ་ནགས་ཤོད་སྐལ་རྒྱན་ནི་མདོ་ཁམས་ཤོད་ཆེན་བཅོ་བརྒྱད་དུ་གྲགས་པའི་ནང་ཚན་ནགས་ཤོད་འབྲི་རུ་རྗེའུ་ཆུང་གྲོང་དུ་ཕ་དགའ་བ་དང༌། མ་འཛུམ་མོ་གཉིས་ཀྱི་རིགས་རྒྱུད་དུ་སྐྱེས། བྱིས་པའི་རྩེ་རྒོད་ཀློང་ནས་རྩམ་ཟན་བོད་པའི་མངར་སྐྱུར་འཚོ་བས་ལང་ཚོའི་མྱུ་གུ་རིམ་བཞིན་བརྟས། བཤོལ་དུ་མེད་པའི་ལས་དབང་ཞིག་གིས་རང་ལོ་བཅུ་དྲུག་སྟེང་དགེ་བའི་བཤེས་གཉེན་སྐལ་བཟང་བསླབ་གསུམ་ཞལ་སྔ་ནས་གཙུག་ཕུད་བཞེས། བཅུ་བདུན་སྐབས་ཁྱུང་སྤྲུལ་སྐལ་བཟང་བསྟན་འཛིན་ལགས་ཀྱི་ཞལ་སྔ་ནས་རབ་ཏུ་བྱུང༌། ཆོས་མིང་སྐལ་བཟང་རྒྱལ་མཚན་ཞེས་བསྩལ། ཞང་ཞུང་པ་ཆོས་དབང་གྲགས་པའི་གདན་ས་འབྲི་རུ་དགོན་དུ་སྒྲིག་ཞུགས་བྱས། སློབ་དཔོན་དགེ་ལེགས་རྒྱལ་མཚན་དང༌། བསྟན་འཛིན་འཕྲིན་ལས་གཉིས་ཀྱི་ཞལ་སྔ་ནས་གསང་བདེ་འཇིགས་གསུམ། ཀུན་རིག་བསྐང་གསོ་སོགས་དགོན་དེའི་འདོན་ཆོག་སྦྱང་བརྩོན་གྱིས་རྒྱུགས་འབུལ་ཞུས།
